|
|
 |
| (GMT+08:00)
2006-05-10 19:46:15
|
 |
|
ກອງປະຊຸມສາກົນກ່ຽວກັບການຕ້ານການຕົວະເອົາແລະຄ້າຂາຍຄົນຈັດຂຶ້ນຢູ່ພະນົມເປັນ
cri
Author: shuo
ຕາມຂ່າວສານຊິນຮວາ:ວັນທີ10ພຶດສະພາ,ກອງປະຊຸມເຈົ້າໜ້າທີ່ອາວຸໂສຄັ້ງທີ4ທີ່ກ່ຽວກັບການຕ້ານການຕົວະເອົາແລະຄ້າຂາຍຄົນຂອງມະຫາອະນຸພາກພື້ນແມ່ນ້ຳຂອງໄດ້ໄຂຂຶ້ນຢູ່ທີ່ພະນົມເປັນ ນະຄອນຫຼວງກຳປູເຈຍ.ໃນເວລາປະກອບຄຳຄິດຄຳເຫັນ,ຜູ້ຕາງໜ້າບັນດາປະເທດທີ່ກ່ຽວຂ້ອງແລະຜູ້ປະສານງານຂອງສະຫະປະຊາຊາດປະຈຳກຳປູເຈຍລ້ວນແຕ່ກ່າວວ່າ,ຈະສືບຕໍ່ໃຊ້ມາດຕະການອັນຕັ້ງໜ້າ,ເພີ່ມທະວີການຮ່ວມມື,ສະກັດກັ້ນການກະທຳທີ່ຕົວະເອົາແລະຄ້າຂາຍຄົນນັ້ນຢ່າງບັງເກີດຜົນ.
ໃນພິທີໄຂກອງປະຊຸມ,ທ່ານຊາ ເຄັງ ຮອງນາຍົກລັດຖະມົນຕີ ທັງເປັນລັດຖະມົນຕີກະຊວງພາຍໃນຂອງກຳປູເຈຍກ່າວວ່າ,ໜ້າທີ່ອັນດັບໜຶ່ງໃນພາຍໜ້າຂອງປະເທດພາຄີມະ ຫາອະນຸພາກພື້ນແມ່ນ້ຳຂອງໃນການໂຈມຕີການຕົວະເອົາແລະຄ້າຂາຍຄົນແມ່ນສ້າງກົນໄກຮ່ວມມືພາກພື້ນທີ່ແໜ້ນແຟ້ນກວ່າເກົ່າ,ຮັບປະກັນໃຫ້ໄດ້ຮັບຊັບພະຍາກອນມະນຸດ ເງິນທຶນແລະເຕັກນິກຢ່າງພຽງພໍ.
ໃນເວລາປະກອບຄຳຄິດຄຳເຫັນ,ທ່ານຈ່າງລີມີງ ຫົວໜ້າຄະນະຜູ້ແທນຈີນກ່າວວ່າ,ລັດຖະບານຈີນຈະສືບຕໍ່ປະຕິບັດໂຄງການຕ້ານການຕົວະເອົາແລະຄ້າຂາຍຄົນຂອງມະ ຫາອະນຸພາກພື້ນແມ່ນ້ຳຂອງ,ເພີ່ມທະວີການຮ່ວມມືກັບບັນດາປະເທດໃນພາກພື້ນ,ທຳຄວາມພະຍາຍາມເພື່ອປົກປ້ອງສິດຜົນປະໂຫຍດອັນຊອບກົດໝາຍຂອງແມ່ແລະເດັກຂອງມະຫາອະນຸພາກພື້ນແມ່ນ້ຳຂອງ.
ຜູ້ແທນຂອງ6ປະເທດພາຄີ ເຊັ່ນ ກຳປູເຈຍ ຈີນ ລາວ ຫວຽດນາມ ໄທແລະມຽນມາ ເອກອັກຄະລັດຖະທູດຂອງປະເທດທີ່ກ່ຽວຂ້ອງປະຈຳກຳປູເຈຍ ພ້ອມດ້ວຍຜູ້ປະສານງານຂອງສະຫະປະຊາຊາດປະຈຳກຳປູເຈຍ300ກວ່າຄົນໄດ້ເຂົ້າຮ່ວມກອງປະຊຸມຄັ້ງນີ້.
|
|
|
