|
|
 |
| (GMT+08:00)
2006-05-11 18:23:06
|
 |
|
ທ່ານອານນານຮຽກຮ້ອງໃຫ້ບັນດາປະເທດຈັດວາງຍຸດທະສາດແຫ່ງຊາດທີ່ພັດທະນາແບບຍືນຍົງ
cri
ຕາມຂ່າວCRI,ວັນທີ10ພຶດສະພາ,ໃນເວລາກ່າວຄຳປາໄສຕໍ່ກອງປະຊຸມພັດທະນາແບບຍືນຍົງຂອງອົງການສະຫະປະຊາຊາດທີ່ຈັດຂຶ້ນຢູ່ນິວຢອກ,ທ່ານອານນານ ເລຂາທິການໃຫຍ່ສະຫະປະຊາຊາດຮຽກຮ້ອງໃຫ້ບັນດາປະເທດຈົ່ງປະຕິບັດຕາມຄຳໝັ້ນສັນຍາທີ່ອະນຸລັກສິ່ງແວດລ້ອມ,ຈັດວາງຍຸດທະສາດແຫ່ງຊາດທີ່ພັດທະນາແບບຍືນຍົງ.
ທ່ານອານນານກ່າວວ່າ,ໃນໂລກປັດຈຸບັນ,ຄົນເຮົາຕ້ອງການມີການປະຕິວັດໃນດ້ານປະສິດທິພາບນຳໃຊ້ພະລັງງານ.ທ່ານຍັງຮຽກຮ້ອງໃຫ້ບັນດາປະເທດຕັ້ງໜ້າພັດທະນາລົດຍົນທີ່ປະຢັດພະລັງງານ,ເພີ່ມການລົງທຶນເຂົ້າໃນການພັດທະ ນາພະລັງງານທີ່ເກີດໃໝ່ໄດ້,ເຊັ່ນພະລັງນ້ຳ ພະລັງລົມແລະພະລັງຕາເວັນ ເປັນຕົ້ນ.
ທ່ານອານນານເວົ້າວ່າ,ລາຄານ້ຳມັນເຊື້ອໄຟທີ່ແພງຕະຫຼອດດ້ານໜຶ່ງເປັນການຫາບແບກທາງເສດຖະກິດຂອງປະເທດພວມພັດທະນາ,ພ້ອມກັນນັ້ນການນຳໃຊ້ວັດຖຸເຊື້ອໄຟປະເພດນ້ຳມັນຢ່າງຫຼວງຫຼາຍກໍເຮັດໃຫ້ດິນຟ້າອາກາດປ່ຽນແປງຢ່າງຮ້າຍແຮງກວ່າເກົ່າ,ສ່ວນປະເທດທຸກຍາກຍິ່ງອ່ອນແອໃນການຮັບມືກັບການປ່ຽນແປງຂອງດິນຟ້າອາກາດ,ບັນຫາດັ່ງກ່າວຕ້ອງໄດ້ຮັບຄວາມເອົາໃຈໃສ່ໂດຍທົ່ວໄປຈາກປະຊາຄົມໂລກ.
|
|
|
