|
ຕາມຂ່າວສານຊິນຮວາ: ເພື່ອປົກປ້ອງສິດແລະຜົນປະໂຫຍດອັນຊອບກົດໝາຍຂອງຜູ່ຖືກສົງໄສຕ້ອງໂທດ ຕິດຕາມການສອບສວນທີ່ໃຊ້ເຄື່ອງມືທໍລະມານຜູ່ຕ້ອງຫາໃຫ້ການຢ່າງບັງເກີດຜົນ, ຈີນຈະອອກແຮງຊຸກຍູ້ການອັດສຽງຖ່າຍທຳວິດີໂອຕະຫຼອດຂະບວນການສອບສວນຄະດີກ່ຽວເຖິງຊີວິດຂອງຄົນແລະກ່ຽວເຖິງອິດທິກຳລັງມືດ.
ໃນງານຖະແຫຼງຂ່າວທີ່ຈັດຂຶ້ນໃນວັນທີ 16 ພຶດສະພາ, ທ່ານເຫີຖິງ ຫົວໜ້າກົມສືບສວນຄະດີອາຍາກະຊວງປ້ອງກັນຄວາມສະຫງົບຈີນກ່າວວ່າ, ກະຊວງປ້ອງກັນຄວາມສະຫງົບທວງໃຫ້ອົງການປ້ອງກັນຄວາມສະຫງົບທຸກຂັ້ນຊຳລະຄະດີຕາມກົດໝາຍຢ່າງເຂັ້ມງວດ, ບໍ່ພຽງແຕ່ຕ້ອງປົກປ້ອງສິດແລະຜົນປະໂຫຍດອັນຊອບກົດໝາຍຂອງຜູ່ຖືກທຳຮ້າຍທໍ່ນັ້ນ, ຍັງຕ້ອງໃຊ້ມາດຕະການປົກປ້ອງສິດແລະຜົນປະໂຫຍດອັນຊອບກົດໝາຍຂອງຜູ່ຖືກສົງໄສຕ້ອງໂທດເຊັ່ນດຽວກັນ. ການອັດສຽງຖ່າຍທຳວິດີໂອຕະຫຼອດຂະບວນການສອບສວນຄະດີກ່ຽວເຖິງຊີວິດຂອງຄົນຈະແມ່ນທິດພັດທະນາຂອງອົງການປ້ອງກັນຄວາມສະຫງົບຈີນໃນພາຍໜ້າ.
ຕາມໄດ້ຊາບ, ປັດຈຸບັນ ມີອົງການປ້ອງກັນຄວາມສະຫງົບທ້ອງຖິ່ນນັບມື້ນັບຫຼາຍອັດສຽງຖ່າຍທຳວີດີໂອຕະຫຼອດຂະບວນການສອບສວນຜູ່ຖືກສົງໄສຕ້ອງໂທດທີ່ກ່ຽວເຖິງຊີວິດຂອງຄົນ, ໂດຍສະເພາະແມ່ນຢູ່ກຳແພງນະຄອນຊຽງໄຮ້ ແຂວງເຈີ້ຈ່ຽງ ແຂວງກວາງຕຸ້ງ ແຂວງຈ່ຽງຊູແລະນະຄອນຫຼວງປັກກິ່ງເປັນຕົ້ນທີ່ເສດຖະກິດຂ້ອນຂ້າງພັດທະນາ.
|
