|
|
 |
| (GMT+08:00)
2006-05-20 18:32:57
|
 |
|
ການສົນທະນາດ້ານການເງິນລະຫວ່າງຈີນກັບສະຫະພາບເອີລົບກ້າວເຂົ້າສູ່ໄລຍະໃໝ່
cri
Author: shuo
ຕາມຂ່າວສານຊິນຮວາ:ວັນທີ19ພຶດສະພາ,ຢູ່ຮົງກົງ,ທ່ານແມັກຄຼີວີ ກຳມາທິການຜູ້ຮັບຜິດ ຊອບຕະຫຼາດພາຍໃນແລະຂະແໜງການບໍລິການຂອງສະຫະພາບເອີລົບກ່າວວ່າ,ການສົນ ທະນາດ້ານການເງິນລະຫວ່າງຈີນກັບສະຫະພາບເອີລົບບໍ່ໄດ້ຢຸດເຊົາຢູ່ໃນລະດັບເບື້ອງຕົ້ນທີ່ສ້າງຄວາມໄວ້ເນື້ອເຊື່ອໃຈກັນແລະແລກປ່ຽນຂໍ້ມູນຂ່າວສານພື້ນຖານນັ້ນອີກແລ້ວ,ພວມກ້າວເຂົ້າສູ່ໄລຍະປະຫວັດສາດໃໝ່.
ວັນທີ15ພຶດສະພາ,ການສົນທະນາດ້ານການເງິນຄັ້ງທີ2ລະຫວ່າງຈີນກັບສະຫະພາບເອີລົບໄດ້ຈັດຂຶ້ນຢູ່ທີ່ປັກກິ່ງ,ສອງຝ່າຍໄດ້ລົງເລິກແລກປ່ຽນຄວາມເຫັນກ່ຽວກັບຫົວຂໍ້ຕ່າງໆ ເຊັ່ນສະຖານະການເສດຖະກິດມະຫາພາກໃນປະຈຸບັນແລະອະນາຄົດ ນະໂຍບາຍການເງິນແລະເງິນຕາ ພ້ອມດ້ວຍນະໂຍບາຍອັດຕາແລກປ່ຽນເປັນຕົ້ນ.
ທ່ານແມັກຄຼີວີເວົ້າວ່າ,ແຕ່ຈີນກັບສະຫະພາບເອີລົບປະຕິບັດຕາມກົນໄກສົນທະນາດ້ານການເງິນເປັນຕົ້ນມາ,ໄດ້ຮັບໝາກຜົນທີ່ໜ້າເພີ່ງພໍໃຈ.ທ່ານຫວັງໃຫ້ຈີນແລະສະຫະພາບເອີລົບພ້ອມກັນທຳຄວາມພະຍາຍາມ,ຊຸກຍູ້ການສົນທະນາດັ່ງກ່າວຕື່ມອີກພາຍໃຕ້ຂອບເສດຖະກິດທົ່ວໂລກ.
ທ່ານແມັກຄຼີວີແມ່ນໄປຮອດຮົງກົງແລະເລີ່ມຢ້ຽມຢາມໃນວັນທີ18ພຶດສະພາ.ກ່ອນໜ້ານີ້,ທ່ານໄດ້ໄປຢ້ຽມຢາມປັກກິ່ງແລະຊຽງໄຮ້.
|
|
|
