ວານລະສານ"ເນເຈີ"ຂອງອັງກິດສະບັບວັນທີ 25 ມີນາໄດ້ແນະນຳຜົນການຄົ້ນຄວ້າ
ທີ່ເຮັດໃຫ້ຄົນຕື່ນຕົກໃຈຄື:ມະນຸດມີມັນສະໝອງຫຼາຍແມ່ນຍ້ອນຄາງກະໄຕມີກ້າມ
ເນື້ອໜ້ອຍ,ນີ້ອາດຈະແມ່ນມູນເຫດແທ້ຈິງທີ່ມະນຸດຍຸກປັດຈຸບັນມີມັນສະໝອງທີ່ສະ
ຫຼາດແລະຄາງກະໄຕນ້ອຍກວ່າ.

ຜູ້ທີ່ສະເໜີທັດສະນະດັ່ງກ່າວບໍ່ແມ່ນນັກວິທະຍາສາດມະນຸດບູຮານ,ຫາກແມ່ນໜ່ວຍ
ຄົ້ນຄວ້າທີ່ປະກອບດ້ວຍຜູ້ຊ່ຽວຊານພະແນກພາຍນອກກະເພາະລຳໄສ້ຂອງມະຫາວິ
ທະຍາໄລເພັນຊີແວນເນຍອາເມລິກາແລະນາຍໝໍພະແນກສັນລະຍະກຳຕົກແຕ່ງຂອງ
ໂຮງໝໍເດັກນ້ອຍເມືອງຟີລາແດນເຟຍ.ໃນການຄົ້ນຄວ້າກຳມະພັນວິທະຍາດ້ານກ້າມ
ເນື້ອເໜັງຕີງ,ເມື່ອໜ່ວຍດັ່ງກ່າວໄດ້ຄົ້ນຄວ້າຕົວຢ່າງDNAຂອງມະນຸດໂລກເກືອບທັງ
ໝົດແລ້ວ,ກໍໄດ້ປະກົດເຫັນວ່າ,ແຊນMYH16ໃນຮ່າງກາຍຄົນໄດ້ປ່ຽນແປງກະທັນຫັນ,
ແຊນດັ່ງກ່າວຮັບຜິດຊອບຕໍ່ພາກສ່ວນປະກອບຂອງກ້າມເນື້ອຄາງກະໄຕ.

ທ່ານຮານໄຊສະເຕດແມນຜູ້ຊ່ຽວຊານພະແນກກະເພາະລຳໄສ້ຂອງມະຫາວິທະຍາໄລ
ເພັນຊີແວນເນຍທີ່ຮັບຜິດຊອບການຄົ້ນຄວ້າລາຍນີ້ຄາດວ່າ,ເມື່ອປະມານ2ລ້ານ4ແສນ
ປີກ່ອນ,ແຊນທີ່ຊື່ວ່າMYH16ຂອງມະນຸດໄດ້ເກີດການປ່ຽນແປງຢ່າງກະທັນຫັນ,ພາໃຫ້
ກ້າມເນື້ອຄາງກະໄຕຂອງມະນຸດເຕີບໂຕຊ້າລົງ,ແລ້ວໄດ້ຜ່ອນການຜູກມັດກະໂຫຼກຫົວ
ຢ່າງຫຼວງຫຼາຍ,ເຮັດໃຫ້ກະໂຫຼກຫົວໄດ້ຮັບການປົດປ່ອຍ,ສະໝອງຂອງມະນຸດຈຶ່ງມີ
ຊ່ອງຫວ່າງເຕີບໃຫຍ່ຫຼາຍກວ່າເກົ່າ,ມະນຸດຈຶ່ງໄດ້ວິວັດພັດທະນາກາຍເປັນມະນຸດສະ
ໄໝດຽວນີ້ທີ່ມີມັນສະໝອງຫຼາຍແລະກ້າມເນື້ອຄາງກະໄຕໜ້ອຍ.ທ່ານສະເຕດແມນ
ກ່າວວ່າ,ມູນເຫດທີ່ພາໃຫ້ແຊນ MYH16 ປ່ຽນແປງກະທັນຫັນນັ້ນຍັງບໍ່ຮູ້ເທື່ອ,ນີ້ແມ່ນ
ບັນຫາທີ່ແກ້ຍາກ.

