|
|
 |
| (GMT+08:00)
2006-05-17 17:48:16
|
 |
|
ປະມວນເພງສະໄໝນິຍົມ:ດອກການພູ(ສຽງ)
cri
Author: lm
|
ທ່ານຜູ້ຟັງທີ່ເຄົາລົບ,ເພງ Nizaitaxianghaihaoma ເຈົ້າຢູ່ຖີ່ນອື່ນກໍຄ່ອຍຢູ່ບໍ່? ແມ່ນເພງເອກໃນແຜ່ນCDເພງສ່ວນຕົວແຜ່ນທຳອິດຂອງທ່ານລີຈິ້ນອັດຈຳໜ່າຍໃນປີ 1994, ແລະກໍແມ່ນເພງທີ່ເຮັດໃຫ້ທ່ານຂຶ້ນຊື່ລືນາມ. ໃນເພງ, ທ່ານລີຈິ້ນໄດ້ໃຊ້ສຽງອັນມີເອກະລັກພິເສດ, ຖາມສະບາຍດີເພື່ອນທີ່ຢູ່ຖີ່ນອື່ນດ້ວຍຄວາມເອົາໃຈໃສ່. ສະແດງໃຫ້ເຫັນຄວາມຮູ້ສຶກຂອງຜູ້ທີ່ຈາກບ້ານໄປອາໄສຢູ່ຕ່າງຖີ່ນ.
ເນື້ອເພງມີຢູ່ວ່າ: ເຈົ້າຢູ່ຖີ່ນອື່ນກໍຄ່ອຍຢູ່ບໍ່? ເຄີຍນ້ຳຕາຕົກຍ້ອນຄືດຮອດບ້ານບໍ່; ເຈົ້າຢູ່ຖີ່ນອື່ນກໍຄ່ອຍຢູ່ບໍ່? ເຄີຍຄິດຮອດຍາມເອື່ອຍໃສ່ບ່າຂອງຂ້ອຍບໍ່; ເຈົ້າຢູ່ຖີ່ນອື່ນກໍຄ່ອຍຢູ່ບໍ່? ເຄີຍຄຶດເຫັນເລື່ອງໃນອະດີດບໍ່. ເຈົ້າຢູ່ຖີ່ນອື່ນກໍຄ່ອຍຢູ່ບໍ່? ດຽວນີ້ໄດ້ມີການປ່ຽນແປງຫລາຍບໍ່?
ນາງໂຈວຢ້ຽນຫົງ ແມ່ນນັກຮ້ອງທີ່ມັກແຕ່ງເພງ. ພາຍຫລັງນາງອັດຈຳໜ່າຍແຜ່ນCDແຜ່ນທຳອິດທີ່ແຕ່ງໂດຍຕົນເອງໃນປີ 1994 ຄືແຜ່ນCD"ເຫັນດອກມະລີອີກ"ແລ້ວ, ຕໍ່ມາ, ກໍໄດ້ອັດແຜ່ນCDສ່ວນຕົວອີກຫລາຍແຜ່ນຄື"ຢູ່ນຳອ້າຍຈັ່ງແມ່ນດີ", "ເຈົ້າແມ່ນແສງຕາເວັນຂອງຂ້ອຍ", "ໃນເວລາຄວາມຮັກຜ່ານໄປ"ແລະອື່ນໆ, ນອກນີ້, ນາງຍັງໄດ້ແຕ່ງເນື້ອຮ້ອງຫລາຍຮ້ອຍບົດເພື່ອຕົນເອງແລະເພື່ອນັກຮ້ອງຜູ້ອື່ນ.
ຕໍ່ໄປເຊີນຟັງເພງ"Dangaiqingjingguodeshihou" "ໃນເວລາຄວາມຮັກຜ່ານໄປ"ເຊິ່ງຂັບຮ້ອງໂດຍນາງໂຈວຢ້ຽນຫົງ. ທຳນອງມ່ວນອອນຊອນ, ໄດ້ບັນຍາຍອາລົມເສົ້າໝອງຕໍ່ຄວາມຮັກຂອງຜູ້ຍິງໃນເມືອງ.
