ຕາມຂ່າວCRI: ວັນ​ທີ 19 ພຶດສະພາ​ຢູ່​ທີ່​ປັກ​ກິ່ງ, ທ່ານ​ຈ່າງ​ຊິວ​ຜິ​ງ ຫົວ​ໜ້າ​ພະ​ແນກ​ງານ​ກິລາ​ໂອ​ລິ​ມປິ​ກຄົນ​ພິການຂອງຄະນະກຳມະການຈັດງານກິລາ​ໂອ​ລິມ​ປິກ​ປັກ​ກິ່ງ​ກ່າວ​ວ່າ, ງານ​ກິ​ລາ​ໂອ​ລິມປິກຄົນ​ພິການ​ປັກ​ກິ່ງ​ປີ 2008 ຈະ​ສະ​ໜອງ​ຄ່າ​ເດີນ​ທາງ​ລະ​ຫວ່າງ​ຊາດ​ແລະ​ຄ່າ​ກິນຄ່າ​ພັກ​ໃນ​ໄລຍະ​ຢູ່​ປັກ​ກິ່ງ​​​ໃຫ້​ແກ່​ນັກ​ກິ​ລາ​ແລະ​ເຈົ້າ​ໜ້າ​ທີ່​ຄະນະ​ຜູ່​ແທນ​ໝົດ​ທຸກ​ຄົນ​ທີ່​ເຂົ້າ​ຮ່ວມ​ງານ​ກິລາ​​ໂອ​ລິ​ມ ປິກ​ຄົນ​ພິ​ການ, ນີ້​ເປັນ​ຄັ້ງ​ທຳ​ອິດ​ໃນ​ປະ​ຫວັດ​ງານ​ກິ​ລາ​ໂອ​ລິມ​ປິກ​ຄົນ​ພິ​ການ.

​ເມື່ອ​ປີ 2001, ຄະນະ​ກຳມະການ​​ໂອ​ລິ​ມປິກ​ສາກົນ​ກັບ​ຄະນະ​ກຳມະ​ການ​ໂອ​ລິມ​ປິກ​ຄົນ​ພິ​ການ​ສາກົນ​ໄດ້​ເຊັນ​ສັນຍາ, ຕົກລົງວ່າ ເລີ່ມ​ແຕ່​ງານ​ກິ​ລາ​ໂອ​ລິມ​ປິກ​ປີ 2008 ເປັນ​ຕົ້ນ​ໄປ, ຄະ​ນະ ກຳ​ມະ​ການ​ຈັດ​ງານ​ກິລາ​ໂອ​ລິມ​ປິກ​ທັງ​ໝົດ ​ເຊິ່ງ​ລວມ​ທັງ​ງານ​ກິ​ລາ​ໂອ​ລິມ​ປິກ​ລະດູ​ໜາວ ລ້ວນ​ແຕ່​ຕ້ອງ​ຮັບ​ຈັດ​ງານ​ກິ​ລາ​ໂອ​ລິມ​ປິກ​ແລະ​ງານ​ກິ​ລາ​ໂອ​ລິມ​ປິກ​ຄົນ​ພິ​ການ. ສັນ​ຍາ​ດັ່ງ​ກ່າວ​ຍັງ​ລະບຸ​ໄວ້​ວ່າ, ນັກ​ກິ​ລາ​ແລະ​ເຈົ້າ​ໜ້າ​ທີ່​ຂອງ​ງານ​ກິລາ​ໂອ​ລິມ​ປິກ​ສອງ​ຄັ້ງ​ນີ້

ຄວນໄດ້ຮັບການບໍລິການແລະຄວາມຮັບຕ້ອນ​ຢູ່​​ໃນລະດັບດຽວກັນ. ທ່ານ​ຈ່າງ​ຊິວ​ຜິງ​ກ່າວ​ວ່າ, ງານ​ກິລາ​ໂອ​ລິ​ມປິກ​ປັກ​ກິ່ງ​ຈະ​ແມ່ນ​ງານ​ກິ​ລາ​ໂອ​ລິມ​ປິກ​ເທື່ອ​ທຳ​ອິດ​ທີ່​ປະ​ຕິ​ບັດ​ຕາມ​ສັນຍາດັ່ງກ່າວ​.