|
ກອງປະຊຸມປອງດອງຊາດອີຣັກຈະຈັດຂຶ້ນໃນເດືອນໜ້າ, ແບກແດັດເກີດເຫດການຫຼອນໂຈມຕີຫຼາຍເທື່ອ
cri
Author: min
ຕາມຂ່າວCRI: ວັນທີ 14 ພຶດສະພາ, ຜູ້ແທນບັນດາປະເທດສະມາຊິກສັນນິບາດປະເທດອາຣາບໄດ້ຈັດກອງປະຊຸມ, ຮັບຮູ້ວ່າກອງປະຊຸມປອງດອງ ຊາດອີຣັກທີ່ສັນນິບາດປະເທດອາຣາບເປັນເຈົ້າພາບຈະຈັດຂຶ້ນໃນເດືອນໜ້າຢູ່ແບກແດັດ. ມື້ດຽວກັນ, ຢູ່ແບກແດັດໄດ້ເກີດເຫດການຫຼອນໂຈມຕີຫຼາຍເທື່ອ, ຢ່າງໜ້ອຍເຮັດໃຫ້ 28 ຄົນເສຍຊີວິດ, ຫຼາຍສິບຄົນບາດເຈັບ.
ທ່ານອາມູ ມຸດຊາ ເລຂາທິການໃຫຍ່ສັນນິບາດປະເທດອາຣາບໄດ້ຈັດກອງປະຊຸມຜູ້ແທນສັນນິບາດປະເທດອາຣາບໃນວັນທິ 14 ພຶດສະພາ, ກອງປະຊຸມໄດ້ປຶກສາຫາລືກັນກ່ຽວກັບຫົວຂໍ້ຕ່າງໆ, ເຊັ່ນ, ວຽກງານກະກຽມຈັດກອງປະຊຸມປອງດອງຊາດອີຣັກເປັນຕົ້ນ, ຕາມໄດ້ຊາບ, ໜ້າທີ່ໃຈກາງຂອງວຽກງານກະກຽມແມ່ນຊ່ອຍສ້າງຕັ້ງລັດຖະບານອີຣັກຊຸດໃໝ່ໂດຍໄວ.
ວັນທີ 14 ພຶດສະພາ, ຢູ່ພາກຕາເວັນອອກແລະໃຈກາງເມືອງແບກແດັດໄດ້ເກີດເຫດການລະເບີດ 4 ເທື່ອ, ຢ່າງໜ້ອຍເຮັດໃຫ້ 10 ຄົນເສຍຊີວິດແລະ 35 ຄົນບາດເຈັບ, ຕອນເຊົ້າມື້ດຽວກັນ, ລົດຂອງທ່ານອານ ຊີບາຣີ ລັດຖະມົນຕີກະຊວງການຕ່າງປະເທດອີຣັກກໍ່ໄດ້ຖືກລະເບີດຂ້າງທາງຫຼອນໂຈມຕີຢ່ພາກູເໜືອແບກແດັດ, ທະຫານປ້ອງກັນ 2 ຄົນເສຍຊີວິດ.
|
|
