|
|
 |
| (GMT+08:00)
2006-05-16 16:36:42
|
 |
|
ຜະລິດຕະກຳປະດິດຄິດສ້າງດ້ານວັດທະນະທຳເປັນຈຸດຮຸ່ງໃໝ່ໃນການພັດທະນາເສດຖະກິດຈີນ
cri
Author: huachunmei
ທ່ານຜູ່ຟັງ, ປະຈຸດບັນ, ຢູ່ຈີນ, ຜະລິດຕະກຳທີ່ຈະເລີນໃໝ່ອັນໜຶ່ງພວມກາຍເປັນຈຸດຮຸ່ງໃໝ່ໃນການພັດທະນາເສດຖະກິດຈີນເປັນເທື່ອລະກ້າວ. ນີ້ກໍແມ່ນຜະລິດຕະກຳປະດິດຄິດສ້າງດ້ານວັດທະນະທຳ ເຊິ່ງລວມທັງສິລະປະການສະແດງ ຮູບເງົາໂຄລະພາບ ການບັນເທີງດີຈີຕອນ ການບຸກເບີກຊອຟແວຄອມພິວເຕີແລະການຜະລິດຮູບກາຕູນເປັນຕົ້ນ. ໃນຫຼາຍປີມານີ້, ຢູ່ຫຼາຍເມືອງເສດຖະກິດຈະເລີນຈຳນວນໜຶ່ງຂອງຈີນ, ອັດຕາສ່ວນຜະລິດຕະກຳການປະດິດຄິດສ້າງດ້ານວັດທະນະທຳໃນການພັດທະນາເສດຖະກິດນັ້ນໄດ້ເພີ່ມຂຶ້ນຄູ່ປີ. ໃນລາຍການແຈ້ງຂ່າວເສດຖະກິດຈີນພາກນີ້, ພວກເຮົາຈະສະເໜີສະພາບການພັດທະນາຜະລິດຕະກຳປະດິດຄິດສ້າງດ້ານວັດທະນະທຳຂອງຈີນ.
ຈຸດພິເສດໃຫຍ່ທີ່ສຸດຂອງຜະລິດຕະກຳປະດິດຄິດສ້າງແມ່ນການສົ່ງເສີມການປະດິດຄິດສ້າງໃໝ່. ມັນເອົາການປະດິດຄິດສ້າງດ້ານສິລະປະວັດທະນະທຳຕິດພັນກັບວິທະຍາສາດເຕັກໂນໂລຊີທີ່ກ້າວໜ້າ, ແລ້ວບັນລຸຄຸນຄ່າເສດຖະກິດໂດຍຜ່ານການບຸກເປີກຕະຫຼາດ. ການບັນເທີງໂດຍຜ່ານໂທລະສັບມືຖືທີ່ຈະເລີນໃໝ່ເປັນກ້າວໆໃນບໍ່ເທົ່າໃດປີມານີ້ກໍແມ່ນຮູບການຕົວແບບອັນໜຶ່ງຂອງຜະລິດຕະກຳປະດິດຄິດສ້າງດ້ານວັດທະນະທຳ. ຂໍ້ຄວາມສັ້ນທີ່ມີເນື້ອໃນຈາກສາລະພັດສື່ ເບິ່ງອິນເຕີເນັດດ້ວຍໂທລະສັບມືຖືແລະການຫຼິ້ນເກມໂທລະສັບມືຖືທີ່ມີການປ່ຽນແປງໃໝ່ຢ່າງບໍ່ຢຸດຢັ້ງ, ເຊິ່ງເປັນການບໍລິການມູນຄ່າເພີມທີ່ເຕັມໄປດ້ວຍການປະດິດຄິດສ້າງດັ່ງກ່າວນີ້ທີ່ບໍລິສັດບັນເທີງໂທລະສັບມືຖືສະໜອງໃຫ້ນັ້ນ, ໄດ້ປ່ຽນແປງທັດສະນະຄະຕິດດັ້ງເດີມຂອງຄົນທັງຫຼາຍຕໍ່ໂທລະຄົມເຄື່ອນທີ່, ຄົນຈີນນຳໃຊ້ຜະລິດຕະພັນປະເພດນີ້ນັບມື້ນັບຫຼາຍ. ບໍລິສັດເຕັກນິກຂໍ້ມູນຂ່າວສານໄປສະນີທາງອາກາດປັກກິ່ງຈຳກັດແມ່ນໜຶ່ງໃນບັນດາບໍລິສັດບັນເທີງໂທລະສັບມືຖືຂ້ອນຂ້າງໃຫຍ່ຂອງຈີນ. ເກມທີ່ຫຼິ້ນໂດຍໂທລະສັບມືຖືທີ່ບໍລິສັດນີ້ບຸກເບີກນັ້ນໄດ້ຮັບຄວາມນິຍົມຊົມເຊີບຈາກຄົນທັງຫຼາຍ ໂດຍສະເພາະຈາກບັນດາແມ່ນຊາວໜຸ່ມ, ພ້ອມກັນນັ້ນ, ກໍໄດ້ສ້າງລາຍຮັບຫຼວງຫຼາຍໃຫ້ແກ່ບໍລີສັດ. ທ່ານຫູປີນ ຮອງຜູ່ອຳນວຍການບໍລິສັດດັ່ງກ່າວສະແດງຄວາມເຫັນໄປໃນແງ່ດີຕໍ່ອະນາຄົດຂອງຕະຫຼາດບັນເທີງໂທລະສັບມືຖື.
ທ່ານເວົ້າວ່າ, " ການຫຼິ້ນເກມກໍແມ່ນຜະລິດຕະກຳທີ່ມີການປະດິດຄິດສ້າງຫຼາຍ, ສ່ວນການບໍລິການມູນຄ່າເພີ່ມຂອງໂທລະສັບມືຖືກໍແມ່ນຜະລິດຕະກຳໃໝ່. ປະຈຸດບັນນີ້, ຊາວໜຸ່ມນັບມື້ນັບຫຼາຍໄດ້ໃຊ້ໂທລະສັບມືຖືເຮັດວຽກເຮັດການຫຼາຍກວ່າເກົ່າ, ຄື, ຫຼິ້ນເກມໂທລະສັບມືຖືແລະການດາວໂຫຼດກະດິງຫຼາຍສຽງເປັນຕົ້ນ."
ຫວ່າງມໍ່ໆນີ້, ເກມໂທລະສັບມືຖືທີ່ບໍລິສັດເຕັກນິກຂໍ້ມູນຂ່າວສານທູດໄປສະນີທາງອາກາດປັກກິ່ງພັດທະນາໂດຍອີງຕາມຮູບເງົາທີ່ມີຊື່ສຽງເລື່ອງ ກົງຟູ ແລະນະວະນິຍາຍບູຮານເລື່ອງສາມກົກໄດ້ຮັບຄວາມຊົມເຊີຍຈາກຕະຫຼາດ. ບາງເກມໄດ້ຖຶກດາວໂຫຼດກາຍແສນເທື່ອ. ທ່ານຫູປີງເວົ້າວ່າ, ໃນເວລາການພັດມະນາເກມເຫຼົ່ານີ້, ເຂົາເຈົ້າເອົາໃຈໃສ່ນຳການເອົາສິ່ງເດີມເຂົ້າໃນເກມ, ເຮັດໃຫ້ວັດທະນະທຳກັບວິທະຍາສາດເຕັກນິກປະສານກັນຢ່າງຈົບດີ, ເຮັດໃຫ້ຜູ່ໃຊ້ມີຄວາມຮູ້ສຶກວ່າຕ່າງເພິ່ນ.
