|
ທ່ານອັບບາສກ່າວປະນາມກອງທະຫານອິສລາແອນຊອກຈັບຄົນຢູ່ຝັ່ງຕາເວັນຕົກແມ່ນ້ຳຈໍແດນ
cri
ຕາມຂ່າວCRI, ວັນທີ14ພຶດສະພາ, ທ່ານອັບບາສ ປະທານອົງການອຳນາດແຫ່ງຊາດປາເລສຕິນໄດ້ອອກຖະແຫຼງການ, ກ່າວປະນາມກອງທະຫານອິສລາແອນຍິງຊາວປາເລສຕິນຕາຍ7ຄົນຢູ່ຝັ່ງຕາເວັນຕົກແມ່ນ້ຳຈໍແດນໃນມື້ດຽວກັນ.
ໃນຖະແຫຼງການ, ທ່ານອັບບາສກ່າວວ່າ, ການກະທຳຂອງກອງທະຫານອິສລາແອນມີແຕ່ພາໃຫ້ເກີດມີກຳລັງຮຸນແຮງແລະການປັ່ນປ່ວນຫຼາຍກວ່າເກົ່າ, ທ່ານຍັງຮຽກຮ້ອງໃຫ້ປະຊາຄົມໂລກເຂົ້າກ່ຽວພັນເລື່ອງນີ້ໃນທັນທີ.
ວັນທີ14ພຶດສະພາ, ກອງທະຫານອິສລາແອນໄດ້ປິດລ້ອມສິ່ງກໍ່ສ້າງຫຼັງໜຶ່ງຢູ່ມໍ່ຈານິນ ເມືອງພາກເໜືອຝັ່ງຕາເວັນຕົກແມ່ນ້ຳຈໍແດນ, ແລະໄດ້ຍິງຜູ້ບັນຊາການຜູ້ໜຶ່ງຂອງອົງການຈີຮາດປາເລສຕິນແລະຊາວປາເລສຕິນຕາຍ4ຄົນໃນການລົບເລວກັນ. ຝາຍປາເລສຕິນກ່າວວ່າ, ໃນການເຄື່ອນໄຫວອື່ນໆທີ່ເກີດຂຶ້ນໃນວັນທີ14ພຶດສະພາ, ກອງທະຫານອິສລາແອນຢ່າງໜ້ອຍຍັງໄດ້ຍິງຊາວປາເລສຕິນຕາຍອີກສອງຄົນ.
|
|
