|
ຕາມຂ່າວcri:ວັນທີ15 ພຶດສະພາ,ຢູ່ປັກກິ່ງ,ໃນເວລາພົປະຄະນະຜູ້ແທນພັກສະແພແຫ່ງຊາດຊູດັງ,ທ່ານອູປາງກົວ ກຳມະການປະຈຳກົມການເມືອງສູນກາງພັກກອມມູນິດຈີນ,ປະທານຄະນະປະຈຳສະພາປະຊາຊົນແຫ່ງຊາດຈີນກ່າວວ່າ,ຝ່າຍຈີນຍິນດີພ້ອມກັບຊູດັງພະຍາຍາມຊຸກຍູ້ການພົວພັນໄມຕີຈິດຮ່ວມມືລະຫວ່າງສອງປະເທດພັດທະນາຢ່າງຍາວນານແລະໝັ້ນທ່ຽງ.
ທ່ານວູປາງກົວກ່າວວ່າ,ສອງປະເທດເຂົ້າໃຈແລະສະໜັບສະໜູນເຊິ່ງກັນແລະກັນໃນບັນຫາທີ່ສອງຝ່າຍສົນໃຈນຳກັນ,ການຮ່ວມມືດ້ານຕົວຈິງໃນທຸກຂົງເຂດມີຜົນສັກສິດ,ປະສານງານກັນແລະຮ່ວມມືການໃນວຽກງານລະຫວ່ງຊາດ,ຝ່າຍຈີນເອົາໃຈໃສ່ນຳການຂະຫຍາຍການພົວພັນກັບຊູດັງໃນລະດັບສູງ.ພັກກອມມູນິດຈີນຍິນດີເພີ່ມທະວີການພົວພັນໄມຕີຈິດກັບທຸກພັກການເມືອງຂອງຊູດັງທີ່ລວມທັງພັກສະພາແຫ່ງຊາດຊູດັງຕື່ມອີກ.
ທ່ານນາຟີເອ ອາລີ ນາຟີອາ ຮອງປະທານພັກສະພາແຫ່ງຊາດຊູດັງກ່າວວ່າ,ການປັບປຸງແລະຊຸກຍູ້ການຮ່ວມມືດ້ານຕົວຈິງໃນບັນດາຂົງເຂດລະຫວ່າງຈີນຊູດັງແມ່ນຄວາມຫວັງແລະໜ້າທີ່ຮັບຜິດຊອບຮ່ວມຂອງສອງຝ່າຍ,ຝ່າຍຊູດັງຂອບໃຈການສະໜັບສະໜູນບໍ່ເຫັນແກ່ຕົວທີ່ຝ່າຍຈີນສະໜອງໃຫ້ໃນເວລາຍາວນານແລະເຕັມໄປດ້ວຍຄວາມໝັ້ນໃຈຕໍ່ອະນາຄົດພັດທະນາໄມຕີຈິດລະຫວ່າງຊູດັງຈີນ.
|
