|
|
 |
| (GMT+08:00)
2006-05-23 11:32:38
|
 |
|
ບໍລິສັດໄມໂກຼຊອຟດ໌ຈະເພີ່ມທະວີການຮ່ວມມືກັບອຸດສາຫະກຳຂໍ້ມູນຂ່າວສານຂອງຈີນ
cri
Author: shuo
ຕາມຂ່າວສານຊິນຮວາ:ວັນທີ22ພຶດສະພາ,ຢູ່ທີ່ປັກກິ່ງ,ທ່ານບາວເອີໂມ ຫົວໜ້າຜູ້ບໍລິຫານງານຂອງບໍລິສັດໄມໂກຼຊອຟດ໌ໄດ້ປະກາດວ່າ,ພາຍໃນ5ປີຂ້າງໜ້າ,ບໍລິສັດໄມໂກຼຊອຟດ໌ໃຫ້ຄຳໝັ້ນສັນຍາວ່າຈະລົງທຶນບໍ່ໜ້ອຍກວ່າ250ລ້ານຢວນເພື່ອເພີ່ມທະວີການຮ່ວມມືຢ່າງຮອບດ້ານກັບວົງການອຸດສາຫະກຳຂໍ້ມູນຂ່າວສານຈີນ.
ໃນບົດບັນທຶກການຮ່ວມມືທີ່ລົງນາມກັບກະຊວງອຸດສາຫະກຳຂໍ້ມູນຂ່າວສານຈີນໃນວັນທີ22ພຶດສະພາ,ບໍລິສັດໄມໂກຼຊອຟດ໌ໃຫ້ຄຳໝັ້ນສັນຍາວ່າ,ໃຕ້ການຊີ້ນຳຂອງກະຊວງອຸດສາຫະກຳຂໍ້ມູນຂ່າວສານ,ໃນອະນາຄົດ,ຈະສ້າງຫ້ອງທົດລອງຄົ້ນຄວ້າພັດທະນາແລະສູນປະດິດສ້າງຫຼາຍກວ່າເກົ່າ,ອົບຮົມຜູ້ມີຄວາມຮູ້ຄວາມສາມາດດ້ານຊອຟແວ,ເພື່ອຊ່ອຍຈີນຍົກຄວາມສາມາດພັດທະນາແລະປະດິດສ້າງຂອງວິສາຫະກິດຊອຟແວໃຫ້ສູງຂຶ້ນ.ຈຸດໜັກອີກຂໍ້ໜຶ່ງຂອງການຮ່ວມມືລະຫວ່າງສອງຝ່າຍແມ່ນການຫັນຊົນນະບົດເປັນແບບຂໍ້ມູນຂ່າວສານ,ຊ່ອຍຊາວກະສິກອນຫຼຸດພົ້ນອອກຈາກຄວາມທຸກຍາກ,ສ້າງຮັ່ງຄູນມີດ້ວຍເຕັກນິກຂໍ້ມູນຂ່າວສານ.
ເຈົ້າໜ້າທີ່ກະຊວງອຸດສາຫະກຳຂໍ້ມູນຂ່າວສານຈີນກ່າວວ່າ,ການຮ່ວມມືກັບບໍລິສັດໄມໂກຼຊອຟດ໌ຈະຊຸກຍູ້ການພັດທະນາອຸດສາຫະກຳຊອຟແວຂອງຈີນ.ຈີນຈະສືບຕໍ່ເພີ່ມທະວີການປົກປ້ອງສິດຊັບສິນທາງປັນຍາດ້ານຊອຟແວ,ສ້າງເງື່ອນໄຂອັນດີງາມໃຫ້ການພັດທະນາອຸດສາຫະກຳຂໍ້ມູນຂ່າວສານ.
|
|
|
