ຕາມ​ຂ່າວສານ​ຊິນ​ຮວາ: ໜັງສືພິມ "ບິ​ສນິສ" ອິນ​ໂດ​ເນ​ເຊຍ​ສະບັບ​ວັນ​ທີ 10 ລາຍ​ງານ​ວ່າ, ຫວ່າງ​ມໍ່ໆ​ນີ້ ທ່ານ​ຊາ​ເລ​ເຮີ ອະທິ​ໄອ​ຍະ​ການ​ໃຫຍ່​ອິນ​ໂດ​ເນ​ເຊຍກ່າວ​ວ່າ, ອົງການ​ອະ​ທິ​ໄອ​ຍະ​ການ​ໃຫຍ່​ອິນ​ໂດ​ເນ​ເຊຍ​ຈະ​ຢຸດຕິ​ການ​ສືບສວນ​ຄະດີ​ສໍ້​ລາດ​ບັງ​ຫຼວງ​ຂອງ​ທ່ານ​ຊູ​ຮາ​ໂຕ ອະ​ດີດ​ປະ​ທາ​ນາ​ທິບໍດີ​ອິນ​ໂດ​ເນ​​ເຊຍ​ຊົ່ວຄາວ, ​ແລະ​ອະນຸຍາດ​ໃຫ້​ທ່ານ​ໄປ​ປົວ​ພະ​ຍາດ​ຢູ່​ຕ່າງ​ປະ​ເທດ.

ວັນ​ທີ 4 ພຶດສະພາ, ທ່ານ​ຊູ​ຮາ​ໂຕ​ໄດ້ນອນໂຮງໝໍ​ຍ້ອນ​ໄສ້​ອອກ​ເລືອດ, ​ແລະ​ຜ່າຕັດ​ໃນ​ວັນ​ທີ 7.

​ເດືອນ​ພຶດສະພາ​ປີ 1998, ທ່ານ​ຊູ​ຮາ​ໂຕ​ທີ່​ກຳ​ອຳນາດ​​ເປັນ​ເວລາ 32 ປີ​ໄດ້ຖືກ​ບັງ​ຄັບ​ໃຫ້​ລາ​ອອກ​ຈາກ​ຕຳ​ແໜ່​ງ. ​ເດືອນ​ສິງຫາ​ປີ 2000, ອົງການ​ອະທິ​ໄອ​ຍະ​ການ​ໃຫຍ່​ອິນ​ໂດ​ເນ​ເຊຍ​ໄດ້​ກ່າວ​ຟ້ອງ​ທ່ານ​ຊູ​ຮາ​ໂຕ​ດ້ວຍ​ຂໍ້ຄວາມ​ສໍ້​ລາດ​ບັງຫຼວງ, ສານ​ທ້ອງ​ຖິ່ນ​ອິນ​ໂດ​ເນ​ເຊຍ​ເຄີຍ​ໄຕ່​ສວນ​ຄະດີ​ນີ້ຫຼາຍ​ເທື່ອ, ​ແຕ່​ທ່ານ​ຊູ​ຮາ​ໂຕ​ລ້ວນ​ແຕ່​ປະຕິ​ເສດ​ບໍ່ຂຶ້ນ​ສານ​ໂດຍ​ອ້າງ​ວ່າ "ສຸ​ຂະ​ພາບ​ບໍ່​ດີ".