|
ວັນທີ 25 ເມສາແມ່ນວັນລະລຶກຈີນລາວສ້າງສາຍສຳພັນທາງການທູດຄົບຮອບ 45 ປີ.ໃນເວລາໃຫ້ສຳພາດໂດຍທາງໂທລະສັບຕໍ່ນັກຂ່າວວິທະຍຸ CRI ,ທ່ານລິວຢົງຊິງ ເອກອັກຄະລັດຖະທູດຈີນປະຈຳລາວເວົ້າ ວ່າ, ການພົວພັນຈີນລາວພວມຢູ່ໃນໄລຍະດີທີ່ສຸດໃນປະຫວັດສາດ.ຕໍ່ໄປ ເຊີນຟັງບົດແຈ້ງຂ່າວທີ່ກ່ຽວຂ້ອງ:
ທ່ານລິວຢົງຊິງ ເອກອັກຄະລັດຖະທູດຈີນປະຈຳລາວແມ່ນຄົນຊຽງໄຮ້, ໃນຖານເປັນນັກການທູດທ່ານເຄີຍເຮັດວຽກຢູ່ໄທເປັນເວລາ 15 ປີ, ເດືອນສິງຫາປີ 2003 ທ່ານໄດ້ຮັບການແຕ່ງຕັ້ງເປັນເອກອັກຄະລັດຖະທູດຜູ່ມີອຳ ນາດເຕັມຂອງສປຈີນປະຈຳສປປລາວ. ທ່ານຮູ້ຄັກຫລາຍຕໍ່ການຂະຫຍາຍ ຕົວຂອງການພົວພັນລະຫວ່າງຈີນກັບລາວໃນ 45 ປີມານີ້.
ມື້ນີ້(ວັນທີ 25 ເມສາ)ແມ່ນວັນລະລຶກສາທາລະນະລັດປະຊາຊົນຈີນກັບສາທາລະນະລັດປະຊາທິປະໄຕປະຊາຊົນລາວສ້າງສາຍສຳພັນທາງການທູດຄົບຮອບ 45 ປີ.ໃນ 45 ປີມານີ້,ປະຊາຊົນສອງປະເທດຈີນກັບລາວໄດ້ສະຫນັບສະຫນູນເຊິ່ງກັນແລະກັນ,ຕ່າງລະດົມໃຈກັນໃນການພ້ອມກັນສູ້ຊົນຕ້ານຈັກກະພັດນິ ຍົມແລະຕ້ານລັດທິລ່າເມືອງຂຶ້ນແລະພາລະກິດສ້າງສາປະເທດໃຜລາວ,ໄດ້ສ້າງມິດຕະພາບອັນຫມັ້ນແກ່ນ.ໃນສິບກວ່າປີມານີ້, ມິດ ຕະພາບອັນເປັນມູນເຊື້ອແລະການພົວພັນຮ່ວມມືຖານບ້ານໃກ້ເຮືອນຄຽງທີ່ດີຕໍ່ກັນໄດ້ຮັບການພັດທະນາຢ່າງມະຫາສານ.ໂດຍສະເພາະແມ່ນການຢ້ຽມ ຢາມເຊິ່ງກັນແລະກັນທີ່ເປັນປະຫວັດການຂອງທ່ານຈຽງເຈີມີນ ປະທານປະເທດຈີນແລະທ່ານຄຳໄຕ ສີພັນດອນ ປະທານປະເທດລາວໃນປີ 2000, ການພົວພັນຈີນລາວໄດ້ຂຶ້ນຂັ້ນໃດໃຫມ່,ຄວາມໄວ້ເນື້ອເຊື່ອໃຈເຊິ່ງກັນແລະກັນດ້ານການເມືອງລະຫວ່າງສອງປະເທດລົງເລິກເຂົ້າ, ການແລກປ່ຽນແລະການຮ່ວມມືລະຫວ່າງສອງຝ່າຍໃນຂົງເຂດການເມືອງ ເສດຖະກິດການຄ້າ ການທະຫານແລະວັດທະນະທຳການສຶກສາເປັນຕົ້ນເພີ່ມທະວີຂຶ້ນເລື້ອຍໆ. ອາດເວົ້າໄດ້ວ່າ, ການພົວພັນລະຫວ່ງຈີນລາວໃນປະຈຸບັນແມ່ນຢູ່ໃນໄລຍະປະຫວັດສາດທີ່ດີທີ່ສຸດ,ແລະກໍ່ແມ່ນຢູ່ໃນໄລຍະທີ່ມີອະນາດຄົດການພັດທະ ນາທີ່ສຸດ.
