|
ຝ່າຍຈີນສະແດງຄວາມບໍ່ພໍໃຈຢ່າງຮຸນແຮງຕໍ່ລີບີທີ່ຊູຊີໃຫ້ທ່ານເສິນສຸຍປຽນຜ່ານແດນ
cri
ຕາມຂ່າວCRI,ວັນທີ11ພຶດສະພາ,ຢູ່ທີ່ປັກກິ່ງ,ທ່ານລິວຈ້ຽນຊາວ ໂຄສົກກະຊວງການຕ່າງປະເທດຈີນກ່າວວ່າ,ຝ່າຍຈີນສະແດງຄວາມບໍ່ພໍໃຈຢ່າງຮຸນແຮງຕໍ່ລີບີທີ່ຊູຊີໃຫ້ທ່ານເສີນສຸຍປຽນ ຜູ່ນຳເຈົ້າໜ້າທີ່ໄຕ້ຫວັນຜ່ານແດນລີບີໃນຫວ່າງມໍ່ໆນີ້,ແລະເຈລະຈາກັບທ່ານເສີນສຸຍປານກ່ຽວກັບຈັດຕັ້ງສຳນັກງານຜູ່ແທນເຊິ່ງກັນແລະກັນ,ຝ່າຍຈີນໄດ້ຕໍ່ວ່າຕໍ່ຂານຢ່າງເຄັ່ງຂຶມຕໍ່ຝ່າຍລີບີແລ້ວ.
ທ່ານລິວຈ້ຽນຊາວຊີ້ອອກວ່າ,ການກະທຳດັ່ງກ່າວຂອງລີບີໄດ້ຝ່າຝືນຢ່າງໜັກໜ່ວງກັບຄຳໝັ້ນສັນຍາຂອງຝ່າຍລີບີທີ່ໄດ້ຍຶດໝັ້ນນະໂຍບາຍຈີນດຽວເປັນເວລາດົນນານມານີ້,ອັນໄດ້ສ້າງຜົນສະທ້ອນທາງລົບຕໍ່ການພົວພັນລະຫວ່າງສອງປະເທດ.ຝ່າຍຈີນຮຽກຮ້ອງໃຫ້ຝ່າຍລີບີເຄົາລົບຄຳໝັ້ນສັນຍາຂອງຕົນ,ຢຸດຕິການໄປມາຫາສູ່ກັນ ຝ່າຍທາງ ການໃດໆກັບໄຕ້ຫວັນໃນທັນທີ,ປົກປັກຮັກສາພາກສ່ວນໃຫຍ່ແຫ່ງການພົວພັນລະຫວ່າງສອງປະເທດ.
|
|
