|
|
 |
| (GMT+08:00)
2006-05-12 21:35:53
|
 |
|
ຈີນຈະຈັດງານກິລາໂອລິມປິກປັກກິ່ງໃຫ້ເປັນງານບຸນທີ່ໃຫຍ່ໂຕມະໂຫລານທີ່ມີປະຊາຊົນປະເທດຕ່າງໆໃນໂລກມາເຕົ້າໂຮມກັນຢ່າງມ່ວນຊື່ນ
cri
Author: shuo
ຕາມຂ່າວສານຊິນຮວາ:ວັນທີ12ພຶດສະພາ,ຢູ່ທີ່ປັກກິ່ງ,ທ່ານລິວຊີ ເລຂາຄະນະເລຂາພັກນະຄອນປັກກິ່ງ ປະທານຄະນະກຳມະການຈັດຕັ້ງງານກິລາໂອລິມປິກປັກກິ່ງກ່າວວ່າ,ຈີນຈະຈັດງານກິລາໂອລິມປິກປັກກິ່ງປີ2008ໃຫ້ເປັນງານບຸນທີ່ໃຫຍ່ໂຕມະໂຫລານທີ່ມີປະຊາຊົນປະເທດຕ່າງໆໃນໂລກມາເຕົ້າໂຮມກັນຢ່າງມ່ວນຊື່ນ,ທຳຄວາມພະຍາຍາມເພື່ອສ້າງໂລກທີ່ມີສັນຕິພາບແລະກົມກຽວກັນ.
ທ່ານລິວຊີແມ່ນໃຫ້ທັດສະນະດັ່ງກ່າວໃນເວລາພົບປະທ່ານອີຊີຄາວາ ຊາໂທຊີ ປະທານຂ່າວສານກີໂອໂດຂອງຍີ່ປຸ່ນ.
ທ່ານລິວຊີເວົ້າວ່າ,ງານກິລາໂອລິມປິກປັກກິ່ງປີ2008ໄດ້ສະໜອງໂອກາດທີ່ຫາຍາກໃຫ້ຈີນ,ຍ່ອມຈະເພີ່ມຄວາມເຂົ້າໃຈກັນແລະການຮ່ຳຮຽນເຊິ່ງກັນແລະກັນລະຫວ່າງຈີນກັບບັນດາປະເທດໃນໂລກ,ຝ່າຍຈີນຍິນດີຕ້ອນຮັບສື່ມວນຊົນບັນດາປະເທດໃນໂລກ ເຊິ່ງລວມທັງຂ່າວສານກີໂອໂດສືບຕໍ່ເອົາໃຈໃສ່ແລະສະໜັບສະໜູນງານກິລາໂອລິມປິກປີ2008.
ທ່ານອີຊີຄາວາ ຊາໂຕຊີເວົ້າວ່າ,ປະຊາຊົນຍີ່ປຸ່ນຮູ້ສຶກດີໃຈຫຼາຍທີ່ງານກິລາໂອລິມປິກຈະຈັດຂຶ້ນຢູ່ຈີນ ເຊິ່ງເປັນປະເທດໃກ້ຄຽງຂອງຍີ່ປຸ່ນ.ງານກິລາໂອລິມປິກປີ2008ຍ່ອມຈະເປັນງານມະໂຫລານທີ່ມີສີສັນພິເສດ,ຂ່າວສານກີໂອໂດຈະອອກແຮງສຸດຂີດລາຍງານຂ່າວງານມະໂຫລານຄັ້ງນີ້ໃຫ້ດີ.
|
|
|
