|
ພະຍາດໄຂ້ຫວັດນົກທີ່ເກີດຂຶ້ນຢູ່ແຂວງຊິ່ງຫາຍຂອງຈີນໄດ້ຖືກຕິດຕາມຄວບຄຸມຢ່າງຮອບຄອບແລ້ວ
cri
Author: min
ຕາມຂ່າວCRI: ຂ່າວຈາກອິນເຕິເນັດກະຊວງກະສິກຳຈີນໃນວັນທີ 5 ພຶດສະພາລາຍງານວ່າ, ພະຍາດໄຂ້ຫວັດນົກທີ່ເກີດຂຶ້ນຢູ່ເມືອງອີ້ຊູແຂວງຊິ່ງຫາຍພາກຕາເວັນຕົກສຽງເໜືອຂອງຈີນເມື່ອ 10 ກວ່າມື້ກ່ອນນັ້ນ, ໄດ້ຖືກຄວບຄຸມໄວ້ຢ່າງຮອບຄອບແລ້ວ, ເຂດເກີດພະຍາດກໍ່ໄດ້ດັບເຊື້ອຢ່າງເຂັ້ມງວດ.
ຕາມໄດ້ຊາບ, ວັນທີ 23 ເມສາ, ຢູ່ເຂດດິນທາມເມືອງອີູ້ຊູແຂວງຊິ່ງຫາຍໄດ້ມີນົກປ່າຕາຍໂດຍບໍ່ຮູ້ສາເຫດ. ວັນທີ 3 ພຶດສະພາ, ຫ້ອງທົດລອງຄົ້ນຄວ້າພະຍາດໄຂ້ຫວັດນົກແຫ່ງຊາດຈີນໄດ້ບົ່ງມະຕິວ່າແມ່ນໄຂ້ຫວັດນົກປະເພດຮ້າຍແຮງ. ນັບມາຮອດວັນທີ 4 ພຶດສະພາ, ຢູ່ເຂດດັ່ງກ່າວໄລ່ລວມແລ້ວມີນົກປ່າຕາຍ 120 ໂຕ. ຕາມແນະນຳວ່າ, ບ່ອນເກີດພະຍາດແມ່ນເຂດໜາວໜາວ, ບໍ່ສູ້ມີຄົນທຽວ, ຢູ່ເຂດອ້ອມແອ້ມກໍບໍ່ມີສັດປີກທີ່ລ້ຽງເອົາ.
ເມື່ອໄດ້ເກີດພະຍາດສັດປີກແລ້ວ, ກະຊວງກະສິກຳຈີນແລະຂະແໜງການທີ່ກ່ຽວຂ້ອງຂອງແຫ່ງດັ່ງກ່າວຕ່າງໄດ້ຈັດວາງມາດຕະການປ້ອງກັນຄວບຄຸມໃນທັນທີ, ປ້ອງກັນບໍ່ໃຫ້ຄົນສຳຜັດກັບນົກປ່າ, ປ້ອງກັນບໍ່ໃຫ້ພະຍາດແຜ່ລາມໃນໝູ່ຄົນ.
|
|
