|
|
 |
| (GMT+08:00)
2006-05-18 17:19:41
|
 |
|
ທາງລົດໄຟຊີ່ງໄຫຕິເບດກຽມແລ່ນລົດໄຟທ່ອງທ່ຽວລະດັບ 5 ດາວ
cri
Author: cai
ຕາມຂ່າວສານຊີນຮວາ:ແຕ່ປີ 2007 ເປັນຕົ້ນໄປ,ທາງລົດໄຟຊີ່ງໄຫຕິເບດຂອງຈີນເຊິ່ງເປັນທາງລົດໄຟທີ່ຢູ່ສູງຈາກລະດັບນ້ຳທະເລກວ່າໝູ່ໃນໂລກປະຈຸບັນຈະແລ່ນລົດໄຟທ່ອງທ່ຽວລະດັບ 5 ດາວຂະບວນໜຶ່ງ.
ຕາມໄດ້ຊາບ,ຄ່າຜະລິດຂະບວນລົດໄຟທ່ອງທ່ຽວຊະນິດນີ້ໄດ້ລື່ນກາຍ 700 ລ້ານຢວນ,ອຸປະກອນໃນລົດໄຟລ້ວນແຕ່ອອກແບບຕາມມາດຖານຫ້ອງນອນຂອງໂຮງແຮມ 5 ດາວທັງໝົດ.ລົດໄຟທ່ອງທ່ຽວແຕ່ລະຂະບວນບັນທຸກແຂກທ່ອງທ່ຽວພຽງແຕ່ 100 ຄົນເທົ່ານັ້ນ.
ເພື່ອຕ້ານລັງສີອຸນຕຼາວີໂອເລແຮງເທິງພູພຽງ,ຢູ່ແກ້ວປ່ອງຢ້ຽມຂອງລົດໄຟໄດ້ຕິດເຍື່ອຕ້ານລັງສີອຸນຕຼາວີໂອເລ.ຢູ່ເທິງລົດໄຟໄດ້ປະກອບລະບົບສະໜອງອັອກຊີແຊນສອງຊຸດ,ແຂກທ່ອງທ່ຽວສາມາດນຳໃຊ້ທໍ່ທີ່ເປັນອິດສະລະມາດູດອັອກຊີແຊນໂດຍກົງໄດ້.ຂະບວນລົດໄຟທ່ອງທ່ຽວຈະພົ້ນເດັ່ນການອະນຸລັກສິ່ງແວດລ້ອມຕາມທາງລົດໄຟ,ໃຊ້ອຸປະກອນເກັບເອົາຂອງເສດແລະນ້ຳເສຍ,ໃນເວລາແລ່ນລົດ,ບໍ່ລະບາຍແລະຖິ້ມຂອງເສດ ນ້ຳເສຍແລະຂີ້ເຫຍື້ອໃດໆອອກນອກລົດໄຟ.
|
|
|
