|
ຕາມຂ່າວCRI,ວັນທີ9ພຶດສະພາ,ໃນເວລາປະກອບຄຳຄິດຄຳເຫັນໃນກອງ ປະຊຸມລັດຖະມົນຕີການຕ່າງປະເທດກ່ຽວກັບບັນຫາດາຟູຂອງສະພາຄວາມໝັ້ນຄົງສະຫະປະຊາຊາດ,ທ່ານລີຈ້າວຊິງລັດຖະມົນຕີການຕ່າງປະເທດຈີນຊີ້ອອກວ່າ,ຫວ່າງມໍ່ໆນີ້,ລັດຖະບານຊູດັງແລະຂະບວນການປົດປ່ອຍຊູດັງໄດ້ເຊັນສັນຍາສັນຕິພາບກ່ຽວກັບບັນຫາດາຟູຢູ່ອາບູຈານະຄອນຫຼວງນີຊເລຍ,ທັງນີ້ສະແດງໃຫ້ເຫັນວ່າ,ພາຍໃຕ້ການສະໜັບສະໜູນຂອງປະຊາຄົມໂລກ,ບັນຫາພາຍໃນທະວີບອາຟິຼກກາສາມາດແກ້ໄຂໂດຍອີງໃສ່ສະຕິປັນຍາຂອງອາຟິຼກກາ,ຮູບການອາຟິຼກກາແລະການນຳພາຂອງອາຟິຼກກາດ້ວຍການເຈລະຈາທາງການເມືອງ.
ທ່ານລີຈ້າວຊິງກ່າວເນັ້ນວ່າ,ຈຸດປະສົງພຽງໜຶ່ງດຽວຂອງສະຫະປະຊາຊາດທີ່ຈັດວາງກອງທະຫານຮັກສາສັນຕິພາບຢູ່ເຂດດາຟູແມ່ນເພື່ອຊ່ອຍລັດຖະບານຊູດັງແລະບັນດາຝ່າຍຢູ່ເຂດດາຟູປະຕິບັດຕາມສັນຍາສັນຕິພາບອາບູຈາ,ສະນັ້ນ,ການໄດ້ຮັບຄວາມເຫັນດີແລະການຮ່ວມມືຈາກລັດຖະບານຊູດັງແມ່ນປະຖົມປັດໄຈຂອງການຈັດວາງກອງທະຫານ.
|
