|
|
 |
| (GMT+08:00)
2006-05-08 18:01:06
|
 |
|
ສະພາກາແດງຈີນສະໜອງການຊ່ອຍເຫຼືອດ້ານການປິ່ນປົວພະຍາດໃຫ້ຊາວກະສິກອນຜູ້ທຸກຍາກ
cri
Author: shuo
ຕາມຂ່າວCRI:ເພື່ອລະລຶກວັນທີ8ພຶດສະພາ ວັນກາແດງໂລກ,ໃນວັນທີ8ພຶດສະພາປີນີ້,ຢູ່ທີ່ປັກກິ່ງ,ສະພາກາແດງຈີນໄດ້ເລີ່ມຈັດການເຄື່ອນໄຫວ "ສັບປະດາຄວາມຮັກແພງຂອງກາແດງ" ຢູ່ປັກກິ່ງ.ຈຸດປະສົງຂອງການເຄື່ອນໄຫວດັ່ງກ່າວແມ່ນເພື່ອເຮັດໃຫ້ທົ່ວສັງຄົມຍິ່ງເອົາໃຈໃສ່ນຳບັນຫາສຸຂະພາບຂອງຊາວກະສິກອນຫຼາຍກວ່າເກົ່າ,ແລະຫ້າງຫາເງິນກຸສົນຫຼາຍກວ່າເກົ່າເພື່ອສະໜອງການຊ່ອຍເຫຼືອດ້ານການປິ່ນປົວພະຍາດໃຫ້ຊາວກະສິກອນຜູ້ທຸກຍາກ.
ໃນພິທີຈັດການເຄື່ອນໄຫວ,ວິສາຫະກິດແລະບຸກຄົນຈຳນວນໜຶ່ງຂອງຈີນໄດ້ບໍລິຈາກເງິນແລະວັດຖຸທີ່ມີມູນຄ່າ30ລ້ານກວ່າຢວນໃຫ້ສະພາກາແດງຈີນຢູ່ກັບບ່ອນ.ໃນໄລຍະຈັດການຈັດ ການເຄື່ອນໄຫວ,ອົງການກາແດງຈີນຍັງຈະຈັດໃຫ້ມີການຫ້າງຫາເງິນບໍລິຈາກ ການປະມູນຂາຍປຶ້ມຂຽນງາມແລະຮູບແຕ້ມ ພ້ອມດ້ວຍງານລາຕີສາທາລະນະປະໂຫຍດ ການສົ່ງຢຸກຢາໃຫ້ຊາວກະສິກອນແລະການກວດພະຍາດໃຫ້ຊາວກະສິກອນໂດຍບໍ່ເກັບຄ່າແລະການເຄື່ອນໄຫວອື່ນໆ.
|
|
|