ເນື້ອເພງມີຢູ່ວ່າ, ໃນເວລາຄວາມຮັກຜ່ານໄປ, ຂ້ອຍບໍ່ໄດ້ຈັບມືຂອງເຂົາໄວ້. ຄວາມຝັນຢູ່ໃນໂລກຈັກກະວານອີກແຫ່ງໜຶ່ງເທິງສະຫວັນຊັ້ນຟ້າ, ເໝືອນດັ່ງໝາກພິລາທີ່ສວຍງາມ. ໃນເວລາຄວາມຮັກຜ່ານໄປ, ຂ້ອຍບໍ່ຮູ້ວ່າຕົນເອງພວມເຫຼີຍ່າງ, ຮອດທາງສາມແຍກບ່ອນໜ້າຈະລ້ຽວຊ້າຍຫຼືລ້ຽວຂວາ, ມີໃຜຈະອອກຫົວຄິດຊ່ອຍຂ້ອຍ?
ທ່ານຖາງເລີຍແມ່ນຄົນໃໝ່ຂອງເວທີເພງຈີນ. ທ່ານມັກດົນຕີມາແຕ່ຍາມຍັງນ້ອຍ, ໃນເວລາເຂົ້າຮຽນຢູ່ມະຫາວິທະຍາໄລທ່ານກໍເລີ່ມແຕ່ງເນື້ອເພງແລະຂັບຮ້ອງເອງ, ມາຮອດປັດຈຸບັນ, ທ່ານໄດ້ແຕ່ງເພງເກືອບຮ້ອຍເພງແລ້ວ. ຫວ່າງບໍ່ດົນນີ້, ທ່ານຖາງເລີຍໄດ້ອັດເອົາແຜ່ນCDສ່ວນຕົວແຜ່ນທຳອິດທີ່ໃຫ້ຊື່ວ່າ: Dingxianghua ດອກການພູ. ນີ້ແມ່ນແຜ່ນCDທີ່ມີທຳນອງເພງເດີ່ນໂຮງຮຽນ, ລວມທັງໝົດມີ 10 ເພງ. ລ້ວນແຕ່ແມ່ນເພງທີ່ທ່ານຖາງເລີຍແຕ່ງເນື້ອຮ້ອງແລະທຳນອງເພງທັງໝົດ. ເພງ Dingxianghua ດອກການພູ ແມ່ນເພງຮັກສີເສົ້າໆ, ບັນຍາຍເລື່ອງຄວາມຮັກທີ່ເສົ້າໃຈສູ່ຟັງ, ຮຽກຮ້ອງໃຫ້ຄົນທັງຫລາຍຖະໜອມຄວາມຮັກ. ຕໍ່ໄປເຊີນຟັງເພງດອກການພູນນຳກັນ.
ເນື້ອເພງມີຢູ່ວ່າ: ນ້ອງເວົ້າວ່ານ້ອງມັກດອກການພູຫລາຍ, ເພາະວ່າຊື່ດຽວກັບຊື່ຂອງນ້ອງ. ຈັ່ງແມ່ນດອກໄມ້ທີ່ໂສກເສົ້າ, ຈັ່ງແມ່ນຄົນທີ່ມັກເສົ້າໃຈ. ໃນເວລາດອກໄມ້ຫ່ຽວແຫ້ງ, ໃນເວລາຮູບພາບຢຸດຈຶ້ງ, ດອກໄມ້ທີ່ອ່ອນນຸ້ມ, ທົນບໍ່ໄຫວຕໍ່ລົມພັດຝົນຮ່ຳ. . ຊີວິດພະເນຈອນ, ຄວາມຝັນທີ່ສວຍງາມ, ຜ່ານໄປວັບໆ, ນ້ອງຈາກໄປແລ້ວ, ແຕ່ຈົ່ງຄວາມເປັນຫ່ວງໃຫ້ກັບອ້າຍ.
ສຸດທ້າຍ, ພວກເຮົາມາຟັງເພງ"Woaiwojia" ຂ້ອຍຮັກຄອບຄົວຂ້ອຍ, ຂັບຮ້ອງໂດຍນາງຕ້າຍຢາວ. ເພງນີ້ແມ່ນເພງເອກໃນເລື່ອງໂທລະພາບ"Woaiwojia" ຂ້ອຍຮັກຄອບຄົວຂ້ອຍ" ເຊິ່ງເປັນເລື່ອງໂທລະພາບທີ່ຜູ້ຊົມຈີນນິຍົມເບິ່ງຫລາຍ.
|
|
|
