|
ຫົກເດືອນຕົ້ນປີນີ້,ຈີນຈະຕິດຕັ້ງເຄື່ອງຈັກຜະລິດໄຟຟ້າໄດ້ເຖິງ30ລ້ານກິໂລວັດ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ຢູ່ທີ່ປັກກິ່ງ,ທ່ານວາງຢົງກ້ານເລຂາທິການໃຫຍ່ສະຫະພັນວິສາຫະກິດພະລັງໄຟຟ້າຈີນກ່າວວ່າ,ກະວ່າ,ໃນຫົກເດືອນຕົ້ນປີນີ້,ຈີນຈະຕິດຕັ້ງເຄື່ອງຈັກທີ່ຜະລິດໄຟຟ້າໄດ້ປະມານ30ລ້ານກິໂລວັດ,ໝົດປີຈະຜະລິດໄຟຟ້າປະມານ75ລ້ານກິໂລວັດຂຶ້ນໄປ.
ໃນກອງປະຊຸມທີ່ກ່ຽວຂ້ອງເທື່ອໜຶ່ງ,ທ່ານວາງຢົງກ້ານກ່າວວ່າ,ພາຍຫຼັງເຂົ້າສູ່ໄຕມາດທີສອງແລ້ວ,ເຄື່ອງຈັກຜະລິດໄຟຟ້າແລະກິດຈະການຕິດຕັ້ງເຄື່ອງຈັກຜະລິດໄຟຟ້າຈະເຂົ້າສູ່ໄລຍະມອບສິນຄ້າແລະກວດຮັບຫຼາຍທີ່ສຸດ.ໜ່ວຍຈັກຜະລິດໄຟຟ້າກໍຈະເຂົ້າສູ່ໄລຍະທີ່ຜະລິດໄຟຟ້າຫຼາຍທີ່ສຸດຄືກັນ.ເມື່ອຮອດເວລານັ້ນ,ຄວາມສາມາດສະໜອງໄຟຟ້າຂອງຈີນຈະເພີ່ມຂຶ້ນ,ຄວາມຕ້ອງການໄຟຟ້າໃນລະດູຮ້ອນຂອງເຂດສ່ວນໃຫຍ່ຢູ່ຈີນຈະໄດ້ຮັບການຕອບສະໜອງໃນຂັ້ນພື້ນຖານ.
ທ່ານວາງຢົງກ້ານຍັງກ່າວວ່າ,ປີນີ້,ລະບົບຕາຂ່າຍສົ່ງໄຟຟ້າຂອງຈີນກໍຈະມີຄວາມສາມາດສູງຂຶ້ນໃນລະດັບອັນແນ່ນອນ,ອົງປະກອບຕາໜ່າງໄຟຟ້າກໍຈະເໝາະສົມກວ່າເກົ່າ.
|
|
