|
|
 |
| (GMT+08:00)
2006-05-07 21:10:21
|
 |
|
ກອງປະຊຸມພຸດທະສາສະໜາໂລກຈັດບຸນວິສາຂະບູຊາສາກົນຢູ່ໄທ
cri
ຕາມຂ່າວcri,ຕອນເຊົ້າວັນທີ7ພຶດສະພາ,ກອງປະຊຸມພຸດທະສາສະໜາໂລກໄດ້ເຮັດບຸນວິສາຂະບູຊາສາກົນເປັນເວລາ4ມື້ຢູ່ຈັງຫວັດນະຄອນປະຖົມຂອງໄທ.
ກອງປະຊຸມຄັ້ງນີ້ແມ່ນລັດຖະບານໄທເປັນເຈົ້າພາບຈັດຂຶ້ນ,ຫົວຂໍ້ແມ່ນ"ການອຸທິດຂອງພຸດທະສາສະໜາຕໍ່ສັນຕິພາບແລະການພັດທະນາແບບຍຶນຍົງຂອງໂລກ".ຕາມໄດ້ຊາບ,ຜູ້ແທນທີ່ຮ່ວມປະຊຸມຈະຄົ້ນຄວ້າຫາລືແລະແລກປ່ຽນຄຳຄິດຄຳເຫັນກ່ຽວກັບຫົວຂໍ້ຕ່າງໆ,ເຊັ່ນເຮັດແນວໃດເພີ່ມທະວີຄວາມສາມັກຄີຮ່ວມມືໃນວົງການພຸດທະສາສະໜາໂລກເພື່ອຊຸກຍູ້ສັນຕິພາບຂອງໂລກແລະເຮັດແນວໃດເຜີຍແຜ່ພຸດທະສາສະໜາຕື່ມອີກ.ນອກນັ້ນ,ພະສົງບັນດາປະເທດທີ່ເຂົ້າຮ່ວມກອງປະຊຸມຈະພ້ອມກັນສູດມົນສະຫຼອງສົມເດັດພູມິພົນ ອະດຸນຍະເດດ ເຈົ້າຊີວິດໄທຊົງສະເຫວີຍລາຊະສົມບັດຄົບຮອບ60ປີ.
ຜູ້ແທນວົງການພຸດທະສາສະໜາ ເຈົ້າໜ້າທີ່ລັດຖະບານ ທູຕານຸທູດ ນັກປາດຜູ້ຊ່ຽວຊານທີ່ມາຈາກ40ກວ່າປະເທດພ້ອມດ້ວຍຜູ້ຮັບຜິດຊອບອົງການຈັດຕັ້ງສາກົນຕ່າງໆເຊັ່ນ ອົງການຢູເນັສໂກ ແລະສະພາມົນຕີເສດຖະກິດສັງຄົມອາຊີປາຊິຟິກເປັນຕົ້ນລວມ1000ກວ່າຄົນຈະເຂົ້າຮ່ວມການເຄື່ອນໄຫວທີ່ກ່ຽວຂ້ອງຂອງກອງປະຊຸມຄັ້ງນີ້.ໃນນັ້ນ,ຄະນະຜູ້ແທນຈີນທີ່ນຳໂດຍພະອາຈານເຊຍເຊີງ ຮອງປະທານທັງເປັນເລຂາທິການຂອງພຸທະສະມາຄົມຈີນລວມ9ຄົນໄດ້ເຂົ້າຮ່ວມກອງປະຊຸມ.
|
|
|