ຈີນກັບລາວແມ່ນປະເທດທີ່ມີໄມຕີຈິດຖານບ້ານໃກ້ເຮືອນຄຽງທີ່ມີພູຜາແມ່ນ້ຳຕິດຈອດກັນ,ມິດຕະພາບອັນເປັນມູນເຊື້ອຂອງປະຊາຊົນສອງປະເທດມີມາແຕ່ດົນນານ.ໃນສະໄຫມຫມໍ່,ສອງປະເທດຈີນກັບລາວລ້ວນແຕ່ຖືກປະເທດຝ່າຍຕາເວັນຕົກຮຸກຮານແລະກົດຂີ່ຂູດຮີດ,ການຕໍ່ສູ້ຕ້ານຈັກກະພັດ ແລະລັດທິລ່າເມືອງຂຶ້ນເພື່ອຍາດແຍ່ງຄວາມເປັນເອກະລາດແຫ່ງຊາດແລະການປົດປ່ອຍນັ້ນໄດ້ເຮັດໃຫ້ປະຊາຊົນສອງປະເທດມີການພົວພັນແຫນ້ນແຟ້ນຂຶ້ນ.ພາຍຫລັງສ້າງຕັ້ງສາທາລະນະລັດປະຊາທິປະໄຕປະຊາຊົນລາວໃນວັນທີ 2 ທັນວາປີ 1975 ເປັນຕົ້ນມາ, ຜູ່ນຳພັກລັດຂອງລາວຄືທ່ານໄກສອນພົມວິຫານເປັນຕົ້ນໄດ້ຢ້ຽມຢາມປະເທດຈີນຫລາຍເທື່ອ, ໄດ້ຜູກມິດ ຕະພາບອັນເລິກເຊິ່ງກັບຜູ່ນຳຈີນ.ປີ 1989 ແລະປີ 1990 ທ່ານໄກສອນພົມ ວິຫານ ປະທານສະພາລັດຖະມົນຕີ ເລຂາທິການໃຫຍ່ພັກປະຊາຊົນປະຕິວັດລາວແລະທ່ານລີເພິງ ນາຍົກລັດຖະມົນຕີຈີນໃນຄາວນັ້ນໄດ້ຢ້ຽມຢາມເຊິ່ງກັນແລະກັນ,ນີ້ເປັນຂີດຫມາຍສະແດງໃຫ້ເຫັນວ່າ, ການພົວພັນມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນລະຫວ່າງຈີນລາວໄດ້ເຂົ້າສູ່ໄລຍະພັດທະນາອັນໃຫມ່.ຜ່ານການປຶກສາຫາລືຢ່າງມີໄມຕີຈິດ,ຈີນກັບລາວໄດ້ເຊັນສັນຍາທີ່ມີຄວາມຫມາຍປະຫວັດສາດຄື ສັນຍາເສັ້ນຊາຍແດນຈີນລາວ ສັນຍາຕົກລົງເສັ້ນຊາຍແດນຈີນລາວແລະສັນຍາລະບອບເສັ້ນຊາຍແດນຈີນລາວເປັນ ຕົ້ນຕາມໆກັນ,ຜ່ານການປຶກສາຫາລືກັນ,ລັດຖະບານສອງປະເທດໄດ້ແກ້ໄຂບັນຫາເສັ້ນຊາຍແດນຢ່າງຈົບງາມພາຍໃນເວລາສັນ,ໄດ້ກາຍເປັນແບບຢ່າງໃຫ້ແກ່ບັນດາປະເທດໃນການແກ້ໄຂບັນຫາຂີດແປ່ງເສັ້ນຊາຍແດນໂດຍຜ່ານການເຈລະຈາສັນຕິພາບ.ເສັ້ນຊາຍແດນຈີນລາວໄດ້ກາຍເປັນເສັ້ນຊາຍແດນທີ່ມີສັນຕິພາບ ມິດຕະພາບແລະສະຖຽນລະພາບ. ເດືອນພະຈິກປີ 2004, ທ່ານເວີນເຈຍປາວ ນາຍົກລັດຖະມົນຕີຈີນໄດ້ຢ້ຽມ ຢາມປະເທດລາວຢ່າງເປັນທາງການ,ໄດ້ເຮັດໃຫ້ມິດຕະພາບແລະການພົວພັນລະຫວ່າງຈີນລາວທີ່ຫມັ້ນທ່ຽງຍາວນານ ມີໄມຕີຈິດມິດຕະພາບຖານບ້ານໃກ້ເຮືອນຄຽງ ໄວ້ເນຶ້ອເຊື່ອໃຈກັນແລະຮ່ວມມືກັນນັ້ນເລື່ອນຂັ້ນຕື່ມອີກ.
