|
ຫວ່າງມໍ່ໆນີ້,ພວກເຮົາໄດ້ຮັບຈົດໝາຍຂອງທ້າວ ແສງສົມພະບຸດ ທີ່ຮຽນຢູ່ມະຫາວິທະຍາໄລສຸພານຸວົງ ແຂວງຫຼວງພະບາງ,ໃນຈົດໝາຍນ້ອງ ແສງສົມພະບຸດເວົ້າວ່ານ້ອງມັກຟັງລາຍການຂອງພວກເຮົາຫຼາຍ,ນ້ອງຂຽນວ່າ:ນ້ອງເອງແມ່ນມິດລາຍການຂອງສະຖານີວິທະຍຸສາກົນແຫ່ງປະເທດຈີນ,ເຄີຍຕິດຕາມຮັບຟັງລາຍການຕ່າງໆຂອງວິທະຍຸCRIເປັນເວລາດົນນານ.ລາຍການຕ່າງໆແມ່ນມີເນື້ອຫາສາລະດີຖືກຕ້ອງກັບສະພາບຄວາມເປັນຈິງຂອງເຫດການ.ລາຍການທີ່ນ້ອງມັກຟັງຫຼາຍກວ່າໝູ່ແມ່ນ:ຂ່າວທົ່ວໄປ,ຂ່າວພາຍໃນປະເທດ,ສາລະຄະດີໜ້າຮູ້,ລາຍການນັດພົບໃນວັນອາທິດແລະລາຍການສອນພາສາຈີນເປັນຕົ້ນ.
ຂອບໃຈ ນ້ອງ ແສງສົມພະບຸດຫຼາຍໆທີ່ໄດ້ສົມໃຈແລະສະໜັບສະໜູນລາຍການຂອງພວກເຮົາເປັນເວລາດົນນານ.ພ້ອມກັນນັ້ນ,ກໍ່ຫວັງວ່າເພື່ອນມິດຜູ້ຟັງທັງຫຼາຍ,ຖ້າວ່າທ່ານມີບັນຫາຫຍັງໃນຊີວິດການເປັນຢູ່ຫຼືມີຄຳຄິດຫຍັງໃນໃຈ,ກໍ່ຂໍໃຫ້ທ່ານຈົ່ງຂຽນຈົດໝາຍຫຼືໃຊ້ວິທີອື່ນໆຕິດຕໍ່ພວກເຮົາ,ລາຍການຂອງພວກເຮົາຍິນດີຮັບຟັງຄຳຄິດເຫັນແລະຂໍ້ສະເໜີຂອງທ່ານຄຳຄິດແລະຂໍ້ສະເໜີຂອງທ່ານເປັນການເຊີດຊູກຳລັງໃຈຕໍ່ລາຍການຂອງພວກເຮົາ.ພວກເຮົາກໍ່ຈະພະຍາຍາມທີ່ສຸດຈັດລາຍການທີ່ມີຄຸນນະພາບດີເພື່ອມອບໃຫ້ເພື່ອນມິດຜູ້ຟັງ.ໃນຕອນມ້ວນທ້າຍ,ພວກເຮົາຂໍມອບເພງມ່ວນໆເພງໜຶ່ງໃຫ້ແກ່ນ້ອງ ແສງສົມພະບຸດ, ເພງນີ້ຊື່ວ່າ"ເພີງຢິວ",ແປວ່າ"ເພື່ອນມິດ",ທັງມອບໃຫ້ເພື່ອນມິດຜູ້ຟັງທັງຫຼາຍທີ່ເອົາໃຈໃສ່ນຳລາຍການຂອງພວກເຮົາ.
|
