|
|
 |
| (GMT+08:00)
2006-05-18 10:53:38
|
 |
|
ຈີນອາຊຽນລົງນາມໃນຄຳຖະແຫລງການຮ່ວມມືດ້ວຍໄມຕີຈິດຝ່າຍປະຊາຊົນ
cri
Author: sayvanny
ຕາມຂ່າວສານຊີນຮວາ:ກອງປະຊຸມອົງການມິດຕະພາບມະຫາຊົນຈີນອາຊຽນໄດ້ໄຂຂຶ້ນຢູ່ປັກກິ່ງໃນວັນທີ 17 ພຶດສະພາ.ຫລັງກອງປະຊຸມ, ອົງ ການມິດຕະພາບມະຫາຊົນທີ່ຮ່ວມປະຊຸມໄດ້ເຊັນຖະແຫລງການມິດຕະພາບແລະຮ່ວມມືຂອງຝ່າຍປະຊາຊົນຈີນອາຊຽນ, ໃຫ້ຄຳຫມັ້ນສັນຍາວ່າ,ຈະເພີ່ມທະວີການແລກປ່ຽນແລະການຮ່ວມມືລະຫວ່າງປະຊາຊົນ,ເພື່ອເຮັດໃຫ້ມິດຕະພາບລະຫວ່າງຈີນກັບອາຊຽນຢັ່ງເລິກຢູ່ໃນູໃຈຄົນ.
ຕາມຖະແຫລງການ, ບັນດາອົງການມິດຕະພາບຕົກລົງເພີ່ມທະວີການຕິດຕໍ່ພົວພັນແລະການແລກປ່ຽນກັນຕື່ມອີກ,ສ້າງກົນໄກຮ່ວມມືຝ່າຍປະຊາຊົນ 10+1,ຈັດໃຫ້ມີການເຜີຍແຜ່ວັດທະນະທຳທີ່ມີລັກສະນະມະຫາ ຊົນຂອງບັນດາປະເທດ,ແລະເພີ່ມທະວີການຮ່ວມມືດ້ານການຄ້າແລະການລົງທຶນ.
ໃນກອງປະຊຸມ, ທ່ານນາງກູ້ຊິ້ວລຽນ ຮອງປະທານຄະນະປະຈຳສະພາປະຊາຊົນແຫ່ງຊາດຈີນເວົ້າວ່າ, ຖະແຫລງການໄດ້ສ່ອງແສງໃຫ້ເຫັນສຽງໃນໃຈຮ່ວມຂອງບັນດາອົງການມິດຕະພາບຝ່າຍປະຊາຊົນ,ໄດ້ເພີ່ມທະວີຄວາມສາມັກຄີຂອງອົງການມິດຕະພາບຂອງຈີນອາຊຽນຕື່ມອີກ.ທ່ານນາງຫວັງໃຫ້ກອງປະຊຸມດັ່ງກ່າວຈະສືບຕໍ່ກັນໄປໃນຖານເປັນກົນໄກຮ່ວມມືແລະມິດຕະ ພາບຂອງຝ່າຍປະຊາຊົນ,ກາຍເປັນຊ່ອງທາງທີ່ບັນດາຝ່າຍທຳຄວາມເຂົ້າໃຈກັນ.
|
|
|
