ທ່ານຜູ່ຟັງທີ່ຮັກແພງ, ບໍ່ຮູ້ວ່າ, ທ່ານກໍເຄີຍມີຄວາມຮູ້ສຶກແນວນີ້ບໍ່ວ່າ, ໃນຍາມທີ່ເວລາໄຫຼຜ່ານໄປນັ້ນ, ສຽງເພງໄດ້ບັນທຶກການຫວນຄິດແລະນິທານຂອງພວກເຮົາໄວ້. ພໍທຳນອງເພງທີ່ຄຸ້ນຫູດັງຂຶ້ນ, ໃນໃຈກໍຈະຮ້ອງໄປນຳ, ສຽງເບົາໆຢ່າງອ່ອນໂຍນ, ບັດນັ້ນ, ພວກເຮົາເລີ່ມຫວນຄິດ, ເລີ່ມຖະໜອມ, ເລີ່ມຝັກໄຝ່……
ເພື່ອແບ່ງປັນຄວາມຮູ້ສຶກສະເພາະນຳກັນກັບທ່ານ, ພວກເຮົາໄດ້ຈັດລາຍການສີ່ພາກຕາບການປ່ຽນແປງຂອງສີ່ລະດູ, ຫວັງວ່າທ່ານຄົງຈະມັກ.
ແຜນການໃນປີໜຶ່ງຕ້ອງວາງມາແຕ່ລະດູໃບໄມ້ປົ່ງ. ລະດູໃບໄມ້ປົ່ງແມ່ນລະດູທີ່ສັບພະສິ່ງພື້ນຊີບຄືນມາ, ດອກໄມ້ນາໆຊະນິດເປັງບານ. ເພງ ຊຸ່ນທ່ຽນຮວາຮຸ້ຍໄຂ ດອກໄມ້ຈະບານໃນລະດູໃບໄມ້ປົ່ງ ທີ່ຂັບຮ້ອງໂດຍທ່ານເຢິນຊຽນສີ, ໄດ້ເຮັດໃຫ້ທ່ານມີອາລົມດີຂຶ້ນບໍ່? ຄົນຈີນມັກເວົ້າວ່າ, "ລະດູໜາວໄດ້ມາຮອດແລ້ວ, ລະດູໃບໄມ້ປົ່ງຍັງຈະໄຫຢູ່ຫວາ?" ເອົາຄວາມເວົ້າຄວາມນີ້ມາລະດົມໃຈຜູ່ທີ່ພວມປະສົບຄວາມຫຍຸ້ງຍາກ. ໃນສຽງເພງ, ທ່ານເຢິນຊຽນສີກກໍ່ບອກເຫດຜົນທີ່ຄືກັນນນີ້ໃຫ້ພວກເຮົາຮູ້ວ່າ, "ໃນລະດູໃບໄມ້ປົ່ງ, ດອກໄມ້ຈະບານ, ນົກນ້ອຍຈະບິນເວີ່ນຢ່າງເສລີ. ຂ້ອຍຍັງຄອງຄອຍ, ຄອຍຖ້າເຈົ້າ ສຸດທີ່ຮັກໃຫ້ຄືນມາໄວໆ. ລະດູໜາວລົມແລະຫິມະພັດມາ, ດອກໄມ້ຮ່ວງໂຮຍແລ້ວມັນຍັງຈະບານອີກ, ປີໜ້າ, ນົກນ້ອຍຍັງຈະບິນກັບຄືນມາ. ບາງທີສະພາບຕົວຈິງເຮັດໃຫ້ເຮົາສຸດວິໄສແທ້, ແຕ່ຕ້ອງພຽນໃຈຄອງຄອຍ, ສຸດທ້າຍຍ່ອມຈະດີງາມ."
ການຄອງຄອຍແມ່ນໄລຍະທີ່ຍາວນານ, ໃນໂອກາດທີ່ດອກໄມ້ນາໆພັນອ້າກີບບານນີ້, ດອກລີລີປ່າທີ່ບໍ່ຈັບຕາຄົນກໍ່ມີລະດູບານຂອງມັນເອງ.
"ເໝືອນດັ່ງຄວາມຝັນ, ທີ່ພວກເຮົາໄດ້ພົບໜ້າກັນແລ້ວບໍ່ດົນກໍຕ້ອງຈາກກັນໄປ, ເຈົ້າຄືກັບລົມລະດູບານໃໝ່ພັດເຂົ້າໃຈຂ້ອຍຢ່າງອ່ອນໂຍນ, ແຕ່ດຽວນີ້, ຮອຍຍິ້ມຂອງເຈົ້າໄປໃສແລ້ວ. ເຖິງວ່າເຈົ້າອາໄສຫາດອກຊຸຍຊຽນທີ່ເຜີຍກີບບານຢູ່ໃນນ້ຳ, ແຕ່ຢ່າລືມວ່າ, ດອກລີລີປ່າກໍ່ມີມື້ບານເຮືອງຢູ່ຮ່ອມພູທີ່ງຽບສະຫງັດ."ທ່ານຜູ່ຟັງທີ່ທ່ານຟັງມານັ້ນແມ່ນເພງດອກລລີລີປ່ກໍ່ມີລະດູບານທີ່ຂັບຮ້ອງໂດຍນາງເມິ້ງທິງເວີຍ. ຕໍ່ໄປ, ເຊີນຟັງເພງທີ່ຂັບຮ້ອງໂດຍທ່ານຊີຊິນທີ່ຊື່ວ່າ: ບູຊາດອກໄມ້.
