|
|
 |
| (GMT+08:00)
2006-05-22 16:05:40
|
 |
|
ປີນີ້ ທະນາຄານອຸດສາຫະກຳການຄ້າຈີນຈະຂາຍຫຸ້ນສ່ວນໃນຕະຫຼາດຫຼັກຊັບ
cri
Author: min
ຕາມຂ່າວສານຊິນຮວາ: ທະນາຄານອຸດສາຫະກຳການຄ້າຈີນ ເຊິ່ງເປັນໜຶ່ງໃນ 4 ທະນາຄານການຄ້າແຫ່ງລັດໃຫຍ່ຈີນ, ຈະຈຳໜ່າຍຫຸ້ນສ່ວນຢ່າງເປີດເຜີຍເປັນຄັ້ງທຳອິດໃນຕະຫຼາດຫຼັກຊັບໃນປີນີ້.
ຫວ່າງມໍ່ໆນີ້, ທ່ານຈ່ຽງຈ້ຽນຊິ່ງ ປະທານຄະນະກຳມະການບໍລິສັດທະນາຄານອຸດສາຫະກຳການຄ້າຈີນຫຸ້ນສ່ວນຈຳກັດໄດ້ຢືນຢັນຂ່າວນີ້. ທ່ານເວົ້າວ່າ, ພາຍຫຼັງທະນາຄານດັ່ງກ່າວຈຳໜ່າຍຫຸ້ນສ່ວນໃນຕະຫຼາດຫຼັກຊັບແລ້ວ, ຈະກ້າວເຂົ້າໃນຖານແຖວ10 ທະນາຄານໃຫຍ່ໃນໂລກໂດຍຄິດໄລ່ຕາມມູນຄ່າໃນຕະຫຼາດ.
ຕາມໄດ້ຊາບ, ທະນາຄານອຸດສາຫະກຳການຄ້າຈີນແມ່ນທະນາຄານການຄ້າໃຫຍ່ກວ່າໝູ່ຢູ່ພາຍໃນປະເທດຈີນ, ທະນາຄານດັ່ງກ່າວເປັນອັນດັບໜຶ່ງໝັ້ນຄົງໃນຂະແໜງການດຽວໃນຕົວເລກຄາດໝາຍຫຼາຍຢ່າງ, ເຊັ່ນ: ຍອດມູນຄ່າຊັບສົມບັດ, ຍອດທຶນຮອນ, ກຳໄລທຸລະກິດເປັນຕົ້ນ. ເດືອນມັງກອນປີນີ້, ທະນາຄານອຸດສາຫະກຳການຄ້າຈີນໄດ້ຮັບການລົງທຶນ 3 ຕື້ 800 ລ້ານໂດລາສະຫະລັດຈາກຜູ້ລົງທຶນຕ່າງປະເທດ, ນັບມາຮອດປະຈຸບັນ, ນີ້ກໍ່ແມ່ນການລົງທຶນຫຼາຍກວ່າໝູ່ທີ່ນັກລົງທຶນຕ່າງປະເທດລົງທຶນໃນຂະແໜງການການເງິນຈີນ.
ທະນາຄານກໍ່ສ້າງຈີນແລະທະນາຄານຈີນ ກໍແມ່ນ 2 ທະນາຄານໃນ 4 ທະນາຄານການຄ້າໃຫຍ່ແຫ່ງລັດຈີນຕ່າງໄດ້ຈຳໜ່າຍຫຸ້ນສ່ວນຢູ່ຮົງກົງໃນເດືອນຕຸລາປີກາຍນີ້ແລະເດືອນພຶດສະພາປີນີ້.
|
|
|
