|
ທະນາຄານພັດທະນາອາຊີຊີ້ອອກວ່າ ລາຄານ້ຳມັນສູງຂຶ້ນໄດ້ຂົ່ມຂູ່ເສດຖະກິດອາຊີຢ່າງໜັກໜ່ວງ
cri
Author: cai
ຕາມຂ່າວCRI:ວັນທີ 15 ພຶດສະພາ,ທະນາຄານພັດທະນາອາຊີໄດ້ປະກາດບົດລາຍງານປະເມີນເສດຖະກິດ,ຊີ້ອອກວ່າ,ລາຄານ້ຳມັນດິບໃນຕະຫຼາດສາກົນສູງຂຶ້ນເລື້ອຍໆໄດ້ເປັນການຂົ່ມຂູ່ຢ່າງໜັກໜ່ວງຕໍ່ການພັດທະນາເສດຖະກິດຂອງບັນດາປະເທດອາຊີ.
ບົດລາຍງານຂຽນວ່າ,ເຖິງວ່າປະຈຸບັນ,ການກະທົບຂອງລາຄານ້ຳມັນສູງທີ່ມີຕໍ່ເສດຖະກິດບັນດາປະເທດອາຊີຍັງບໍ່ທັນສະແດງອອກຢ່າງເດັ່ນຊັດເທື່ອກໍຕາມ,ແຕ່ການຂົ່ມຂູ່ທີ່ບົ່ມຊ້ອນຢູ່ແມ່ນໜັກໜ່ວງທີ່ສຸດ.ຖ້າລາຄານ້ຳມັນສືບຕໍ່ແພງຂຶ້ນ,ເສດຖະກິດຂອງປະເທດອາຊີກໍຈະປະເຊີນກັບວິກິດການ.ເພາະວ່າ,ລາຄານ້ຳມັນດິບສາກົນແພງຂຶ້ນນັ້ນ,ຈະພາໃຫ້ອັດຕາເຕີບໂຕທາງເສດຖະກິດຂອງປະເທດອາຊີຫຼຸດລົງແລະຕົວເລກດັດສະນີລາຄາສິນຄ້າສັງລວມສູງຂຶ້ນ.ແຕ່ຕາບໃດທະນາຄານກາງຂອງປະເທດອາຊີປະຕິບັດນະໂຍບາຍຮັດແຄບເງິນຕາເພື່ອຮັບມືກັບລາຄາສິນຄ້າແພງຂຶ້ນ,ກໍຈະເຮັດໃຫ້ຈຳນວນເງິນຕາທີ່ໃຊ້ເຂົ້າໃນການລົງທຶນນັ້ນຫຼຸດໜ້ອຍລົງຢ່າງຫຼວງຫຼາຍ,ແລ້ວພາໃຫ້ເກີດວິກິດການທີ່ໜັກໜ່ວງກວ່າເກົ່າ.
|
|
