|
|
 |
| (GMT+08:00)
2006-05-22 16:28:35
|
 |
|
ເຄື່ອງໝາຍທາງເດີນເຮືອດີຈີຕອນຊີ້ນຳເຮືອຈີນໜີຫວິດລົມໃຕ້ຝຸ່ນ "ເຈິ່ນຈູ່"
cri
Author: min
ຕາມຂ່າວສານຊິນຮວາ: ໃນໄລຍະລົມໃຕ້ຝຸ່ນ "ເຈິ່ນຈູ່" ລົມໃຕ້ຝຸ່ນເລກໜຶ່ງປີນີ້ພັດພື້ຢູ່ເຂດທະເລຈີນ, ເຄື່ອງໝາຍທາງເດີນເຮືອດີຈີຕອນໄດ້ຊີ້ນຳເຮືອຈີນໜີຫວິດລົມໃຕ້ຝຸ່ນ, ບໍ່ມີເຮືອລຳໃດປະສົບສະພາບອັນຕະລາຍ.
ເຄື່ອງໝາຍທາງເດີນເຮືອຖືລະບົບຈຳແນກໂດຍອັດຕະໂນມັດຂອງເຮືອເປັນຕົວແທນ, ສາມາດເຮັດໃຫ້ເຮືອຊົມໃຊ້ເຄືອຂ່າຍຂໍ້ມູນຂ່າວສານກັບເຮືອລຳອື່ນຢູ່ໃກ້ກັນແລະສະຖານີຢູ່ເທິງຝັ່ງ. ໃນດ້ານກໍ່ສ້າງແລະນຳໃຊ້ເຄື່ອງໝາຍທາງເດີນເຮືອ, ໂດຍສະເພາະແມ່ນລະບົບຈຳແນກໂດຍອັດຕະໂນມັດຂອງເຮືອ, ຈີນຢູ່ໃນແນວໜ້າຂອງໂລກ, ເຄືອຂ່າຍໄດ້ກວມທ່າກຳປັ່ນສຳຄັນແລະເຂດທະເລທັງໝົດຂອງຈີນ.
ວັນທີ 22 ພຶດສະພາ, ໃນເວລາໃຫ້ສຳພາດຕໍ່ນັກຂ່າວ, ທ່ານລິວກົ່ງເຊິງ ຮອງຫົວໜ້າປະຈຳການຂອງກົມທະເລແຫ່ງຊາດຈີນເວົ້າວ່າ, ໃນຂະບວນການປ້ອງກັນແລະສູ້ຢັນກັບລົມໃຕ້ຝຸ່ນ "ເຈິ່ນຈູ່", ກົມທະເລແຫ່ງຊາດຈີນໄດ້ໃຊ້ລະບົບຈຳແນກໂດຍອັດຕະໂນມັດຂອງເຮືອປະກາດຂໍ້ມູນຂ່າວສານຢ່າງຂະໜາດໃຫຍ່ແລະໃນເນື້ອທີ່ກວ້າງ, ອັນໄດ້ເຮັດໃຫ້ເຮືອຈີນທຸກລຳທີ່ຢູ່ບົນເສັ້ນທາງລົມໃຕ້ຝຸ່ນໄດ້ໜີຫວິດຈາກການໂຈມຕີໂດຍກົງຂອງລົມໃຕ້ຝຸ່ນຢ່າງສຳເລັດຜົນ.
|
|
|
