ຕາມ​ຂ່າວສານ​ຊິນ​ຮວາ: ປີ​ນີ້ ກຸ່ມ​ຂົນ​ສົ່ງ​ຢວນຢາງ​ຈີນ ກຸ່ມ​ບໍລິສັດລົດລາງ​ອັງ​ກິດ ກຸ່ມ​ບໍ​ລິ​ສັດ​ເອພີ ມອນ​ເລີ ມາ​ແຢສກ໌​ດານ​ມາກ​ແລະ​ກຸ່ມ​ທ່າ​ເຮືອ​ຊິ່ງຕາວຈະ​ລົງທຶນ​ເພີ່ມ​​ເຕີມ 4 ຕື້​ຢວນ, ສ້າງ​ທ່າ​ເຮືອ​ຕູ້​ຄອນ​ແທນ​ເນີ​​ແຫ່ງໃໝ່ຢູ່​ທ່າ​ເຮືອ​ຊິ່ງຕາວ, ພະຍາຍາມ​ຈະ​ເລີ່​ມນຳ​ໃຊ້​ໃນ​ປີ 2008.

ກຸ່ມ​ບໍລິສັດ​​ລົດ​ລາງ​ອັງກິດ​ແມ່ນ​ວິ​ສາ​ຫະກິດທຸລະກິດ​​ທ່າ​ເຮືອ​ນຳ​ໜ້າ​ຂອງ​ໂລກ, ກຸ່ມ​ບໍ​ລິ​ສັດ​ເອພີ ມອນ​ເລີ ມາ​ແຢສກ໌​ດານ​ມາກ​​ແມ່ນ​ບໍລິສັດ​ຂົນ​ສົ່ງ​ທາງ​ທະ​ເລ​ແລະ​ການ​ຈໍ​ລະ​ຈອນ​ສິນ​ຄ້າ​ບໍລິການ​ສັງ​ລວມ​ໃຫຍ່​ກວ່າ​ໝູ່​ຂອງ​ໂລກ. ຕາມ​ແນະນຳ​ວ່າ, ນີ້​ແມ່ນ​ການ​ລົງ​ທຶນ​ເພີ່ມ​​ເຕີມ​ຂະ​ໜາດ​ໃຫຍ່​​ເທື່ອ​ທີ​ສອງຫຼັງຈາກ​ບໍລິສັດ​ໃຫຍ່​ການ​ຂົນ​ສົ່ງ 4 ​ແຫ່ງ​ດັ່ງ​ກ່າວ​ລົງ​ນາມ​ໃນ​ໂຄງ​ການ​ຮ່ວມ​ທຶນ​ທຸລະ​ກິດທ່າ​ເຮືອ​ຊິ່ງຕາວຢູ່​ປັກ​ກິ່ງ​ເມື່ອ​ປີ 2003. ຝ່າຍ​ລົງ​ທຶນ​ກ່າວ​ວ່າ, ຄວາມ​ຕ້ອງ​ການ​ຂອງ​ຕະຫຼາດທີ່​ເພີ່ມ​ຂຶ້ນຢ່າງ​ບໍ່​ຢຸດ​ຢັ້ງ​ແມ່ນ​ປັດ​ໄຈ​ສຳຄັນ​ຂອງ​ການ​ຂະ​ຫຍາຍ​ສ້າງ​​​ເທື່ອ​ນີ້.

ສະຖິຕິ​ສະ​ແດງ​ໃຫ້​ເຫັນ​ວ່າ, ປີ​ກາຍ​ນີ້, ປະລິມານ​ຂົນ​ສົ່ງ​ເຄື່ອງ​ຂອງ​ເຂົ້າອອກ​ທ່າ​ເຮືອ​ຊິ່ງ​ຕາວ​ໄດ້​ບັນລຸ 186 ກວ່າລ້ານ​ໂຕນ, ຕູ້​ຄອນ​ແທນ​ເນີ​ລື່ນ​ກາຍ 6 ລ້ານ 3 ​ແສນ​ຕູ້​ມາດ​ຖານ.