|
|
 |
| (GMT+08:00)
2006-05-11 15:46:32
|
 |
|
ຂ້າຫຼວງຊັ້ນສູງວຽກງານສິດທິມະນຸດຂອງສະຫະປະຊາຊາດເວົ້າວ່າ ພາລະກິດສິດທິມະນຸດສາກົນໄດ້ຕ້ອນຮັບການເລີ່ມຕົ້ນໃໝ່
cri
Author: cai
ຕາມຂ່າວສານຊີນຮວາ:ວັນທີ 10 ພຶດສະພາ,ຢູ່ເຊີແນວແຫ່ງສວິສ,ທ່ານນາງລູອິສ໌ ອາເບີ ຂ້າຫຼວງຊັ້ນສູງວຽກງານສິດທິມະນຸດຂອງສະຫະປະຊາຊາດໄດ້ອອກຖະແຫຼງການ,ສະແດງຄວາມຊົມເຊີຍຕໍ່ສະພາມົນຕີສິດທິມະນຸດທີ່ສ້າງຕັ້ງຂຶ້ນໃໝ່ໄດ້ເລືອກຕັ້ງ 47 ສະມາຊິກທັງໝົດ,ແລະເຫັນວ່າ,ການເລືອກຕັ້ງເທື່ອນີ້ເປັນຂີດໝາຍສະແດງໃຫ້ເຫັນວ່າ,ຄວາມພະຍາຍາມຂອງປະຊາຄົມໂລກໃນການຊຸກຍູ້ແລະປົກປ້ອງສິດທິມະນຸດນັ້ນໄດ້ຕ້ອນຮັບການເລີ່ມຕົ້ນໃໝ່.
ທ່ານນາງອາເບີເວົ້າວ່າ,ການເລືອກຕັ້ງສະພາມົນຕີສິດທິມະນຸດຄັ້ງທຳອິດທີ່ຈັດຂຶ້ນໃນວັນທີ 9 ພຶດສະພາແມ່ນເຊີດຊູກຳລັງໃຈຄົນທີ່ສຸດ,ການເລືອກຕັ້ງຢ່າງສຳເລັດຜົນເຮັດໃຫ້ຄົນທັງຫຼາຍເຫັນໄປໃນແງ່ດີຕໍ່ອະນາຄົດຂອງອົງການໃໝ່ນີ້.ທ່ານນາງຮຽກຮ້ອງໃຫ້ສະມາຊິກສະພາມົນຕີສິດທິມະນຸດທີ່ເລືອກຕັ້ງໃໝ່ເລີ່ມເຮັດວຽກໃນທັນທີ,ທຳການກະກຽມໃຫ້ດີໃຫ້ແກ່ກອງປະຊຸມຄັ້ງປະຖົມມະເລີກຂອງສະພາມົນຕີສິດທິມະນຸດທີ່ຈະຈັດຂຶ້ນໃນວັນທີ 19 ມິຖຸນາ.
ທ່ານນາງຍັງເຕືອນໃຫ້ສະມາຊິກສະພາມົນຕີສິດທິມະນຸດຮັກສາຄວາມອະນຸໂລມ ການຮ່ວມມືແລະຄວາມໂປ່ງໃສໃນວຽກງານຕໍ່ໄປພາຍໜ້າ.
|
|
|
