|
ຄວາມສາມາດຜະລິດໂທລະສັບມືຖືຕໍ່ປີຂອງຈີນກວມ 40% ຂອງໂລກ
cri
Author: min
ຕາມຂ່າວສານຊິນຮວາ: ໂທລະສັບມືຖືແມ່ນໜຶ່ງໃນບັນດາຂົງເຂດທີ່ພັດທະນາໄວກວ່າໝູ່ຂອງອຸດສາຫະກຳຂໍ້ມູນຂ່າວສານຈີນ, ປະຈຸບັນ, ຄວາມສາມາດຜະລິດໂທລະສັບມືຖືຂອງຈີນແມ່ນ 400 ລ້ານໜ່ວຍຕໍ່ປີ, ກວມ 40% ຂອງໂລກ.
ວັນທີ 18 ພຶດສະພາ, ໃນ "ເວທີປາໄສສາກົນກ່ຽວກັບການພັດທະນາອຸດສາຫະກຳໂທລະສັບມືຖືຈີນປີ 2006", ທ່ານໂລຊິນຈຽນ ຮອງລັດຖະມົນຕີກະຊວງອຸດສາຫະກຳຂໍ້ມູນຂ່າວສານຈີນເວົ້າວ່າ, ປະຈຸບັນ, ຢູ່ຈີນມີວິສາຫະກິດຜະລິດໂທລະສັບມືຖື 65 ຫຼັງ, ໃນນັ້ນວິສາຫະກິດທຶນຕ່າງປະເທດລື່ນກາຍເຄິ່ງໜຶ່ງ. ປີກາຍນີ້, ຈີນໄດ້ຜະລິດໂທລະສັບມືຖື 330 ລ້ານໜ່ວຍ, ກວມ 30% ຂຶ້ນໄປຂອງຍອດປະລິມານການຜະລິດຂອງໂລກ.
ໃນຫຼາຍປີມານີ້, ຜູ້ໃຊ້ໂທລະສັບມືຖືຂອງຈີນກໍ່ໄດ້ເພີ່ມຂຶ້ນຢ່າງສືບເນື່ອງ, ປະຈຸບັນ, ຍອດຈຳນວນໂທລະສັບມືຖືຂອງຈີນໄດ້ລື່ນກາຍ 400 ລ້ານເລກໝາຍແລ້ວ.
|
|