ເຖິງວ່າຜົນການຄົ້ນຄວ້າລາຍນີ້ບໍ່ແມ່ນນັກມະນຸດສາດສະເໜີອອກມາກໍຕາມ,ແຕ່ການ
ຄົ້ນພົບດັ່ງກ່າວໄດ້ພາໃຫ້ມີການໂຕ້ຖຽງກັນຢ່າງດຸເດືອດໃນຂົງເຂດຄົ້ນຄວ້າແຫຼ່ງເກີດ
ຂອງມະນຸດ.

ນັກວິທະຍາສາດບາງຄົນຍ້ອງຍໍຜົນດັ່ງກ່າວເປັນການຄົ້ນພົບທີ່ຍິ່ງໃຫຍ່.ເຫັນວ່າ,ມັນ
ໄດ້ທ້າທາຍກັບທິດສະດີວິວັດທະນາການດັ້ງເດີມ,ພາໃຫ້ມີການປະຕິຮູບຊີວະຊາດທີ່ມີ
ຄວາມໝາຍເລິກເຊິ່ງຍາວໄກ.ຜູ້ຊ່ຽວຊານຜູ້ໜຶ່ງທີ່ຄົ້ນຄວ້າແຫຼ່ງເກີດຂອງມະນຸດຂອງ
ອັງກິດເວົ້າວ່າ,ການຄົ້ນຄວ້າດັ່ງກ່າວໄດ້ຢັ້ງຢືນໃຫ້ເຫັນຄວາມແຕກຕ່າງກັນລະຫວ່າງ
ແຊນສັບພະຄຸນຂອງມະນຸດກັບທະນີ. ການຄົ້ນຄວ້າສະແດງໃຫ້ເຫັນວ່າ,ແຊນປ່ຽນແປງ
ກະທັນຫັນເລັກນ້ອຍເຮັດໃຫ້ຄາງກະໄຕຂອງທະນີນ້ອຍລົງ. ເຫດການປະຫວັດສາດດັ່ງ
ກ່າວແມ່ນສຳຄັນທີ່ສຸດ,ໃນ2ລ້ານກວ່າປີແຕ່ການປ່ຽນແປງກະທັນຫັນເທື່ອນັ້ນເປັນຕົ້ນ
ມາ,ມັນສະໝອງຂອງມະນຸດໄດ້ເພີ່ມຂຶ້ນເກືອບ3ເທົ່າ.

ແຕ່ກໍມີນັກວິທະຍາສາດຈຳນວນໜ່ຶງຄັດຄ້ານທັດສະນະກ່ຽວກັບແຊນປ່ຽນກະທັນຫັນ
ດັ່ງກ່າວ,ເຫັນວ່າ,ການຄົ້ນພົບດັ່ງກ່າວຝ່າຝືນຫຼັກທິດສະດີພື້ນຖານຂອງວິວັດທະນາ
ການ.ທ່ານໂອເວິນແຫ່ງມະຫາວິທະຍາໄລແຄນເທີກກີອາເມລິກາເວົ້າວ່າ,ຈະສະຫຼຸບ
ແບບງ່າຍໆວ່າວິວັດທະນາການຂອງມະນຸດແມ່ນຍ້ອນການປ່ຽນແປງກະທັນຫັນຂອງ
ແຊນກະທົບກະເທືອນກ້າມເນື້ອຄາງກະໄຕບໍ່ໄດ້. ອົງປະກອບຂອງກ້າມເນື້ອຄາງກະ
ໄຕງ່າຍເຂົ້າເປັນກ້າວໆ,ແຕ່ສະໝອງພັດຂະຫຍາຍອອກຢ່າງບໍ່ມີການຜູກມັດກະທັນ
ຫັນນັ້ນແມ່ນລະເມີດຫຼັກມູນທຳມະຊາດ."

ໃນຂະບວນວິວັດທະນາການຈາກທະນີຮອດມະນຸດ,ມັນສະໝອງແມ່ນຂະຫຍາຍຈາກ
ນ້ອຍຫາໃຫຍ່. ກໍຍ້ອນມະນຸດມີສະໝອງທີ່ພັດທະນາຈຶ່ງໄດ້ກາຍເປັນຍອດຂອງສັດສາ
ວາສິ່ງທັງປວງໃນໂລກ.ເປັນຫຍັງສະໝອງຂອງມະນຸດຈຶ່ງໃຫຍ່ຄືແນວນີ້?ກ່ອນນັກວິ
ທະຍາສາດສະເໜີທັດສະນະແຊນປ່ຽນແປງກະທັນຫັນເທື່ອນີ້,ນັກມະນຸດສາດເຄີຍມີ
ທັດສະນະຫຼາຍຢ່າງ.

