|
ນະໂຍບາຍແລະມາດຕະການແຫ່ງການພັດທະນາການທະນາຄານຊົນນະບົດມີ:ລະດົມທຸກກຳລັງສ້າງອົງການປ່ອຍເງິນກູ້ຈຳນວນໜ້ອຍ,ຊັກນຳຄອບຄົວຊາວກະສິກອນສ້າງຕັ້ງອົງການຊ່ອຍເຫຼືອກັນດ້ານເງິນທຶນ,ເຮັດໃຫ້ການກູ້ເງິນຂອງປະຊາຊົນເປັນແບບສະບັບ,ໃຕ້ປະຖົມປັດໄຈທີ່ຮັບປະກັນໃຫ້ຕົ້ນທຶນພຽງພໍ,ຕິດຕາມຄຸ້ມຄອງທາງການທະນາຄານຢ່າງເຄັ່ງຄັດແລະສ້າງກົນໄກຖອນເງິນທີ່ສົມເຫດສົມຜົນນັ້ນແລະບັງເກີດຜົນ,ສົ່ງເສີມໃຫ້ສ້າງຕັ້ງອົງການທະນາຄານຄຸ້ມເຮືອນຢູ່ທີ່ມີລະບອບກຳມະສິດຫຼາຍປະເພດຢູ່ໃນເມືອງ,ອະນຸຍາດທຶນເອກະຊົນແລະທຶນຕ່າງປະເທດເປັນຕົ້ນເຂົ້າຫຸ້ນ,ໃຫ້ການທະນາຄານລັກສະນະນະໂຍບາຍເພິ່ມທະວີການສະໜັບສະໜູນຕໍ່ພື້ນຖານໂຄງລ່າງຊົນນະບົດແລະການພັດທະນາຊັບພະຍາກອນກະສິກຳ.
ນະໂຍບາຍແລະມາດຕະການລະບົບຕະຫຼາດມີ:ຕັ້ງໜ້າຊຸກຍູ້ການດັດສ້າງຕະຫຼາດຂາຍຍົກຜະລິດຕະພັນກະສິກຳ,ສົ່ງເສີມວິສາຫະກິດການຄ້າແລະອັດຕະພາບລົງທຶນປະເພດອື່ນພັດທະນາອຸດສາຫະກຳຈໍລະຈອນສິນຄ້າທີ່ທັນສະໄໝຢູ່ຊົນນະບົດດ້ວຍຮູບການສ້າງໃໝ່,ໂຮມເອົາ, ຮ່ວມມືແລະເຂົ້າຮ່ວມເປັນຕົ້ນ,ບຳລຸງສ້າງຖັນແຖວນາຍໜ້າແລະອົງການກາງດ້ານກົດໝາຍແລະວຽກງານບັນຊີເປັນຕົ້ນຂອງຊົນນະບົດ,ສະໜອງການບໍລິການທີ່ບັງເກີດຜົນທີ່ພັດທະນາການຜະລິດແລະທຸລະກິດແລະປົກປັກຮັກສາສິດແລະຜົນປະໂຫຍດຊອບກົດໝາຍໃຫ້ແກ່ຊາວກະສິກອນ,ຊຸກຍູ້ການຂະຫຍາຍຕົວຂອງອົງການບໍລິການສັງຄົມແບບໃໝ່ປະເພດຕ່າງໆ ເຊັ່ນ,ສະມາຄົມຂະແໜງການຜົນຜະລິດກະສິກຳ,ຕັ້ງໜ້າຊຸກຍູ້ກິດຈະການກໍ່ສ້າງແທ່ນບໍລິການຂໍ້ມູນຂ່າວສານກະສິກຳສັງລວມ,ເກັບໂຮມແລະຈັດສັນຊັບພະຍາກອນຂໍ້ມູນຂ່າວສານ,ສະໜອງການບໍລິການຂໍ້ມູນຂ່າວສານໃຫ້ດີ.
