|
ຂ່າວສຸຂະພາບປະຈຳອາທິດພວກເຮົາຈະລົມເລື່ອງການມັກເວົ້າດອດນຳທ່ານ, ຄືການມັກເວົ້າດອດມີຜົນຮ້າຍຫຼາຍຢ່າງ
ທ່ານຜູ້ຟັງ, ໃນຊີວິດຕົວຈິງ, ມີບາງຄົນມັກເວົ້າດອດເລື້ອຍໆ, ມັກອວດໂຕ, ທີ່ຈິງແລ້ວ, ນີ້ແມ່ນຈິດໃຈທີ່ມັກສະແດງຕົວແມ່ນອາລົມຈິດທີ່ຫຍໍ້ທໍ້ຢ່າງໜຶ່ງ, ຖ້າປ່ອຍໃຫ້ເປັນໄປເລື້ອຍໆ, ຈະພາໃຫ້ເປັນຜົນຮ້າຍອັນໜັກໜ່ວງ. ເວົ້າລະອຽດແລ້ວກໍແມ່ນ:
ໜຶ່ງຈະເຮັດໃຫ້ຕົນເຂົ້າກັບໝູ່ຍາກ
ເພາະບໍ່ຟັງຄວາມເຫັນຂອງຄົນອື່ນ, ອວດດີອວດເດັ່ນ, ອັນໃດກໍຖືວ່າໂຕເອງຖືກຕ້ອງກວ່າໝູ່, ຍ້ອນວ່າປະເມີນບົດບາດຂອງເພື່ອນຮ່ວມງານແລະຫົວໜ້າບໍ່ຖືກຕ້ອງ, ຈິ່ງມີນິດໄສທີ່ບໍ່ເຂົ້າໝູ່ເຂົ້າຄູ່, ຄ່ອຍໆຕີຕົວອອກຫ່າງໝູ່ເພື່ອນແລະສັງຄົມ, ບາງທີຈົນປະກົດມີການກະທຳທີ່ເຫັນແກ່ຕົວຫຼາຍ.
ສອງແມ່ນຈະມີຈິດໃຈອິດສາບຽດຜູ້ອື່ນ.
ຄົນແບບນີ້ບໍ່ຍອມໃຫ້ຜູ້ອື່ນຄືລື່ນກາຍໂຕ, ຄັນເຫັນຄົນອື່ນດີກວ່າຫຼືເກັ່ງກວ່າໂຕກໍໃຈຮ້າຍໂລດ, ຈົນຄຸມອາລົມຂອງຕົນເອງບໍ່ໄດ້, ບໍ່ຮູ້ໂຄລົບນັບຖືຜູ້ອື່ນ, ຍິ່ງບໍ່ຮູ້ເຫັນໃຈຄົນອື່ນ, ຈົນວ່າໃສ່ຮ້າຍປ້າຍສີຄົນອື່ນ.
ສາມແມ່ນຈະເຮັດໃຫ້ຄົນບໍ່ຈຳແນກເລື່ອງດີແລະເລື່ອງຊົ່ວ, ເຮັດຜິດແລ້ວຍັງຜິດຕໍ່ໄປ, ຈົນເສຍສະມາທິ, ຖອນຕົວອອກບໍ່ໄດ້, ແລ້ວພາໃຫ້ເກີດມີການກະທຳແບບຫົວຮຸນແຮງ.
ສີ່ແມ່ນເຮັດໃຫ້ການພົວພັນໃນຄອບຄົວບໍ່ລ່ອງຊ່ອງກັນ, ຜົວເມຍບໍ່ຖືກກັນ, ຜິດຖຽງກັນເລື້ອຍໆ, ຫຼືຈົນເຖິງຂັ້ນໃຊ້ກຳລັງຮຸນແຮງຕໍ່ກັນແລະພາໃຫ້ຄອບຄົວແຕກສະຫຼາຍ.
ຫ້າອາລົມຈິດອວດດີອວດເດັ່ນຈະກະທົບກະເທືອນສຸຂະພາບທັງກາຍແລະໃຈຢ່າງໜັກໜ່ວງ, ຜູ້ທີ່ມັກອວດວ່າຕົນເກັ່ງ, ຈິດໃຈຂອງເຂົາຍ່ອມຈະຢູ່ໃນສະພາວະທີ່ກຽມຮັບມືກັບເຫດການທີ່ຈະເກີດຂຶ້ນກະທັນຫັນໃນທຸກເວລາ, ສະໝອງບໍ່ໄດ້ຜັກຜ່ອນຈັກເທື່ອ, ນອນກໍຫຼັບບໍ່ແຈບ, ສັບພະຄຸນລະບົບຍ່ອຍອາຫານກໍເສື່ອມລົງ, ມັກເປັນພະຍາດສາຍເລືອດຫົວໃຈ, ຈົນວ່າພາໃຫ້ເປັນໂຣກຈິດ.
ສະນັ້ນຈິ່ງຂໍເຕືອນວ່າໃນມະນຸດສຳພັນູ, ຕ້ອງຕີລາຄາຜູ້ອື່ນຢ່າງພາວະວິໄສ, ເບິ່ງໂຕເອງຢ່າງຖືກຕ້ອງ, ຢ່າອວດດີອວດເດັ່ນເກີນໄປ. ຕ້ອງຮູ້ວ່າໃນໂລກນີ້ບໍ່ອຶດແຕ່ຄົນເກັ່ງກວ່າເຮົາ, ຖະໜອມຖ່ອມຕົວເຮັດໃຫ້ຄົນກ້າວໜ້າ, ອວດອົ່ງທະນົງຕົວເຮັດໃຫ້ຄົນຫຼ້າຫຼັງ, ຫຼືຈົນກ້າວໄປສູ່ທາງສຸດທ້າຍ.
|