ນັກປາດບາງຄົນເຫັນວ່າ,ມັນສະໝອງຫຼາຍຂຶ້ນແມ່ນກ່ຽວພັນກັບແບບວິທີດຳລົງຊີວິດ.
ການກະທຳຕ່າງໆຂອງມະນຸດເຊັ່ນຢືນຂຶ້ນຍ່າງ,ໃຊ້ເຄື່ອງມືແລະລ່າເນື້ອເປັນຕົ້ນອາດ
ຈະແມ່ນປັດໄຈທີ່ຊຸກຍູ້ໃຫ້ມັນສະໝອງເພີ່ມຂຶ້ນ.ນອກນີ້,ການຄົ້ນຄວ້າວິທະຍາສາດ
ເຫັນວ່າ,ຫຼັງຈາກມະນຸດປະຖົມບູຮານເລີ່ມກິນອາຫານທີ່ມີກາໂລລີແລະທາດບຳລຸງ
ຫຼາຍແລ້ວ,ສະໝອງຈຶ່ງຄ່ອຍຫຼາຍຂຶ້ນ.ເມື່ອທຽບກັບສັດໝວດລີງອື່ນໆແລ້ວ,ນັກວິທະ
ຍາສາດປະກົດເຫັນວ່າ,ສັດທີ່ມີມັນສະໝອງແຫ່ງຫຼາຍ,ຊະນິດອາຫານກໍຍິ່ງອຸດົມສົມ
ບູນ,ມະນຸດເຮົາກໍແມ່ນຕົວຢ່າງພົ້ນເດັ່ນກວ່າໝູ່.ຫຼັກຖານຈາກາຊາກຫີນກໍຢັ້ງຢືນວ່າ,
ຄຸນນະພາບອາຫານດີຂຶ້ນແມ່ນໄປພ້ອມກັນກັບການເພີ່ມຂຶ້ນຂອງມັນສະໝອງ.

ມີນັກວິທະຍາສາດບາງຄົນເຫັນວ່າ,ມັນສະໝອງຫຼາຍຂຶ້ນແມ່ນກ່ຽວພັນກັບການພັດ
ທະນາດ້ານພາສາຂອງມະນຸດ,ຕົວຢ່າງຄືມະນຸດຄວບຄຸມປະສາດກ້າມເນື້ອໃຕ້ລີ້ນໄດ້
ດີກວ່າທະນີ1,8ເທົ່າ,ການຄົ້ນຄວ້າບູຮານຄະດີຊີ້ອອກວ່າ,ຂະໜາດຂອງຂະໝອງດັ່ງ
ກ່າວໄດ້ສຳເລັດຜົນເມື່ອປະມານ3ແສນປີກ່ອນ.ສິ່ງທີ່ເປັນຕາສົນໃຈນັ້ນແມ່ນມັນສະ
ໝອງຂອງມະນຸດກໍໄດ້ຢຸດເຊົາເຕີບໃຫຍ່ມາແຕ່ເວລານັ້ນ.ໝາຍຄວາມວ່າ,ພາສາປາກ
ເວົ້າຂອງມະນຸດຢ່າງໜ້ອຍມີປະຫວັດ3ແສນປີແລ້ວ.

ຜູ້ຄົ້ນຄວ້າໃນທຸກຂົງເຂດລ້ວນແຕ່ຊອກຄົ້ນບັນຫາມະນຸດວິວັດພັດທະນາມາແນວໃດ.
ແຕ່ການຊອກຫາສິ່ງຄວບຄຸມແຊນຢູ່ເບື້ອງຫຼັງສະພາບທີ່ຕ່າງກັນເຫຼົ່ານີ້ແມ່ນຍາກທີ່ສຸດ.
ທັດສະນະກ່ຽວກັບແຊນປ່ຽນແປງກະທັນຫັນທ່ີໜ່ວຍສະເຕດແມນສະເໜີອອກມານັ້ນ
ແມ່ນທັດສະນະທີ່ມີຫົວຮຸນແຮງ,ມັນຈະໄດ້ຮັບການຮັບຮອງຈາກວົງການທິດສະດີຫຼືບໍ່
ຍັງຕ້ອງຄົ້ນຄວ້າອີກຕໍ່ໄປ.