|
ເຂດສາມຫຼ່ຽມແມ່ນ້ຳຢາງເຊຂອງຈີນນຳໃຊ້ທຶນຕ່າງປະເທດຕົວຈິງກວມເກືອບເຄິ່ງໜຶ່ງຂອງທົ່ວປະເທດ
cri
Author: cai
ຕາມຂ່າວສານຊີນຮວາ:ປະຈຸບັນ,ເຂດສາມຫຼ່ຽມແມ່ນ້ຳຢາງເຊຂອງຈີນໄດ້ກາຍເປັນໜຶ່ງໃນບ່ອນລົງທຶນຂອງນັກທຸລະກິດຕ່າງປະເທດທີ່ຖືກເຫັນໄປໃນແງ່ດີກວ່າໝູ່ໃນໂລກ,ຍອດມູນຄ່ານຳໃຊ້ທຶນຕ່າງປະເທດຕົວຈິງກວມເກືອບເຄິ່ງໜຶ່ງຂອງທົ່ວປະເທດ,ໃນວິສາຫະກິດສຸດຍອດ 500 ແຫ່ງຂອງໂລກ,ມີ 400 ກວ່າແຫ່ງໄດ້ລົງທຶນຢູ່ເຂດນີ້.
ຕາມໄດ້ຊາບ,ປະຈຸບັນ,ນະຄອນຊຽງໄຮ້ ນະຄອນຮາງໂຈ່ວ ນະຄອນນານກິ່ງແລະເມືອງອື່ນໆໃນເຂດສາມຫຼ່ຽມແມ່ນ້ຳຢາງເຊ,ໄດ້ເຕົ້າໂຮມວິສາຫະກິດທີ່ມີທ່າແຮງແລະອົງການຄົ້ນຄວ້າພັດທະນາເທັກໂນໂລຊີຈຳນວນຫຼາຍສົມຄວນໃນຂົງເຂດວິສະວະກຳຊີວະຊາດ ເຕັກນິກການບິນອະວະກາດ ເຕັກນິກຂໍ້ມູນຂ່າວສານແລະເຕັກນິກອັດຕະໂນມັດເປັນຕົ້ນ,ແລະມີຜະລິດຕະພັນທີ່ມີສິດຊັບສິນທາງປັນຍາຂອງຕົນຫຼາຍໆຢ່າງ.ຜູ້ຊ່ຽວຊານທີ່ກ່ຽວຂ້ອງເວົ້າວ່າ,ແຖບເສດຖະກິດແມ່ນ້ຳຢາງເຊອາໄສເມືອງໃຫຍ່ແລະຜ້ານກາງທີ່ພັດທະນາ,ໄດ້ຈໍ່ຕົວເປັນລະບຽງໄຮເທັກແມ່ນ້ຳຢາງເຊແລ້ວ,ໃນອະນາຄົດ,ເຂດນີ້ຈະກາຍເປັນຖານຍຸດທະສາດແຫ່ງການປະດິດສ້າງແລະຍົກສູງກຳລັງການຜະລິດຂອງຈີນ.
|
|
