ຫວ່າງມໍ່ໆ​ນີ້,​ທ້າວ​ບຸນ​ມີ.ສີ​ປະ​ເສີດ ​ເຊິ່ງ​ເຮັດ​ວຽກ​ຢູ່​ຫ້ອງການ​ສຶກສາ​ເມືອງ​ຂວາ ​ແຂວງ​ຜົ້ງ​ສາລີ ໄດ້​ຝາກ​ຈົດໝາຍ​ມາ​ຍັງ​ພວກ​ເຮົາ​ວ່າ:​ໃນ​ນາມ​ແຟນລາຍການ​ວິທະຍຸ​ພວກ​ເຮົາ​ທີ່​ເຄີຍ​ຕິດຕາມ​ມາ​ຕະຫຼອດ,ກໍ່​ຂໍ​ຝາກ​ຄວາມ​ຢື້​ຢາມ​ຖາມ​ຂ່າວ​ຕໍ່​ໂຄ​ສົກ​ພວກ​ເຮົາ​ທີ່​ມີ​ນ້ຳ​ໃຈດີ​ແລະ​ສຽງ​ຫວານ,ນຳ​ເອົາ​ເລື່ອງ​ລາວ​ຕ່າງໆ​ມາສະ​ເໜີ,ກ່ອນ​ອື່ນ,ຂ້າພະ​ເຈົ້າບຸນ​ມີ.ສີ​ປະ​ເສີດ​ຂໍ​ຕອບ​ຄວາມ​ເຫັນ​ຕໍ່​ຄື້ນວິທະຍຸ​ຫຼື​ເນື້ອ​ໃນ​ລາຍການ,​ເຫັນ​ວ່າ​ມັນ​ຈະ​ແຈ້ງ​ດີ​ແລ້ວ,ບໍ່​ວ່າ​ເວລາ 19:30-20:30 ກໍ່​ຄື 21:30-22:30. ນອກ​ນີ້,ນ້ອງ​ກໍ່​ຂໍ​ຟັງ​ເພງ​ແດ່,​ເພງ​ໃດ​ກໍ່​ໄດ້,​ໂດຍ​ຟັງ​ຮ່ວມ​ກັບ​ເພື່ອນ​ແສງ​ສຸວັນ ​ເພື່ອ​ນສຸກສະຫວັນ​ຢູ່​ແຂວງ​ຫົວພັນ.

ໃນ​ລາຍການ​ມື້​ນີ້,ພວກ​ເຮົາ​ຂໍມອບ​ເພງ​ຈີນ​ມ່ວນໆ​ເພງ​ໜຶ່ງ​ໃຫ້​​ແກ່​ນ້ອງບຸນ​ມີ.ສີ​ປະ​ເສີດ​ແລະ​ເພື່ອນ​ສອງ​ຄົນ​ຂອງ​ນ້ອງ,​ເພງນີ້​ຊື່ວ່າ"​ເຮ່​ເຊີ້​ມາວ​ອີ່",​​ແປ​ວ່າ"​​ເສື້ອ​ແລນ​ສີ​ດຳ",ທ່ານ​ຜູ້​ຟັງ​ທີ່​ພວມຟັງ​ລາຍການ​ຂອງ​ພວກ​ເຮົາ,​ເຊີນ​ຟັງ​ເພງ​ນີ້​ນຳ​ກັນ.