"ໃນຫຼາຍປີມານີ້,ຜູ່ນຳຂອງສອງພັກ,ສອງລັດຈີນລາວໄດ້ຮັກສາການຢ້ຽມຢາມ
ເຊິ່ງກັນແລະກັນ.ສອງຝ່າຍໄດ້ລົງເລິກແລກປ່ຽນຄວາມເຫັນກ່ຽວກັບສະຖານະ
ການສາກົນແລະພາກພື້ນ,ບົດຮຽນປົກຄອງພັກແລະລັດ,ການຝຶກອົບຮົມພະນັກ
ງານແລະເພີ່ມທະວີການຮ່ວມມືທີ່ຕ່າງຝ່າຍຕ່າງມີຜົນປະໂຫຍດໃນ3ຂົງເຂດຈຸດ
ໜັກຕື່ມອີກຄືກະສິກຳປ່າໄມ້,ການພັດທະນາຊັບພະຍາກອນແລະການກໍ່ສ້າງພື້ນ
ຖານໂຄງລ່າງ,ອັນໄດ້ສ້າງພື້ນຖານອັນໝັ້ນແກ່ນໃຫ້ແກ່ການຊຸກຍູ້ການພົວພັນຈີນ
ລາວໃຫ້ຂະຫຍາຍລົງສູ່ລວງເລິກ."
ທ່ານລິວຢົງຊິງກ່າວວ່າ,ຈີນແລະລາວລ້ວນແຕ່ແມ່ນລະບອບສັງຄົມນິຍົມ,ແລະ
ລ້ວນແຕ່ໄດ້ປະຕິບັດນະໂຍບາຍປະຕິຮູບແລະໄຂປະຕູສູ່ພາຍນອກໃນປັດຈຸບັນ.
ອຸດົມການແລະຊະຕາກຳຮ່ວມໄດ້ເຮັດໃຫ້ປະຊາຊົນສອງຊາດມີການຕິດຕໍ່ພົວພັນ
ກັນຢ່າງແໜ້ນແຟ້ນ,ລາວສຸດທີ່ເອົາໃຈໃສ່ນຳຜົນສຳເລັດທີ່ຈີນຍາດມາໄດ້ແຕ່ດຳ
ເນີນການປະຕິຮູບແລະໄຂປະຕູສູ່ພາຍນອກມານີ້.ເຄີຍໄດ້ແຕ່ງຄະນະຜູ່ແທນມາ
ທັດສະນະສຶກສາຢູ່ຈີນຫຼາຍເທື່ອ.ນີ້ສະແດງໃຫ້ເຫັນວ່າ,ສອງລັດສອງພັກມີຈຸດຄື
ກັນຫຼາຍ,ສອງຝ່າຍມີການພົວພັນສະໜິດແໜ້ນ.
ໃນຂະນະດຽວກັນນັ້ນ,ໃນດ້ານເສດຖະກິດການຄ້າ,ຈີນແລະລາວໄດ້ເຊັນສັນຍາ
ການຄ້າ,ການປົກປ້ອງການລົງທຶນ,ການທ່ອງທ່ຽວ,ການຂົນສົ່ງດ້ວຍລົດຍົນ,ການ
ຮ່ວມມືທາງເຕັກນິກເສດຖະກິດແລະສັນຍາອື່ນໆ,ແລະໄດ້ສ້າງຕັ້ງຄະນະກຳມະ
ການຮ່ວມມືດ້ານເສດຖະກິດການຄ້າແລະເຕັກນິກຂອງສອງຝ່າຍ.
