|
|
 |
| (GMT+08:00)
2006-05-11 21:34:17
|
 |
|
ຝ່າຍຈີນໄດ້ພະຍາຍາມໂດຍຕະຫຼອດເພື່ອຊຸກຍູ້ໃຫ້ຈັດການເຈລະຈາຫົກຝ່າຍຄືນໃໝ່ໂດຍໄວ
cri
ຕາມຂ່າວCRI,ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງໃນວັນທີ11ພຶດສະພາ,ທ່ານລິວຈ້ຽນຊາວ ໂຄສົກກະຊວງການຕ່າງປະເທດຈີນກ່າວວ່າ,ຈີນໄດ້ພະຍາຍາມໂດຍຕະຫຼອດເພື່ອຊຸກຍູ້ໃຫ້ຈັດການເຈລະຈາຫົກຝ່າຍກ່ຽວກັບບັນຫານີວເຄຼຍແຫຼມເກົາຫຼີຄືນໃໝ່ໂດຍໄວ.ຫວັງໃຫ້ຝ່າຍກ່ຽວທີ່ສຳຄັນໃຊ້ທ່າທີຄ່ອງແຄ້ວແລະຕິດແທດຕົວຈິງ,ກຳຈັດອຸປະສັກໃນການຟື້ນຟູຈັດການເຈລະຈາຄືນໃໝ່ໂດຍໄວ.
ໃນເວລາຕອບຄຳຖາມຂອງນັກຂ່າວ,ທ່ານລິວຈ້ຽນຊາວກ່າວວ່າ,ຈີນແລະອາເມລິກາລ້ວນແຕ່ມີເຈດຈຳນົງຜ່ານຈາກການສົນທະນາແລະຊ່ອງທາງການເຈລະຈາຫົກຝ່າຍມາແກ້ໄຂບັນຫານີວເຄຼຍຂອງແຫຼມເກົາຫຼີ,ເຮັດໃຫ້ແຫຼມເກົາຫຼີປອດນີວເຄຼຍໂດຍໄວ,ປົກປັກຮັກສາສັນຕິພາບແລະສະຖຽນລະພາບຂອງແຫຼມເກົາຫຼີ.ອຸປະສັກຕົ້ນຕໍໃນການຟື້ນຟູຈັດການເຈລະຈາຄືນໃໝ່ໃນສະເພາະໜ້ານີ້ແມ່ນສ.ປ.ປ.ເກົາຫຼີແລະອາເມລິກາຍັງມີຄວາມເຫັນຂັດກັນແລະເປັນປໍລະປັກກັນໃນບັນຫາການເງິນທີ່ກ່ຽວພັນເຖິງສ.ປ.ປ.ເກົາຫຼີ.
|
|
|
