|
ຕາມຂ່າວເວັບໄຊໜັງສືພິມຈົ່ງໂກຢື້ປ້າວຂອງຈີນ: ວັນທີ 17 ພຶດສະພາ, ທ່ານມານແດນຊັນ ຫົວໜ້າກຳມາທິການການຄ້າສະຫະພາບເອີລົບໄດ້ເຜີຍຕໍ່ວົງການພາຍນອກວ່າ, ສະຫະພາບເອີລົບກັບອາຊຽນມີຫວັງຈະຈັດການເຈລະຈາສັນຍາການຄ້າເສລີພາຍໃນປີນີ້.
ຕາມຂ່າວແຈ້ງວ່າ, ທ່ານມານແດນຊັນເຜີຍໃຫ້ຮູ້ວ່າ, ໃນໄລຍະມໍ່ໆນີ້ ສະຫະພາບເອີລົບຈະລົງເລິກຄົ້ນຄວ້າບົດລາຍງານກ່ຽວກັບສະພາບການຄ້າຂອງພາກພື້ນສະຫະພາບເອີລົບແລະພາກພື້ນອາຊຽນໃນສະເພາະໜ້ານີ້ທີ່ຫາກໍ່ຂຽນສຳເລັດບໍ່ດົນ, ເພື່ອຕົກລົງວ່າຈະຊຸກຍູ້ການເຈລະຈາສັນຍາການຄ້າເສລີລະຫວ່າງສະຫະພາບເອີລົບກັບອາຊຽນຕື່ມອີກຫຼືບໍ່.
ທ່ານມານແດນຊັນເຫັນໄປໃນແງ່ດີວ່າ, ການເຈລະຈາອາດຈະເລີ່ມຈັດຂຶ້ນກ່ອນທ້າຍປີນີ້, ຕົ້ນອາທິດນີ້, ທ່ານໄດ້ເຈລະຈາກັບລັດຖະມົນຕີການຄ້າຂອງບາງປະເທດອາຊຽນ, ແຕ່ທ່ານກ່າວວ່າ ເຂດການຄ້າເສລີທີ່ຈະສ້າງຂຶ້ນໃນອະນາຄົດຈະປັດປ່າຍມຽນມາຢູ່ພາຍນອກ, ນີ້ມີສີສັນການເມືອງສຳລັບການເຈລະຈາສັນຍາການຄ້າເສລີ.
|
