|
|
 |
| (GMT+08:00)
2006-05-16 15:17:18
|
 |
|
ອາຫານທ່ຽງກິນນ້ຳນົມສົ້ມຈອກໜຶ່ງມີຜົນດີຕໍ່ສຸຂະພາບ
cri
|
ອາຫານເຊົ້າແລະອາຫານຄ່ຳດື່ມນ້ຳນົມຈອກໜຶ່ງໄດ້ກາຍເປັນຄວາມຊິນເຄີຍທີ່ດີຂອງຄົນທັງຫຼາຍແລ້ວ, ແຕ່ທ່ານຮູ້ບໍ່ວ່າ, ໃນເວລາກິນອາຫານທ່ຽງຫຼືຫຼັງອາຫານທ່ຽງນົມສົ້ມຈອກໜຶ່ງ, ກໍມີບົດບາດສຳຄັນຕໍ່ສຸຂະພາບຄືກັນ.
ຕາມຂໍ້ມູນສະຖິຕິສະແດງໃຫ້ເຫັນວ່າ, ກາໂລລີຈາກອາຫານເຊົ້າກວມ25ຫາ30%ຂອງກາໂລລີທີ່ໃນມື້ໜຶ່ງ. ສະນັ້ນ, ອາຫານເຊົ້າດື່ມນ້ຳນົມຈອກໜຶ່ງຈະເພີ່ມເຕີ່ມກາໂລລີໄດ້ຢ່າງດີ; ກ່ອນນອນດື່ມນ້ຳນົມອີກຈອກໜຶ່ງຈະຊ່ອຍໃຫ້ນອນຫຼັບດີ, ຮ່າງກາຍກໍຮັບເອົາທາດບຳລຸງຂອງນ້ຳນົມຢ່າງເຕັມສ່ວນ.
ຄັນຊັ້ນ, ອາຫານທ່ຽງກິນນົມສົ້ມມີຜົນປະໂຫຍດຫຍັງແດ່? ຜູ້ຊ່ຽວຊານບອກວ່າ, ໃນນົມສົ້ມມີສານອັອກການິກອາສິດຢ່າງຫຼວງຫຼາຍເຊັ່ນ ລັກຕິກອາສິດແລະອາເຊຕິກອາສິດເປັນຕົ້ນ, ສານເຫຼົ່ານີ້ບໍ່ພຽງແຕ່ເຮັດໃຫ້ນົມສົ້ມມີລົດແຊບເທົ່ານັ້ນ, ຍັງສາມາດຊ່ອຍໃຫ້ຂົມແຂ້ນ, ແລ້ວລະງັບບໍ່ໃຫ້ຈຸລິນຊີທີ່ເປັນໂທດແຜ່ເຊື້ອ. ພ້ອມກັນນັ້ນ, ເຮັດໃຫ້ທາດດັ່ງໃນລຳໄສ້ອ່ອນລົງແລະທາດກົດເພີ່ມຂຶ້ນ, ຊຸກຍູ້ໃຫ້ກະເພາະລຳໄສ້ຄັ້ນຮູດແລະນ້ຳຍ່ອຍລະບາຍອອກ. ນອກນີ້, ຄຽງຄູ່ກັບເຕັກນິກຜະລິດນົມສົ້ມໄດ້ກ້າວໜ້າເລື້ອຍໆ, ຈຸລິນຊີຊະນິດດີ2ຢ່າງໃນນົມສົ້ມໄດ້ເພີ່ມຂຶ້ນເປັນ4ຢ່າງ, ທັງນີ້ບໍ່ພຽງແຕ່ເຮັດໃຫ້ທາດບຳລຸງຂອງນົມສົ້ມຫຼາຍກວ່າຜະລິດຕະພັນປະເພດດຽວກັນຢ່າງເດັ່ນຊັດເທົ່ານັ້ນ, ບົດບາດຍ່ອຍອາຫານແລະລະງັບຈຸລິນຊີປະເພດເປັນໂທດກໍເພີ່ມຂຶ້ນຕື່ມອີກ.
ຢ່າປະໝາດບົດບາດເຫຼົ່ານີ້ຂອງນົມສົ້ມ, ເພາະວ່າບົດບາດເຫຼົ່ານີ້ມີຜົນດີຫຼາຍທີ່ສຸດຕໍ່ພະນັກງານຜູ້ທີ່ກິນອາຫານທ່ຽງແລ້ວກໍນັ່ງລົງຕໍູ່ໜ້າໂຕະຄອມພິວເຕີໂລດຈົນພາໃຫ້ອາຫານບໍ່ຍ່ອຍແລະເກີດມີໄຂມັນທ້ອນກັນຫຼາຍຂຶ້ນ. ພ້ອມກັນນັ້ນ, ນົມສົ້ມຍັງຊ່ອຍບັນເທົາຄວາມອິດເມື່ອຍຍ້ອນກຳລັງໜີບທາງຈິດໃຈແຮງຫຼາຍວຽກງານເຄັ່ງຕຶງແລະຄວາມວິຕົກກັງວົນ, ເມື່ອໃສ່ເຊື້ອໝັກ, ເມັດໃນນົມສົ້ມເຊັ່ນໂປຼຕິນ, ເປັບຕີດແລະອາມີໂນອາສິດເປັນຕົ້ນກາຍເປັນເມັດນ້ອຍກວ່າເກົ່າ, ເຮັດໃຫ້ຮ່າງກາຍຮັບເອົາໄດ້ງ່າຍກວ່າເກົ່າ, ຍາມກິນເຂົ້າທ່ຽງຫຼືຫຼັງກິນເຂົ້າທ່ຽງແລ້ວກິນນົມສົ້ມຈອກໜຶ່ງ, ຈະເຮັດໃຫ້ຈິດໃຈສົດຊື່ນໃນຕອນສວາຍ, ເຣັດໃຫ້ວຽກງານມີປະສິດທິພາບສູງຂຶ້ນ.
ຕາມຜົນການຄົ້ນຄວ້າຫຼ້າສຸດລາຍໜຶ່ງສະແດງໃຫ້ເຫັນວ່າ, ນົມສົ້ມຍັງມີບົດບາດທີ່ຜ່ອນຄາຍຜົນຮ້າຍຂອງລັງສີແລະລະງັບບໍ່ໃຫ້ຈຳນວນຈຸລັງລິມຟາຕິກຫຼຸດໜ້ອຍລົງພາຍຫຼັງຄົນເຮົາຖືກລັງສີແລ້ວ. ການທົດລອງຕໍ່ສັດພິສູດວ່າ, ໜູນ້ອຍທີ່ໄດ້ກິນນົມສົ້ມແລ້ວມີຄວາມທົນຕໍ່ລັງສີແຮງຂຶ້ນ, ແລະຜ່ອນຄາຍຜົນຮ້າຍຂອງລັງສີທຳລາຍລະບົບເພີກພະຍາດ. ເວົ້າສຳລັບຜູ້ເຂົ້າການທີ່ນັ່ງເຮັດວຽກຢູ່ໜ້າຄອມພິວເຕີເປັນເວລາດົນນານແລະຖືກອຸລາຢູ່ໃນສະໜາມແຜ່ເຫຼັກໄຟຟ້າຢູ່ທຸກເວລານັ້ນ, ດື່ມນົມສົ້ມຈອກໜຶ່ງໃນເວລາກິນເຂົ້າທ່ຽງ, ຈະມີຜົນດີທີ່ສຸດຕໍ່ສຸຂະພາບ.
|
|
|