ນະໂຍບາຍແລະມາດຕະການແຫ່ງການກໍ່ສ້າງແລະບູລະນະລະບົບປະກັນສັງຄົມຊົນນະບົດມີ:ສ້າງລະບອບປະກັນໄພປະສິມມະໄວສັງຄົມຊົນນະບົດທີ່ສອດຄ່ອງກັບລະດັບການພັດທະນາເສດຖະກິດຂອງຊົນນະບົດແລະປະກອບເປັນຊຸດກັບມາດຕະການຮັບປະກັນອື່ນໆ,ສ້າງລະບອບຮັບປະກັນຊີວິດການເປັນຢູ່ຕ່ຳສຸດຊົນນະບົດຢູ່ເຂດທີ່ມີເງື່ອນໄຂ,ຊຸກຍູ້ວຽກງານທົດລອງການປະກັນໄພກະສິກຳທີ່ມີລັກສະນະນະໂຍບາຍຢ່າງໝັ້ນທ່ຽງ,ເລັ່ງລັດພັດທະນາການປະກັນໄພກະສິກຳທີ່ມີຫຼາຍຮູບການຫຼາຍຊ່ອງທາງ,ແກ້ໄຂບັນຫາທີ່ປະກັນຕົວຣຳນຳຍາກໃນການກູ້ເງິນຂອງຄອບຄົວກະສິກອນແລະວິສາຫະກິດຂະໜາດກາງຂະໜາດນ້ອຍຂອງຊົນນະບົດ.
ນະໂຍບາຍແລະມາດຕະການແຫ່ງການປົວແປງການປົກຄອງຂອງອົງການປົກຄອງຂອງຕາແສງແລະເມືອງນ້ອຍມີ:ປະດິດສ້າງກົນໄກໝູນເດີນຂອງສະຖານີພາລະກິດຊົນນະບົດ,ເຮັດໃຫ້ກົງຈັກແລະພະນັກງານກະທັດຮັດ,ຊຸກຍູ້ການປະຕິຮູບໂຄງປະກອບຄຸ້ມຄອງການເງິນທີ່"ແຂວງຄຸ້ມຄອງເມືອງໂດຍກົງແລະວິທີຄຸ້ມຄອງການເງິນທີ່"ການເງິນຕາແສງໃຫ້ເມືອງເປັນຜູ້ຄຸ້ມຄອງແຕ່ຕາແສງນຳໃຊ້",ດຳເນີນວຽກງານທົດລອງກວດກາແລະຊຳລະສະສາງໜີ້ສິນຊົນນະບົດ,ຊຳລະບັນຫາຕິດອາກອນກະສິກຳໃນຫຼາຍປີທີ່ຜ່ານມານັ້ນຢ່າງເໝາະສົມ.
ການສ້າງຊົນນະບົດໃໝ່ສັງຄົມນິຍົມ,ນອກຈາກຕ້ອງມີນະໂຍບາຍແລະມາດຕະການອັນຖືກຕ້ອງແລ້ວ,ຍັງຕ້ອງມີເປົ້າໝາຍແລະໜ້າທີ່ທີ່ຄັກແນ່.ເວົ້າລວມແລ້ວມີເນື້ອໃນ5ດ້ານດັ່ງລຸ່ມນີ້,ຄື:
1ແມ່ນ,5ປະໂຫຍກທີ່ກອງປະຊຸມຄົບຄະນະຄັ້ງທີ5ຂອງສູນກາງພັກກອມມູນິດຈີນສະໄໝທີ16ສະເໜີອອກມາຄື:ການຜະລິດພັດທະນາ,ຊີວິດການເປັນຢູ່ຮັ່ງມີ,ຮີດສັງຄົມໃນຊົນນະບົດສີວິໄລ,ໂສມໜ້າຂອງບ້ານເປັນລະບຽບຮຽບຮ້ອຍທັງສະອາດດີ,ການຄຸ້ມຄອງມີປະຊາທິປະໄຕ.ໃນ5ດ້ານດັ່ງກ່າວກໍ່ມີນະໂຍບາຍແລະມາດຕະການທີ່ສົມຄູ່ກັນ.
2ແມ່ນ,"ຊຸກຍູ້ການກໍ່ສ້າງເສດຖະກິດ,ການເມືອງ,ວັດທະນະທຳ,ສັງຄົມແລະພັກຢ່າງປະສານກົມກຽວກັນ"ທີ່ສະເໜີອອກມາໃນເອກະສານເລກ1ຂອງສູນກາງພັກກອມມູນິດຈີນໃນປີ2006.