ພາຍຫຼັງສອງຝ່າຍໄດ້ໄຂກອງປະຊຸມຄະນະກຳມະການຮ່ວມມືຄັ້ງປະຖົມມະເລີກ
ຢູ່ວຽງຈັນໃນເດືອນພະຈິກປີ2000ແລ້ວ,ການພົວພັນເສດຖະກິດການຄ້າຈີນລາວ
ໄດ້ຮັບການຂະຫຍາຍຕົວຢ່າງໃຫຍ່ຫຼວງ.ທ່ານລິວຢົງຊິງເວົ້າວ່າ:
"ມູນຄ່າການຄ້າສອງຝ່າຍຈີນລາວໄດ້ບຸກທະລຸ100ລ້ານໂດລາສະຫະລັດ3ປີ
ລຽນຕິດ,ເຊິ່ງໄດ້ເພີ່ມຂຶ້ນເກືອບ3ເທົ່າເມື່ອທຽບໃສ່10ປີກ່ອນ.ການລົງທຶນ,ການຮັບ
ເໝົາໂຄງການແລະແຮງງານຂອງຈີນຢູ່ລາວໄດ້ເພີ່ມຂຶ້ນຢ່າງບໍ່ຢຸດຢັ້ງ,ສັນຍາ ຮ່ວມມືດ້ານເສດຖະກິດການຄ້າຫຼາຍສະບັບທີ່ຜູ່ນຳສອງປະເທດເຊັນກັນໃນໄລ
ຍະມໍ່ໆນີ້ສ່ວນຫຼາຍໄດ້ຫຼືກຳລັງຈັດຕັ້ງປະຕິບັດຢູ່.ທາງຫຼວງຄຸນມິງບາງກອກຕອນ
1/3ຢູ່ລາວທີ່ຝ່າຍຈີນຫາບແບກກໍ່ສ້າງນັ້ນຈະສ້າງສຳເລັດໃນເດືອນມິຖຸນາປີນີ້ຕາມ
ເວລາກຳນົດ.ໂຄງການສຳຫຼວດຕ່າງໆເຊັ່ນການສຳຫຼວດທໍລະນີພາກເໜືອຂອງ
ລາວເປັນຕົ້ນໄດ້ດຳເນີນຢ່າງສະດວກ.ເຄືອຂ່າຍໂທລະຄົມຂອງລາວຂະຫຍາຍ
ກວ້າງອອກ,ເຂື່ອນໄຟຟ້າເຊເສັດສອງແລະໂຄງການໃຫຍ່ດ້ານພະລັງໄຟຟ້າແລະ
ໂທລະຄົມອື່ນໆໄດ້ລົງມືກໍ່ສ້າງແລະປະຕິບັດແລ້ວ.
ເພື່ອສະໜັບສະໜູນການພັດທະນາເສດຖະກິດຂອງລາວ,ຝ່າຍຈີນໄດ້ຊ່ອຍເຫຼືອ
ຝ່າຍລາວຕາມຄວາມສາມາດຂອງຕົນ,ເຊິ່ງໄດ້ກ່ຽວພັນເຖິງຫຼາຍຂົງເຂດເຊັ່ນວຽກ
ງານບໍລິຫານ,ການປິ່ນປົວແລະສາທາລະນະສຸກ,ການຝຶກອົບຮົມຊັບພະຍາກອນ
ມະນຸດ,ການກໍ່ສ້າງພື້ນຖານໂຄງລ່າງແລະອື່ນໆ.ໂຄງການງວດໜຶ່ງທີ່ຝ່າຍຈີນ
ຊ່ອຍສ້າງເຊັ່ນຫໍວັດທະນະທຳແຫ່ງຊາດ,ໂຮງໝໍຫຼວງພະບາງ,ສວນສາທາລະ
ນະປະຕູໄຊເປັນຕົ້ນໄດ້ຮັບປະສິດທິຜົນດ້ານເສດຖະກິດແລະສັງຄົມອັນດີງາມຢູ່
ລາວ.
