|
|
 |
| (GMT+08:00)
2006-05-23 10:29:06
|
 |
|
ວິທີໃຊ້ນ້ຳຢາລ້າງມືທີ່ຄວນເອົາໃຈໃສ່
cri
|
ໃນຊີວິດປະຈຳວັນ, ຄົນທັງຫຼາຍໄດ້ເອົາໃຈໃສ່ວ່າ, ລ້າງມືບໍ່ແມ່ນເລື່ອງທຳມະດາ, ມັນກ່ຽວພັນເຖິງສຸຂະພາບຂອງຄົນເຮົາ, ມີບົດບາດສຳຄັນທີ່ສຸດຕໍ່ການປ້ອງກັນພະຍາດ. ສະນັ້ນ, ຕ້ອງຖືການລ້າງມືເປັນວິທີທຳຄວາມສະອາດທີ່ດີແລະຍຶດໝັ້ນລ້າງມືເລື້ອຍໆ, ດຽວນີ້, ຄົນສ່ວນຫຼາຍມັກໃຊ້ນ້ຳຢາລ້າງມື, ສະນັ້ນ, ຄຸນນະພາບຂອງນ້ຳຢາລ້າງມືດີຫຼືບໍ່ຈິ່ງກ່ຽວພັນເຖິງສຸຂະພາບ ຂອງພວກເຮົາໂດຍກົງ. ຜູ້ຊ່ຽວຊານທີ່ກ່ຽວຂ້ອງເຕືອນວ່າ: ຄຸນນະພາບຂອງນ້ຳຢາລ້າງມືທີ່ຈຳໜ່າຍໃນຕະຫຼາດປະຈຸບັນນີ້ຕ່າງກັນຫຼາຍ, ໃນເວລາເລືອກຊື້ນ້ຳຢາລ້າງມືນັ້ນ, ຕ້ອງເບິ່ງວ່າມັນມີເຄື່ອງໝາຍດັບເຊື້ອຫຼືບໍ່.
ນ້ຳຢາລ້າງມືສອງປະເພດ: ປະເພດໜຶ່ງແມ່ນນ້ຳຢາລ້າງມືທຳມະດາ, ອີກປະເພດໜຶ່ງແມ່ນດັບເຊື້ອໄດ້ພ້ອມ. ປະເພດກ່ອນລ້າງໃຫ້ສະອາດ, ປະເພດລຸນຈິ່ງມີທາດຕ້ານເຊື້ອ, ລະງັບເຊື້ອແລະດັບເຊື້ອ. ນ້ຳຢາລ້າງມືສອງປະເພດນີ້ເຄື່ອງບັນຈຸກໍແຕກຕ່າງກັນ. ທຳມະດາແລ້ວນ້ຳຢາລ້າງມືບໍ່ມີທາດຟົສພໍ, ອາລຸຍນິອົມແລະທາດດັ່ງ, ໃຊ້ຫຼັກມູນທີ່ລ້າງສິ່ງເປື້ອນອອກແບບອ່ອນໆ, ຜິວໜັງຮັບເອົາໄດ້ງ່າຍ.