3ແມ່ນ,ທີ່ຕ້ອງຍຶດໝັ້ນ5ດ້ານ,ຄື:ຍຶດໝັ້ນຖືການພັດທະນາເສດຖະກິດຊົນນະບົດເປັນໃຈກາງ,ຍຶດໝັ້ນໂຄງປະກອບເຮັດທຸລະກິດພື້ນຖານຂອງຊົນນະບົດທີ່ລະບຸໄວ້ໃນລັດຖະທຳມະນູນນັ້ນຢ່າງບໍ່ຫວັ່ນໄຫວຄອນແຄນ,ຍຶດໝັ້ນຖືຄົນເປັນກົກ,ອອກແຮງແກ້ໄຂບັນຫາຕົວຈິງທີ່ຮີບດ່ວນກວ່າໝູ່ໃນການຜະລິດແລະດຳລົງຊີວິດຂອງຊາວກະສິກອນ,ຍຶດໝັ້ນການວາງແຜນກຳນົດຕາມຫຼັກວິທະຍາສາດ,ເຮັດຕາມເງື່ອນໄຂຂອງແຕ່ລະທ້ອງຖິ່ນ,ແລະຊີ້ນຳໂດຍແບ່ງເປັນປະເພດ,ຍຶດໝັ້ນລະດົມຄວາມຫ້າວຫັນຂອງບັນດາຝ່າຍ,ອາໄສການອອກແຮງງານຢ່າງຂະຫຍັນໝັ່ນພຽນຂອງ ຊາວກະສິກອນ,ການສະໜັບສະໜູນຂອງລັດຖະບານແລະການເຂົ້າຮ່ວມຢ່າງກວ້າງຂວາງຂອງກຳລັງສັງຄົມ.
4ຕ້ອງມີໝາກຜົນຕົວຈິງ,ບໍ່ເຮັດຕາມລັດທິຮູບການ,ຕ້ອງປະຕິບັດງານຕາມຄວາມສາມາດ,ບໍ່ປຽບທຽບຢ່າງຫຼັບຫູຫັຼບຕາ,ຕ້ອງຫາລືກັນຢ່າງມີປະຊາທິປະໄຕ,ບໍ່ບັງຄັບໃຫ້ເຮັດ,ຕ້ອງເຮັດໃຫ້ຈຸດພິເສດພົ້ນເດັ່ນຂຶ້ນ,ບໍ່ຕ້ອງຊີ້ນຳແລະສະໜັບສະໜູນ,ບໍ່ເຮັດແທນ.
5ມີເປົ້າໝາຍໃຫຍ່5ຂໍ້ຄື:ກຳລັງການຜະລິດຂອງຊົນນະບົດມີການພັດທະນາ,ລະດັບຊີວິການເປັນຢູ່ຂອງຊາວກະສິກອນສູງຂຶ້ນ,ພື້ນຖານໂຄງລ່າງຂອງຊົນນະບົດປົວແປງໃຫ້ດີຂຶ້ນ,ພາລະກິດສັງຄົມຊົນນະບົດມີການພັດທະນາ,ການກໍ່ສ້າງການເມືອງປະຊາທິປະໄຕຢູ່ຮາກຖານສືບຕໍ່ກ້າວໄປໜ້າ.
ເວົ້າລວມແລ້ວ,ການກໍ່ສ້າງຊົນນະບົດໃໝ່ສັງຄົມນິຍົມແມ່ນໜ້າທີ່ປະຫວັດສາດອັນໃຫຍ່ຫຼວງທີ່ກອງປະຊຸມຄົບຄະນະຂອງສູນກາງພັກກອມມູນິດຈີນຄັ້ງທີ5ສະໄໝທີ16ວາງອອກ,ພົວພັນເຖິງພາກສ່ວນທັງໝົດແຕ່ງການກໍ່ສ້າງສັງຄົມເຫຼືອຢູ່ເຫຼືອກິນຢ່າງຮອບດ້ານແລະກໍ່ສ້າງໃຫ້ທັນສະໄໝ,ຈະກິນເວລາຍາວນານແລະແມ່ນໜ້າທີ່ລຳບາກກາກກຳ,ພັກແລະລັດຖະບານຈີນຕ້ອງທຳຄວາມພະຍາຍາມອັນມະຫາສານ.
1 2
|
