|
|
(GMT+08:00)
2006-05-05 17:03:44
|
|
ກອງປະຊຸມຂັ້ນສຸດຍອດຂອງຂະແໜງການຊອບແວໂລກຈະຈັດຂຶ້ນຢູ່ຊຽງໄຮ້
cri
ຕາມຂ່າວສານຊິນຮວາ,ກອງປະຊຸມວິສະວະກຳຊອບແວໂລກຄັ້ງທີ28ຈະຈັດຂຶ້ນຢູ່ຊຽງໄຮ້ ເມືອງພາກຕາເວັນອອກຂອງຈີນແຕ່ວັນທີ20ຫາວັນທີ28ພຶດສະພາ.
ນີ້ກໍແມ່ນງານມະໂຫລານຂັ້ນສູງສຸດຂອງຂະແໜງການຊອບແວໂລກທີ່ຈັດຢູ່ປະເທດພວມພັດທະນາເປັນຄັ້ງທຳອິດ.
ຫົວຂໍ້ຂອງກອງປະຊຸມເທື່ອນີ້ແມ່ນວິສະວະກຳຊອບແວຈີນເຊື່ອມໂຍງເຂົ້າກັບໂລກຢ່າງກົມກຽວກັນ.ຝ່າຍເຈົ້າພາບຈັດກອງປະຊຸມກ່າວວ່າ,ກອງປະຊຸມເທື່ອນີ້ຈະນຳເອົາແນວຄິດແລະເຕັກນິກຊອບແວທີ່ນຳໜ້າໃນໂລກມາໃຫ້ຈີນ,ເລັ່ງລັດຫັນອຸດສາຫະກຳຊອບແວຈີນເປັນແບບສາກົນ.
ຕາມຄາດຄະເນວ່າ,ຜູ່ເຂົ້າຮ່ວມກອງປະຊຸມເທື່ອນີ້ຈະລື່ນກາຍ1000ຄົນ,ໃນນັ້ນ,ຜູ່ແທນເຄິ່ງໜຶ່ງແມ່ນມາຈາກອາເມລິກາ,ເຢຍລະມັນແລະອັງກິດ.ກອງປະຊຸມງານສຳມະນາຫົວຂໍ້ສະເພາະທີ່ຈັດຂຶ້ນເທື່ອນີ້ ມີເນື້ອໃນກ່ຽວພັນເຖິງຂົງເຂດແນວໜ້າຂອງອຸດສາຫະກຳຊອບແວ.
ກອງປະຊຸມວິສະວະກຳຊອບແວໂລກສ້າງຕັ້ງຂຶ້ນໃນປີ1975,ເຊິ່ງແມ່ນສອງອົງການຄອມພິວເຕີທີ່ຊົງອິດທິພົນໃນໂລກຮ່ວມກັນລິເລີ່ມຈັດຂຶ້ນ,ແມ່ນການເຄື່ອນໄຫວສຳຄັນທີ່ແລກປ່ຽນເຕັກນິກໃນວົງການຊອບແວສາກົນ.
|
|
|