ຕາມ​ຂ່າວCRI: ວັນ​ທີ 16 ພຶດສະພາ, ກອງ​ປະຊຸມ​ອາວຸດ​ອີຣັກ 5 ກອງ​ໄດ້ອອກ​ຖະ​ແຫຼງ​ການ​ຮ່ວມ, ປະ​ຕິ​ເສດບໍ່​ຮັບ​ເອົາ​ຂໍ້​ສະ​ເໜີ​ຂອງ​ທ່ານ​ຮາ​ຊີ​ມີ ຮອງ​ປະທານາ​ທິ​ບໍ​ດີ​ອີ​ຣັກ​ທີ່​ເຕືອນ​ໃຫ້​ກອງ​ປະກອບ​ອາວຸດ​ເຫຼົ່ານີ້​ເຈລະຈາ​ກັບ​ກອງ​ທະ​ຫານ​ອາ​ເມ​ລິ​ກາ​ປະ​ຈຳ​ອີ​ຣັກ.

​ໃນ​ຖະ​ແຫຼງການ ກອງ​ປະກອບ​ອາວຸດຕົ້ນຕໍ 5 ກອງ​ເຊິ່ງລວມທັງ "​​ແນມ​ໂຮມ​ອິສ​ລາມ​ອີ​ຣັກ​ຕໍ່​ຕ້ານ" ​ແລະ "ກອງ​ພົນ​ນ້ອຍ​ປະຕິ​ວັດ 1920" ​ໄດ້​ກ່າວ​ເນັ້ນວ່າ, ​ໃນ​ສະ​ເພາະ​ໜ້າ​ນີ້ ​ໂອ​ກາດ​ເຈ​ລະຈາ​ກັບ​ກອງ​ທະຫານ​ອາ​ເມ​ລິ​ກາຍັງບໍ່​ທັນ​ສຸກ​ງອມ​ເທື່ອ, ບໍ່​ຫ່ອນ​ຈະ​ເຈ​ລະ​ຈາ​ກັບ​ກອງ​ທະ​ຫານ​ອາ​ເມ​ລິ​ກາ​ດ້ວຍ​ຮູບ​ແບບ​ໃດໆ. ຖະ​ແຫຼງ​ການ​ຍັງ​ຊີ້​ອອກ​ວ່າ, ອາ​ເມ​ລິ​ກາ​ພວມ​ເຈດ​ຕະ​ນາ​ພົ້ນ​ຈາກ​ສະພາບ​ອັດຕະຄັດ​ທາງ​ການ​ເມືອງ​ແລະ​ການ​ທະ​ຫານ​ຢູ່​ອີ​ຣັກ.