ທ່ານເວົ້າວ່າ, " ແຕ່ລະເດືອນ, ພວກຂ້າພະເຈົ້າໄດ້ພັດທະນາເກມໂທລະສັບມືຖືສອງເລື້ອງທີ່ເມ່ນການປະພັນເດີມລ້ວນໆ. ສິ່ງທີ່ພວກຂ້າພະເຈົ້າສະແຫວງຫານັ້ນຢາກໃຫ້ຜູ່ຫຼິ້ນຮູ້ສຶກເກມທີ່ຕົນຫຼິ້ນນັ້ນບໍ່ພຽງແຕ່ເປັນເກມຫຼິ້ນທໍ່ນັ້ນ, ຍັງມີເນື້ອໃນວັດທະນະທຳຢູ່ໃນຫັ້ນອີກດ້ວຍ."
ດຽວນີ້, ຜະລິດຕະກຳປະດິດຄິດສ້າງດ້ານວັດທະນະທຳພວມພັດທະນາຢ່າງວ່າງໄວຢູ່ຕົວເມືອງທີ່ເສດຖະກິດຂ້ອນຂ້າງພັດທະນາ ຄື, ປັກກິ່ງ ຊຽງໄຮ້ ເຊີນເຈີ້ນແລະຫາງໂຈວເປັນຕົ້ນ, ແຫຼ່ງຜະລິດຕະກຳປະດິດຄິດສ້າງດ້ານວັດທະນະທຳໄດ້ສ້າງຕັ້ງຂຶ້ນເປັນເທື່ອລະກ້າວ. ສວນວິທະຍາສາດເຕັກນິກຈົງກວນຊວນປັກກິ່ງ ເຊິ່ງຖືກເອິ້ນເປັນ " ຊີລິກຄອນແວລີຈີນ" ກໍມີວິສາຫະກິດປະດິດຄິດສ້າງດ້ານວັດທະນະທຳຫຼາຍບໍລິສັດ. ທ່ານໄຕອຸຍ ຮອງຫົວໜ້າຄະນະກຳມະການຄຸ້ມຄອງສວນວິທະຍາສາດເຕັກນິກຈົງກວນຊວນເວົ້າວ່າ, ນັບມາຮອດທ້າຍປີກາຍ, ວິສາຫະກິດ 200 ກວ່າແຫ່ງໃນຂົງເຂດຊອຟແວຄອມພິວເຕີ ເກມ ດົນຕິແລະການພິມຈຳໜ່າຍເປັນຕົ້ນໄດ້ເຂົ້າປະຈຳສວນວິທະນາສາດເຕັກນິກຈົງກວນຊວນ. ສວນວິທະນາສາດເຕັກນິກຈົງກວນຊວນໄດ້ເປັນເຂດປະສິດທິຄຸນການປະດິດຄິດສ້າງດ້ານວັດທະນະທຳທີ່ມີສີສັນຈະແຈ້ງແລະທ່າແຮງພົ້ນເດັ່ນ.
ທ່ານເວົ້າວ່າ," ສວນວິທະນາສາດເຕັກນິກຈົງກວນຊວນມີທ່າແຮງພິເສດໃນການທີ່ພັດທະນາຜະລິດຕະກຳປະດິດຄິດສ້າງຍ້ອນວ່າໃນເຂດນີ້ມີເຕັກສູງໃນຂົງເຂດຊອຟແວ ອິນເຕີແນັດແລະໂທລະຄົມເປັນຕົ້ນ ພ້ອມຊັບພະນາກອນມະນຸດຫຼວງຫຼາຍ. ໃນຕໍ່ໄປພາຍໜ້າ, ສວນວິທະນາສາດເຕັກນິກຈົງກວນຊວນຈະຖືການຜະລິດຜະລິດຕະພັນປະດິດຄິດສ້າງດີຈີຕອນເປັນແກນກາງ, ເຈາະຈົງພັດທະນາເກມຄອມພິວເຕີ ກາຕູນດີຈີຕອນ ການບໍລິການມູນຄ່າເພີມຄອນພິວເຕີ ການບໍລິການມູນຄ່າເພີ່ມທາງໂທລະຄົມເຄື່ອນທີ່ແລະອື່ນໆ, ພ້ອມກັນນັ້ນ, ຊຸກຍູ້ການອອກແບບ ການພິມຈຳໜ່າຍແລະການຜະລິດຮູບເງົາໂທລະພາບພັດທະນາ."
1 2
|
|
|