"ເດືອນເພັງມາລາສວຍ"ແມ່ນສັນຍະລັກແຫ່ງສິ່ງທີ່ດີງາມໃນດວງໃຈຂອງຊາວຈີນ. ໃນຄ່ຳຄືນທີ່ງຽບສະຫງັດນີ້, ຂໍມອບເພງ"ເດືອນເພັງມາລາສວຍ"ໃຫ້ຜູ່ທີ່ຮັກກັນໃນທົ່ວໂລກ, "ລົມລະດູບານໃໝ່ພັດເຂົ້າດວງໃຈຂ້ອຍ, ເຮັດໃຫ້ຂ້ອຍຄຶດຮອດເຈົ້າຈົນໃຈເຕັ້ນຕຶກໆ ນອນບໍ່ຫຼັບ; ດວງຈັນເທິງຟ້າເໝືອນກັບຄິ້ວກົ່ງຂອງນ້ອງ, ຄຶດຮອດນ້ອງ, ອ້າຍມີແຕ່ຕ້ອງກ້າວໜ້າ ຖອຍຫຼັງບໍ່ໄດ້. ໃນຄືນເດືອນເພັງມາລາສວຍ, ເຮົາທັງສອງຮັກກັນ."
ທ່ານຜູ່ຟັງທີ່ໂຄລົບ, ວັນອາທິດເທື່ອທິສອງໃນເດືອນພຶດສະພາແຕ່ລະປີກໍແມ່ນວັນແມ່. ເຖິງວ່າ, ນີ້ແມ່ນມື້ບຸນຂອງຝ່າຍຕາເວັນຕົກກໍ່ຕາມ, ແຕ່ມ້ວນທ້າຍລາຍການມື້ນີ້, ພວກເຮົາຍັງໄດ້ຈັດເອົງເພງ"ງາມເດ! ລະດູບານໃໝ່"ສຳລັບຜູ່ເປັນແມ່ທຸກໆຄົນໃນໂລກນີ້, ເພາະວ່າ, ບໍ່ວ່າພວກເຮົາໄປຢູ່ມຸມໃນແຈໃດໃນໂລກ, ຄວາມຮັກຂອງແມ່ທີ່ມີຕໍ່ລູກແມ່ນຄືກັນໝົດ, ຄວາມຮັກຂອງລູກທີ່ມີຕໍ່ແມ່ກໍ່ເຊັ່ນດຽວກັນ.
"ພວກເຮົາກຳລັງຫວນຄຶດ, ຫວນຄຶດເລື່ອງທີ່ຜ່ານໄປ, ຢູ່ເທິງຈອມພູລະດູໜາວ, ສິ່ງມີຊີວິດຊີວາໄດ້ໂພ່ຂຶ້ນ. ສາຍລະດູບານພັດເອົາຄວາມໜາວໃຫ້ຫັນຫາຍໄປ, ລະດູບານໃໝ່ນຳເອົາຄວາມຮັກໄຄ່ມາໃຫ້ເຮົາ. ຊີວິດອັນສຸກສັນໃນລະດູບານໃໝ່, ປະທັບໃຈບໍ່ມີວັນຈາງຫາຍ, ນີ້ກໍ່ແມ່ນລະດູບານໃໝ່ທີ່ສວຍງາມ."
ຄຽງຄູ່ກັບເພງ"ງາມເດ!ລະດູບານໃໝ່", ລາຍການນັດພົບໃນວັນອາທິດຂອງພາກນີ້ຂໍສ້ຽງສຸດລົງພຽງທໍ່ນີ້, ຜ່ານສຽງເພງເຫຼົ່ານີ້ພວກເຮົາຂໍສະແດງຄວາມຂອບອົກຂອບໃຈແລະຄວາມອວຍພອນອັນດີງາມມາຍັງເພື່ອນຜູ່ຟັງທັງຫຼາຍ, ຂໍໃຫ້ເພື່ອນຜູ່ຟັງຢູ່ຂ້າງວິທະຍຸພ້ອມກັບຜູ່ເປັນແມ່ທຸກໆຄົນໃນໂລກນີ້ຈົ່ງມີຊີວິດອັນແຈ່ມໃສເໝືອນດັ່ງລະດູບານໃໝ່, ມີຮອຍຍິ້ມງາມປານດອກໄມ້ທີ່ບານແຍ້ມໃນລະດູບານໃໝ່!
|