|
ຈີນຍີ່ປຸ່ນຈະຈັດເວທີປາໄສສັງລວມປະຢັດພະລັງງານແລະອະນຸລັກສິ່ງແວດລ້ອມຢູ່ໂຕກຽວໃນທ້າຍເດືອນນີ້
cri
Author: min
ຕາມຂ່າວສານຊິນຮວາ: ເພື່ອເພີ່ມທະວີການແລກປ່ຽນແລະຮ່ວມມືກັນໃນຂົງເຂດປະຢັດພະລັງງານແລະອະນຸລັກສິ່ງແວດລ້ອມລະຫວ່າງຈີນກັບຍີ່ປຸ່ນ, ສອງປະເທດຈະຈັດເວທີປາໄສສັງລວມປະຢັດພະລັງງານແລະອະນຸລັກສິ່ງແວດລ້ອມຢູ່ໂຕກຽວໃນທ້າຍເດືອນນີ້.
ເວັບໃຊ້ຂອງຄະນະກຳມະການພັດທະນາແລະປະຕິຮູບແຫ່ງຊາດຈີນແຈ້ງຂ່າວວ່າ, ເວທີປາໄສເທື່ອນີ້ແມ່ນສອງຝ່າຍຈີນຍີ່ປຸ່ນຈັດຂຶ້ນນຳກັນ, ຮອດເວລານັ້ນ, ຈະມີຜູ້ແທນຂອງຂະແໜງການລັດຖະບານ, ວິສາຫະກິດ, ສະມາຄົມແລະວົງການວິຊາການປະມານ 500 ຄົນເຂົ້າຮ່ວມ.
ຕາມໄດ້ຊາບ, ຜູ້ແທນທີ່ຮ່ວມງານຈະດຳເນີນການແລກປ່ຽນແລະຫາລືກັນກ່ຽວກັບບັນຫາທີ່ສອງຝ່າຍສົນໃຈນຳກັນໃນຂົງເຂດປະຢັດພະລັງງານແລະອະນຸກລັກສິ່ງແວດລ້ອມ, ແລະຈະໄປທັດສະນະສຶກສາຢູ່ວິສາຫະກິດກ້າວໜ້າໃນຂົງເຂດປະຢັດພະລັງງານແລະອະນຸລັກສິ່ງແວດລ້ອມຈຳນວນໜຶ່ງຂອງຍີ່ປຸ່ນ.
|
|
