ຕາມ​ຂ່າວCRI: ​ໃນ​ງານ​ຖະ​ແຫຼງຂ່າວ​ທີ່​ຈັດ​ຂຶ້ນຢູ່​ທີ່​ປັກ​ກິ່ງ​ໃນ​ວັນ​ທີ 18 ພຶດ​ສະ​ພາ, ທ່ານ​ລິວ​ຈ້ຽນຊາວ ​ໂຄສົກ​ກະຊວງ​ການ​ຕ່າງປະ​ເທດ​ຈີນ​ກ່າວ​ວ່າ, ຈີນ​ນຳ​ເຂົ້າ​ຍຸດ​ໂທ​ປະ​ກອນ​ມີ​ລະບຽບ​ການ​ສຳຫຼວດພິຈາລະນາ​ແລະ​ຕິດ​ຕາມ​ຄຸ້ມ​ຄອງ​ຢ່າງ​​ເຄັ່ງ​ຄັດ, ວິ​ສາ​ຫະ​ກິດ​ນຳ​ເຂົ້າ​ຍຸດ​ໂທ​ປະ​ກອນ​ຂອງ​ຈີນ​ບໍ່ຫ່ອນ​ຈະ​ຊື້ຍຸດ​ໂທ​ປະກອນ​ໃດໆ​ນຳ​ບໍລິສັດ​ໃດໆ​ທີ່​ບໍ່​ສາ​ມາດ​ສະ​ໜອງ​ເອ​ກະ​ສານ​ອັນ​ທີ່​ຊອບ​ກົດ​ແລະ​ມີ​ຜົນ​ສັກສິດ.

​ທ່ານ​ລິວ​ຈ້ຽນຊາວ​ໄດ້​ກ່າວ​ຄວາມ​ດັ່ງກ່າວ​ໃນ​ເວລາ​ຕອບ​ຄຳ​ຖາມ​ຂອງ​ນັກ​ຂ່າວ ໂດຍ​ແນ​ໃສ່​ເລື່ອງ​ກ່ຽວ​ກັບ​ຂ່າວ​ລາຍ​ງານ​ວ່ານັກທຸລະກິດ​ໄຕ້​ຫວັນ​ຢູ່​ອາ​ເມ​ລິ​ກາ​ຂາຍ​ເຄື່ອງ​ອາ​ໄຫຼ່​ຍົນ​ລົບ​ອາ​ເມ​ລິ​ກາ​ໃຫ້​ຈີນ​. ທ່ານ​ຍັງ​ກ່າວ​ວ່າ, ຄຳ​ເວົ້າທີ່​ວ່າ​ຈີນ​ເກັບ​ກຳ​ຂ່າວ​ກອງ​ດ້ານ​ການ​ທະ​ຫານ​ແລະ​ວິ​ທະຍາສາດ​ເຕັກນິກຢູ່​ອາ​ເມ​ລິ​ການັ້ນ​ແມ່ນ​​ເສກ​ສັນ​ປັ້ນ​ແຕ່ງ​ທັງ​ນັ້ນ.