ນອກນີ້, ການໄປມາຫາສູ່ກັນແລະການຮ່ວມມືກັນລະຫວ່າງພາກສ່ວນພັກລັດ, ທ້ອງຖິ່ນແລະອົງການຈັດຕັ້ງມະຫາຊົນຂອງຈີນແລະລາວກໍໄດ້ລົງສູ່ລວງເລິກເລື້ອຍໆ, ການຮ່ວມມືໃນຂົງເຂດຕ່າງໆໄດ້ມີການຄືບໜ້າໃໝ່. ສອງຝ່າຍໄດ້ຮ່ວມມືເປັນຢ່າງດີໃນດ້ານຊັບພະຍາກອນມະນຸດແລະການແລກປ່ຽນພະນັກງານ. ລາວແມ່ນໜຶ່ງໃນປະເທດພວມພັດທະນາທີ່ຈີນໃຫ້ຜູ້ທີ່ໄດ້ຮັບທຶນສຶກສາຂອງລັດຖະບານຫຼາຍກວ່າໝູ່, ແຕ່ລະປີກໍມີນັກສຶກສາລາວ230ກວ່າຄົນຮຽນປະລິນຍາຂັ້ນຕ່າງໆຢູ່ຈີນ. ຈີນໄດ້ຈັດເອົາລາວເປັນຈຸດໝາຍປາຍທາງທີ່ພົນລະເມືອງຈີນໄປທ່ຽວໄດ້, ສອງຝ່າຍໄດ້ເຊັນບົດບັນທຶກຄວາມເຂົ້າໃຈກ່ຽວກັບແຜນປະຕິບັດຕົວຈິງທີ່ໃຫ້ພົນລະເມືອງຈີນຈັດຕັ້ງຄະນະໄປທ່ຽວຢູ່ລາວ, ສະນັ້ນພົນລະເມືອງຈີນມີຫວັງຈະຈັດຕັ້ງຄະນະໄປທ່ຽວຢູ່ລາວໃນໄວໆນີ້. ການໄປມາຫາສູ່ກັນຝ່າຍພົນລະເຮືອນລະຫວ່າງສອງປະເທດໄດ້ເພີ່ມຂຶ້ນຕື່ມອີກ, ແຕ່ປີ2002ເປັນຕົ້ນມາ, ຝ່າຍຈີນໄດ້ແຕ່ງຊາວໜຸ່ມອາສາສະໝັກ5ງວດລວມ50ກວ່າຄົນໄປດຳເນີນການບໍລິການອາສາສະໝັກຢູ່ຂັ້ນຮາກຖານຂອງລາວ.
ເນື່ອງໃນໂອກາດວັນລະລຶກຈີນລາວສ້າງສາຍສຳພັນການທູດຄົບຮອບ45ປີ, ທ່ານເອກອັກຄະລັດຖະທູດລິວຢົງຊິງກ່າວວ່າ:
ລັດຖະບານແລະປະຊາຊົນຈີນຖະນຸຖະໜອມມິດຕະພາບອັນເປັນມູນເຊື້ອລະຫວ່າງຈີນລາວທີ່ສຸດ, ເອົາໃຈໃສ່ນຳການຂະຫຍາຍການພົວພັນຮ່ວມມືດ້ວຍໄມຕີຈິດຖານບ້ານໃກ້ເຮືອນຄຽງທີ່ດີຕໍ່ກັນລະຫວ່າງຈີນລາວ. ໃນໄລຍະໃໝ່ສະຕະວັດໃໝ່, ພວກຂ້າພະເຈົ້າຍິນດີພ້ອມກັນກັບຝ່າຍລາວ, ອີງຕາມເປົ້າໝາຍແລະທິດທາງທີ່ສອງຝ່າຍພ້ອມກັນກຳນົດໄວ້, ເພີ່ມທະວີແລະລົງເລິກມິດຕະພາບອັນເປັນມູນເຊື້ອແລະການຮ່ວມມືດ້ວຍໄມຕີຈິດຖານບ້ານໃກ້ເຮືອນຄຽງລະຫວ່າງຈີນລາວເລື້ອຍໆ, ພະຍາຍາມຍົກການພົວພັນຮ່ວມມືຮອບດ້ານທີ່ໝັ້ນຄົງຍາວນານ, ມີໄມຕີຈິດຕໍ່ກັນຖານບ້ານໃກ້ເຮືອນຄຽງແລະໄວ້ເນື້ອເຊື່ອໃຈກັນນັ້ນຂຶ້ນສູ່ລະດັບໃໝ່, ສ້າງຄວາມສຸກໃຫ້ສອງປະເທດແລະປະຊາຊົນສອງຊາດ.
|
