|
ຕາມຂ່າວCRI: ວັນທີ 6 ພຶດສະພາ ໃນກອງປະຊຸມລັດຖະມົນຕີກະຊວງສາທາລະນະສຸກອົງການອາເປັກທີ່ຈັດຂຶ້ນຢູ່ຫວຽດນາມ, ຜູ່ແທນທະນາຄານພັດທະນາອາຊີກ່າວວ່າ, ຕາບໃດເຊື້ອໄວລັດໄຂ້ຫວັດນົກແປພັນແລ້ວສາມາດແຜ່ລະບາດຢູ່ລະຫວ່າງຄົນ, ປະເທດອາຊີຈະປະສົບຄວາມເສຍຫາຍລື່ນກາຍ 100 ຕື້ໂດລາສະຫະລັດ.
ແຕ່ວັນທີ 4 ຮອດວັນທີ 6 ພຶດສະພາ, ລັດຖະມົນຕີກະຊວງສາທາລະນະສຸກຂອງບັນດາປະເທດອົງການອາເປັກໄດ້ໄຂກອງປະຊຸມຢູ່ເມືອງດານາງແຫ່ງຫວຽດນາມ, ປຶກສາຫາລືເຮັດແນວໃດຮັບມືກັບບັນຫາແຜ່ລະບາດຂອງໄຂ້ຫວັດນົກ. ໃນກອງປະຊຸມຂອງວັນທີ 6 ພຶດສະພາ, ຜູ່ແທນທະນາຄານພັດທະນາອາຊີຊີ້ອອກວ່າ, ເຖິງວ່າອົງການອະນາໄມໂລກໄດ້ຄາດຄະເນແລ້ວເຫັນວ່າ ພະຍາດໄຂ້ຫວັດນົກຢູ່ອາຊີບໍ່ໄດ້ສົ່ງຜົນສະທ້ອນຕໍ່ປະສິດທິຜົນຂອງການທ່ອງທ່ຽວແລະຂະແໜງການອື່ນໆຢ່າງໜັກໜ່ວງ. ແຕ່ຜົນການປະເມີນຫຼ້າສຸດຂອງອາຊີໄດ້ສະແດງໃຫ້ເຫັນວ່າ, ຖ້າເຊື້ອໄວລັດໄຂ້ຫວັດນົກແປພັນແລະສາມາດແຜ່ລະບາດຢູ່ລະຫວ່າງຄົນໃນທີ່ສຸດ, ຄັນຊັ້ນ ຄວາມເສຍຫາຍດ້ານເສດຖະກິດຂອງປະເທດອາຊີພາຍໃນ 6 ເດືອນຈະສູງເຖິງ 11 ຕື້ 300 ລ້ານໂດລາສະຫະລັດ.
|
