|
|
 |
| (GMT+08:00)
2006-05-15 18:26:12
|
|
ກອງປະຊຸມລັດຖະມົນຕີເສດຖະກິດອາຊຽນຈັດຂຶ້ນຢູ່ຟີລິບປິນ
cri
Author: cai
ຕາມຂ່າວCRI:ວັນທີ 15 ພຶດສະພາ,ກອງປະຊຸມລັດຖະມົນຕີເສດຖະກິດອາຊຽນໄດ້ໄຂຂຶ້ນຢູ່ມານີລາ ນະຄອນຫຼວງຟີລິບປິນ,ລັດຖະມົນຕີກະຊວງເສດຖະກິດຫຼືກະຊວງການຄ້າຂອງ 10 ປະເທດອາຊຽນທີ່ຮ່ວມປະຊຸມໄດ້ຫາລືບັນຫາເຮັດແນວໃດຊຸກຍູ້ການເຊື່ອມໂຍງເສດຖະກິດອາຊຽນໃຫ້ເປັນເອກະພົບດຽວໂດຍໄວ.
ທ່ານປີເຕີ ຟາວີລາ ລັດຖະມົນຕີກະຊວງການຄ້າແລະອຸດສາຫະກຳຟີລິບປິນເວົ້າວ່າ,ໃນກອງປະຊຸມ 3 ມື້,ລັດຖະມົນຕີເສດຖະກິດຫຼືການຄ້າຂອງ 10 ປະເທດອາຊຽນຈະປະເມີນສະພາບການຈັດຕັ້ງປະຕິບັດສັນຍາການຄ້າຫຼາຍສະບັບ,ແລະຫາລືເຮັດແນວໃດຫຼຸດເວລາວາງແຜນສ້າງຕະຫຼາດດຽວຂອງອາຊຽນໃຫ້ໜ້ອຍລົງ,ແລະຊຸກຍູ້ການເຊື່ອມໂຍງເສດຖະກິດອາຊຽນໃຫ້ເປັນເອກະພົບດຽວໂດຍໄວ.ນອກນີ້,ລັດຖະມົນຕີເສດຖະກິດຫຼືການຄ້າຂອງ 10 ປະເທດອາຊຽນຍັງຈະຫາລືກັບທ່ານກິມຢວນໂຈງ ເຈົ້າໜ້າທີ່ກົມພົວພັນການຄ້າຂອງກະຊວງການຕ່າງປະເທດແລະການຄ້າສ.ເກົາຫຼີກ່ຽວກັບບັນຫາເຊັນອະນຸສັນຍາການຄ້າເສລີໃນວັນທີ 16 ພຶດສະພາ.
|
|
|
