|
ຕາມຂ່າວສານຊິນຮວາ: ກອງທຶນຊົມເຊີຍການທຳຮ້າຍຂອງໝີສີຕັບໝູ ເຊິ່ງແມ່ນມູນນິທິທຳມະຊາດໂລກກັບຂະແໜງການປ່າໄມ້ເຂດຕິເບດຂອງຈີນຮ່ວມກັນສ້າງຕັ້ງຂຶ້ນນັ້ນໄດ້ເລີ່ມໝູນເດີນໃນຫວ່າງມໍ່ໆນີ້. ນີ້ແມ່ນກອງທຶນຊົດເຊີຍການທຳຮ້າຍຂອງສັດປ່າທີ່ອົງການອະນຸລັກສິ່ງແວດລ້ອມສາກົນລົງທຶນສ້າງຕັ້ງຂຶ້ນຢູ່ຈີນແຫ່ງທຳອິດ.
ໃນຫຼາຍປີມານີ້, ຢູ່ອ້ອມຂ້າງຊຽງຖາງເຂດຕິເບດ ເຊິ່ງແມ່ນເຂດອະນຸລັກທຳມະຊາດລະດັບຊາດຂອງຈີນໄດ້ເກີດເຫດການໝີສີຕັບໝູໂຈມຕີສັດລ້ຽງ ທຳລາຍເຮືອນ ຈົນກະທັ້ງທຳຮ້າຍຄົນຢ່າງບໍ່ຢຸດຢັ້ງ, ຄວາມຂັດແຍ່ງກັນລະຫວ່າງຄົນກັບໝີໄດ້ດຸເດືອດຂຶ້ນຢ່າງບໍ່ເຄີຍມີມາກ່ອນ. ເຖິງວ່າ "ກົດໝາຍອະນຸລັກສັດປ່າ" ຈີນໄດ້ລະບຸໄວ້ວ່າ ສຳລັບຜູ່ຖືກທຳຮ້າຍຈາກສັດປ່າ ໃຫ້ອົງການປົກຄອງທ້ອງຖິ່ນຊົດເຊີຍ, ແຕ່ເນື່ອງຈາກກຳລັງການເງິນຢູ່ແຫ່ງນັ້ນອ່ອນແອໂພດ, ແລະມີຄວາມຈຳກັດໃນການຊົດເຊີຍຊາວລ້ຽງສັດ. ການເລີ່ມໝູນເດີນກອງທຶນດັ່ງກ່າວ, ຈະມີຜົນດີຕໍ່ການອະນຸລັກໝີສີຕັບໝູແລະການຈັດຕັ້ງປະຕິບັດນະໂຍບາຍຊົດເຊີຍທີ່ກ່ຽວຂ້ອງ.
|
