|
|
 |
| (GMT+08:00)
2006-05-19 19:10:37
|
 |
|
ນັກສຶກສາຕ່າງປະເທດທີ່ຮຽນຢູ່ຈີນມັກຮຽນວິຊາເສດຖະກິດ
cri
ຕາມຂ່າວສານຊິນຮວາ,ການສອບເສັງເຂົ້າຮຽນສຳລັບນັກສຶກສາຕ່າງປະເທດທີ່ມາຮຽນຢູ່ຈີນປີ2006ນັ້ນໄດ້ສິ້ນສຸດລົງແລ້ວໃນຫວ່າງມໍ່ໆນີ້,ນັກສຶກສາຕ່າງປະເທດມີຄວາມຫ້າວຫັນຫຼາຍຕໍ່ໂຮງຮຽນຊັ້ນສູງຂອງປັກກິ່ງທີ່ມີຊັບພະຍາກອນການສຶກສາອັນອຸດົມສົມບູນ,ໂດຍສະເພາະແມ່ນມັກຮຽນວິຊາປະເພດເສດຖະກິດ.
ຕາມໄດ້ຊາບ,ຈຳນວນນັກສຶກສາຕ່າງປະເທດທີ່ສະເໜີຊື່ເຂົ້າຮ່ວມການສອບເສັງເຂົ້າຮຽນມະຫາວິທະຍາໄລຊິງຮວານັ້ນໄດ້ສ້າງສະຖິຕິສູງໃໝ່,ຄືມີເຖິງ720ຄົນ.ນັກສຶກສາເຫຼົ່ານີ້ສ່ວນຫຼາຍໄດ້ເລືອກເອົາວິຊາການຄຸ້ມຄອງອຸດສາຫະກຳການຄ້າ(MBA)ທີ່ຮັບນັກສຶກສາທັງສອງຂະແໜງຄືຂະແໜງອັກສອນສາດແລະຂະແໜງວິທະຍາສາດ.
ປີນີ້,ມີນັກສຶກສາຕ່າງປະເທດ600ກວ່າຄົນໄດ້ເຂົ້າຮ່ວມການສອບເສັງເຂົ້າຮຽນມະຫາວິທະຍາໄລປັກກິ່ງ,ໃນນັ້ນ,ນັກສຶກສາສ.ເກົາຫຼີຫຼາຍກວ່າໝູ່,ຖັດມາແມ່ນນັກສຶສາຍີ່ປຸ່ນແລະນັກສຶກສາຂອງປະເທດອາຊີອາຄະເນເຊັ່ນໄທ,ອິນໂດເນເຊຍແລະສິງກະໂປເປັນຕົ້ນ.ນັກສຶກສາເຫຼົ່ານີ້ສ່ວນຫຼາຍກໍໄດ້ເລືອກເອົາວິຊາປະເພດເສດຖະກິດ.
|
|
|
