|
ຈີນມີຫວັງຈະກາຍເປັນປະເທດໃຫຍ່ດ້ານການທ່ອງທ່ຽວຂອງໂລກພາຍໃນ10ປີ
cri
ຕາມຂ່າວCRI,ໃນບົດລາຍງານຫຼ້າສຸດສະບັບໜຶ່ງທີ່ປະກາດໃນຫວ່າງມໍ່ໆນີ້,ສະພາມົນຕີການ ທ່ອງທ່ຽວແລະການນເດີນທາງຂອງໂລກຄາດຄະເນວ່າ,ຈີນມີຫວັງຈະກາຍເປັນປະເທດໃຫຍ່ດ້ານການທ່ອງທ່ຽວໃນໂລກພາຍໃນ10ປີ.
ການຄາດຄະເນທີ່ແນໃສ່ການທ່ອງທ່ຽວຂອງຈີນດັ່ງກ່າວສະແດງໃຫ້ເຫັນວ່າ,ແຕ່ປີ2007ຫາ2016,ການທ່ອງທ່ຽວຂອງຈີນຈະເພີ່ມຂຶ້ນ8,7%ສະເລ່ຍຕໍ່ປີ.ໃນດ້ານຄວາມຕ້ອງການກວມລວມແຫ່ງການ ທ່ອງທ່ຽວ,ຈີນຈະກາຍເປັນປະເທດທີ່ພັດທະນາໄວທີສອງໃນໂລກ.
ເພື່ອຂຸດຄົ້ນກຳລັງບົ່ມຊ້ອນຂອງຈີນໃນດ້ານການທ່ອງທ່ຽວ,ສະພາມົນຕີການທ່ອງທ່ຽວແລະການເດີນທາງຂອງໂລກໄດ້ສະເໜີຂໍ້ສະເໜີຫຼາຍຂໍ້ໃຫ້ແກ່ຈີນ,ເຊິ່ງລວມທັງການໃຫ້ເພີ່ມເວລາພັກຜ່ອນອີກສອງສັບປະດາໂດຍບໍ່ງົດເງິນເດືອນ,ພັດທະນາໂຮງແຮມທີ່ຄ່າພັກເຊົາຖືກ,ເພີ່ມທະວີຫຼັກການຮັກສາຊີວະພາບດ້ານການທ່ອງທ່ຽວເປັນຕົ້ນ.
ຕາມສະຖິຕິ,ປີກາຍນີ້,ການທ່ອງທ່ຽວຂອງຈີນມີລາຍຮັບຕົກເປັນເງິນຕາຕ່າງປະເທດເຖິງ29ຕື້200ລ້ານໂດລາ,ເພີ່ມຂຶ້ນຫຼາຍກວ່າປີກ່ອນ13%.ນອກນັ້ນ,ຈີນຍັງເປັນປະເທດທີ່ສົ່ງແຂກທ່ອງທ່ຽວໄປທ່ຽວຕ່າງປະເທດຫຼາຍກວ່າໝູ່ໃນອາຊີ.
|
|
