|
ນັບມາຮອດທ້າຍປີ 2005 ຍອດຈຳນວນຊື່ເວັບໄຊຂອງຈີນມີປະມານ 2 ລ້ານ 6 ແສນອັນ
cri
Author: cai
ຕາມໜັງສືພິມ"ເຢີນມີນຢື້ປ້າວ":ບົດລາຍງານສຳຫຼວດສະບັບໜຶ່ງທີ່ປະກາດໃນວັນທີ 16 ພຶດສະພາສະແດງໃຫ້ເຫັນວ່າ,ນັບມາຮອດທ້າຍປີ 2005,ຈີນລວມມີຊື່ເວັບໄຊປະມານ 2 ລ້ານ 6 ແສນອັນ,ເພີ່ມຂຶ້ນຫຼາຍກວ່າປີ 2004 40%.
"ບົດລາຍງານສຳຫຼວດຈຳນວນຊັບພະຍາກອນຂໍ້ມູນຂ່າວສານອິນເຕີເນັດຂອງຈີນປີ 2005"ສະບັບນີ້ແມ່ນຫ້ອງການວຽກງານຫັນເປັນຂໍ້ມູນຂ່າວສານຂອງຄະນະລັດຖະບານຈີນເປັນຜູ້ປະກາດ.ບົດລາຍງານສະແດງໃຫ້ເຫັນວ່າ,ນັບມາຮອດທ້າຍປີ 2005,ຈຳນວນຊື່ເວັບໄຊທີ່ໃຊ້CNຂອງຈີນມີປະມານ 1 ລ້ານ 1 ແສນອັນ,ໄດ້ກາຍເປັນຊື່ເວັບໄຊສຸດຍອດລະດັບຊາດທີ່ໃຫຍ່ກວ່າໝູ່ຂອງອາຊີ,ໃນການລຽງລຳດັບຊື່ເວັບໄຊສຸດຍອດລະດັບຊາດທັງໝົດຂອງໂລກ,ໄດ້ຈາກອັນດັບທີ 13 ໃນຕົ້ນປີ 2005 ຂຶ້ນສູ່ອັນດັບທີ 6.
ບົດລາຍງານຍັງສະແດງໃຫ້ເຫັນວ່າ,ຖ້າຂີດແບ່ງຕາມລັກສະນະເວັບໄຊແລະເນື້ອໃນບໍລິການ,ໃນເວັບໄຊຂອງຈີນ,ຈຳນວນເວັບໄຊວິສາຫະກິດແມ່ນຫຼາຍກວ່າໝູ່,ເວັບໄຊສ່ວນບຸກຄົນເພີ່ມຂຶ້ນຢ່າງວ່ອງໄວ.
|
|