ດຽວນີ້, ໃນຫ້ອງນ້ຳຂອງສະຖານທີ່ສາທາລະນະຕ່າງໆເຊັ່ນຮ້ານອາຫານ, ຮ້ານຄ້າແລະຫ້ອງສ້ວມມີນ້ຳຢາລ້າງມືໄວ້ໃຫ້ໃຊ້ລ້າ, ນ້ຳລ້າງມືທີ່ໃຊ້ຟຼີເຫຼົ່ານີ້ພັດພາໃຫ້ຄົນເກີດຄວາມສົງໄສວ່າ: ນ້ຳຢາລ້າງມືເຫຼົ່ານີ້ຈະກັດຜິວໜັງບໍ່? ທີ່ຈິງແລ້ວ, ເຖິງວ່ານ້ຳຢາລ້າງມືຂວດນ້ອຍທີ່ພວກເຮົາຊື້ມາໃຊ້ເອງນັ້ນ, ບາງເທື່ອກໍອາດຈະມີບັນຫາຄຸນນະພາບເຊັ່ນເຊື້ອພະຍາດເກີນມາດຖານແລະຝອດບໍ່ຫຼາຍເປັນຕົ້ນ. ປະຈຸບັນ, ຫຼາຍປະເທດຍັງບໍ່ໄດ້ປະກາດມາດຖານຜະລິດຕະພັນນ້ຳຢາລ້າງມືຂອງລັດເທື່ອ. ຄຸນນະພາບຂອງນ້ຳລ້າງມືກໍແລ້ວແຕ່ໂຮງງານທີ່ຜະລິດຈະເຄັ່ງຄັດຫຼບໍ່. ສະນັ້ນ, ໃນເວລາເລືອກຊື້ຢາລ້າງມືນັ້ນ:
1, ຕ້ອງໄປຊື້ຢູ່ຮ້ານຄ້າແບບແຜນ, ເພາະຮ້ານຄ້າແບບແຜນສ່ວນຫຼາຍຈະຊື້ເຄື່ອງທີ່ຄຸນນະພາບຮັບປະກັນມາຂາຍ,, ມີລະບອບຮັບປະກັນຄຸນນະພາບສິນຄ້າອ່າວເຂັ້ມງວດ.
2, ສັງເກດເບິ່ງວ່າການຫຸ້ມຫໍ່ດີບໍ່, ຕົວໜັງສືຕາມເຄື່ອງບັນຈຸຊັດແຈ້ງບໍ່, ບ່ອນກົດດີບໍ່, ຄັນບໍ່ດີ, ນ້ຳຢາກົດອອກບໍ່ໄດ້ຫຼືຮົ່ວ, ກໍຊື້ຖິ້ມລ້າໆ.
3, ສັງເກດເບິ່ງວ່າກາໝາຍຄົບຖ້ວນບໍ່, ມີຊື່ໂຮງງານແລະທີ່ຕັ້ງໂຮງງານບໍ່, ໂດຍສະເພາະແມ່ນຕ້ອງກວດເບິ່ງວ່າມີເລກໝາຍມາດຖານຫຼືບໍ່. ເຖິງວ່າດຽວນີ້ນ້ຳຢາງລ້າງມືຍັງບໍ່ມີມາດຖານທີ່ເປັນເອກະພາບຂອງລັດເທື່ອ, ແຕ່ກໍບໍ່ອະນຸຍາດໃຫ້ຜະລິດແບບບໍ່ມີກາໝາຍ, ສະນັ້ນວິສາຫະກິດຕ່າງໆຕ້ອງວາງມາດຖານຂອງວິສາຫະກິດເອງ, ແລະໝາຍເລກມາດຖານຂອງໂຮງງານໃສ່ເພື່ອຮັບປະກັນຄຸນນະພາບຂອງຜະລິດຕະພັນ.
4, ຕ້ອງດົມເບິ່ງວ່ານ້ຳລ້າງມືທີ່ຊື້ນັ້ນມີກິ່ນເໝັນຫຼືກິ່ນຂິວຫຼືບໍ່. ຖ້າມີອາດຈະແມ່ນຍ້ອນຜະລິດຕະພັນກາຍກຳນົດໃຊ້ຫຼືໃຊ້ວັດຖຸດິບທີ່ເກືອດຫ້າມແລ້ວ, ດີທີ່ສຸດບໍ່ຊື້ແລະບໍ່ໃຊ້. ຍັງຕ້ອງສັງເກດເບິ່ງວ່ານ້ຳຢາງລ້າງມືມີສະພາບທີ່ນ້ຳກັບນ້ຳມັນແຍກອອກຈາກກັນຫຼືບໍ່, ຖ້າມີກໍສະແດງໃຫ້ເຫັນວ່າ, ຜະລິດຕະພັນນີ້ບໍ່ມີຄຸນນະພາບດີ.
|
|
|
