ຕາມ​ຂ່າວ​ຈາກ​ກະຊວງ​ການ​ຄ້າ​ຈີນ: ສື່​ມວນ​ຊົນ​ຂອງ​ຟິລິບ​ປິນລາຍ​ງານ​ວ່າ, ​ເນື່ອງ​ຈາກ​​ເປັນ​ຫ່ວງ​ນຳ​ທະນາຄານ​ກາງ​ອາ​ເມ​ລິ​ກາ​ຂຶ້ນດອກ​ເບ້ຍ​ອີກ​ອາດ​ຈະ​ກະທົບກະ​ເທືອ​ນ​ເຖິງ​ການ​ບໍລິ​ໂພ​ກຂອງ​ອາ​ເມ​ລິ​ກາ ​ເຊິ່ງ​ແມ່ນ​ຕະຫຼາດສົ່ງ​ອອກ​ໃຫຍ່​ກວ່າ​ໝູ່​ຂອງ​ຟິ​ລິບ​ປິນ, ​ແລະ​ຜູ່​ລົງ​ທຶນ​ອາດ​ຈະ​ຖອນ​ທຶນ​ອອກ​ຈາກ​ຟິລິບ​ປິນ ​ແລ້ວ​ໄປ​ລົງທຶນ​ຢູ່​ອາ​ເມ​ລິ​ກາ​ທີ່​ໝັ້ນ​ຄົງ​ກວ່າ, ​ໃນ​ການ​ຊື້​ຂາຍ​ມື້​ວານນີ້ ລາຄາ​ເງິນ​ເປ​ໂຊ​ໄດ້​ຕົກ​ຕ່ຳລົງ​ຕໍ່​ມາ, ​ເຖິງ​ລະ​ດັບ​ຕ່ຳ​ສຸດ​ໃນ 3 ​ເດືອນ​ເຄິ່ງ​ມາ​ນີ້.

ວັນ​ທີ 17 ພຶດສະພາ, ​​​ເວລາເປີດ​ຕະຫຼາດ, 52,5 ເປ​ໂຊ​ແລກ​ໄດ້ 1 ​ໂດ​ລາ, ​​ເວລາ​ປິດ​ຕະ​ຫຼາດ ​ແມ່ນ 52,37 ​ເປ​ໂຊຕໍ່ 1 ​ໂດ​ລາ​, ປະລິມານ​ຊື້​ຂາຍ​ມີ​ເຖິງ 572 ລ້ານ 5 ​ແສນ​ໂດ​ລາ. ນັກ​ຊື້​ຂາຍ​ວິ​ເຄາະ​ວ່າ, ລາຄາ​ເງິນ​ເປ​ໂຊ​ຍັງອາດ​ຈະຕົກ​ຕ່ຳລົງ​​ອີກ.